منتديات مدينة الاحلام

فيس بوك مدينة الاحلام twitter RSS 

 
 
معجبو مدينة الاحلام علي الفيس بوك

  #1  
قديم 29 - 09 - 2007, 00:41
الملك غير متصل
..:: من سكان المدينة ::..
 


الملك is on a distinguished road
افتراضي بالتفاصيل : الفارق بين جهاز سوني بلاي ستيشن 3 و مايكروسوفت اكس بوكس

المزايا

- يتميز عن الـxbox 360 بانه ما يحتاج محول كهرباء ضخم مثله. مجرد اشبك السلك من السوني الى الكهرب مباشره.

- محرك الاقراص روعه و عملي جدا عكس الـxbox 360, و تحس انه شي فخم صراحه.

- الجهاز هااااااادي جدا عكس xbox 360 المشهور بازعاجه. طبعا اذا احتمى الجهاز تبدا تشتغل المراوح, بس يستمر اهدا من الـ360.

- يتحمل الحراره و البروده بشكل رهيب. يعني جهاز جبار من هالناحيه. الـxbox 360 جت عليه مشاكل كثير من ناحية الحراره.

- اداءه ثابت في الالعاب حتى لو فيها مخوش خفيفه. الـxbox 360 مرات يتشكّى من اللعبه و يوقفها عليك حتى لو انها جديده مره.

- كأداء عام الجهاز ممتاز جدا, و نسبة خرابه قليله مره. يعني تشتريه و انت مرتاح.

- تصفح النظام (XMB) سواء بوسط اللعبه او خارج اللعبه خفيف و سريع جدا. عكس الـ 360 اللي نظامه ثقيل و بطيء نوعا ما.

- الملفات اللي تنزلها عن طريق الجهاز تقدر توقفها و تتحكم فيها, بعكس الـxbox 360 اللي يجبرك تنزل الملفات بالترتيب اللي اخترتها فيه!

- بامكانك تدخل على البلاستيشن عن طريق الـPSP سواء عن طريق الاتصال المباشر او عن طريق الانترنت! و هالشي يسمح لك تستعرض الصور و الام المخزنه على جهاز الـPS3 تبعك و تتحكم بتحميل الملفات مثلا, و حتى تلعب بعض العاب الـPS1 !

- نظام الشراء يستخدم عملة الدولار غير xbox اللي يستعمل "نقاط". الدولار يخليك تعرف قيمة الشي اللي بتشتريه مباشره بدون لف و دوران.

- يده ما تحتاج بطاريه عكس الـxbox360 اللي لازم تشتري لها بطاريات او تشتري بطاريه تنشحن. يد السوني جاهزه تجي مع سلك USB للشحن, بدون اي قلق.

- نظام تحسس الحركه الموجود باليد, يعطيك الامكانية انك تتفاعل مع بعض الالعاب اللي تستخدم هذي التنقيه عن طريق تحريك اليد.

- امكانية استبدال الـHard Disk (القرص الصلب) بأي Hard Disk موجود بالسوق و باسعار رخيصه, عكس الـxbox 360 اللي يستخدم اقراص صلبه خاصه فيه فقط و غاليه.

- الجهاز يجي معه Wireless و bluethooth جاهز, على اساس تشبكه على النت لاسلكيا و تشبك اي سماعة بلوتوث عليه عشان تستخدمها وسط اللعب. الـxbox 360 يحتاج تشتري له قطعه عشان يدعم الـWireless و الى الان مافيه طريقه تخليه يدعم سماعات البلوتوث.

- وجود متصفح انترنت يسمح لك تفتح 6 نوافذ في وقت واحد. الـxbox الى الان ما عنده متصفح.

- امكانية و سهولة تثبيت و استخدام نظام Linux للمهتمين فيه.

- استخدام الانترنت سواء للعب او لتحميل الملفات من الـStore مجاني, عكس الـxbox 360 اللي يتطلب رسوم اشتراك (الرسم السنوي يكلف 190 ريال تقريبا).

- امكانية تشغيل اقراص الـBluray (من افلام و العاب) اللي توصل مساحتها الى 50 قيقا بايت , و هالشي يسمح لشركات الالعاب انها تضيف محتويات اضافيه لالعاب البلاي ستيشن. الـxbox 360 يعتمد على الـDVD اللي -كحد اقصى - تشيل 8.5 قيقا بايت فقط من البيانات.

- وجود منفذ HDMI في جميع الاجهزه لصوت و صوره بجوده عاليه (1080p) على التلفزيونات اللي تدعم هالتقنيه , عكس الـxbox 360 اللي يدعم كيابل Component كحد اقصى (الـxbox360 elite فيه HDMI, لكن الجهاز اغلى). اذا تلفزيونك LCD تحت الـ40 بوصه او عادي ما راح يكون فيه فرق بالنسبه لك.



العيوب

- سعره يقص الظهر. 2500 (حتى مع العرض الجديد) صراحه شي يقص الظهر. اوكي صحيح يجي معه لعبتين و يدين, بس مو كل الناس يبون هالاشياء معه دفعه وحده.

- نقص شدييييييييييييييد بالالعاب الممتازه عليه حاليا عكس نظيره الـxbox 360. حتى ان بعض الالعاب اللي نازله على الجهازين تكون افضل على الـ360 لانه المطوّرين الى الان يجدون صعوبه في البرمجه لجهاز PS3. هالشي يفترض يتعدل خلال 2008.

- اليد مافيها هزاز. ما تحس انك تدخل جو باللعبه زي اول. بس سوني الحين تطور تقنية هزاز افضل من الاجهزه الثانيه, و يتوقع انها تصدر خلال الثلاث شهور الجايه (مجرد توقعات, مافيه شي ثابت للحين).

- الازرار الخلفيه (R2 L2) غير مريحه و غير عمليه نوعا ما مقارنة بالازرار الخلفيه للـxbox 360, لكن البعض يرتاح لها.

- عدم وجود كيابل Component او HDMI مع السوني. يعني زياده على سعره الغالي, بتحتاج تشتري كيابل (الاصلي منها غالي) اذا كنت تبي صوره عالية الجوده على التلفزيونات اللي تدعم احد المنفذين. الـxbox 360 يجي معه كيبل فيه مخرجين Component و AV.

- نظام الاونلاين حقه بسيييييط و بدائي جداااا مقارنه بالـ360, و ما تقدر تشوف اخوياك و ترسل و تقرا مسجات و انت تلعب. هالشي ممكن يتغير مع تحديثات النظام الجايه.

- الـStore (اللي هو محل سوني اللي تحمل و تشتري منه اشياء اونلاين), فاضي مقارنة بالـxbox 360. العاب التجربه (demo) تنقّط تنقيط عليه, و الالعاب الصغيره (الـarcade) عددها متواضع جدا و الالعاب اللي تستاهل منها ما تتعدى اصابع اليد الوحده, و تصميمه اقل من متوسط.

- ما تقدر تجرب كل الالعاب اللي تشتريها من الـstore. فيه العاب ما تجربها الا "بعد" ما تشتريها, عكس الـxbox 360 اللي تقدر تجرب اي لعبه قبل ما تشتريها.


بشكل عام, بلايستيشن 3 كجهاز و جوده رووووعه و لا يعلى عليه بالسوق حاليا. لكن مشكلته بنظام الاونلاين البسيط و النقص الشديد جدا بالالعاب. اذا كنت راعي العاب انصحك تنتظر شوي الى 2008 يكون نظامه تطور و نزلت عليها تشكيله حلوه من الالعاب, و اذا انت راعي بس تلعب حق ساعتين او ثلاث ساعات كل اسبوع فراح يمشي امورك الى ما يظبط وضعه.



fhgjthwdg : hgthvr fdk [ih. s,kd fghd sjdak 3 , lhd;v,s,tj h;s f,;s

 
 
 
 
 





رد مع اقتباس
قديم 29 - 09 - 2007, 00:56   رقم المشاركة : [2]
..:: مشرف سابق ::..
الصورة الرمزية الرعد
 

الرعد is on a distinguished road
إرسال رسالة عبر مراسل MSN إلى الرعد إرسال رسالة عبر مراسل Yahoo إلى الرعد
افتراضي

مشكورررررررررررريا الغلا

على المواضيع الرئعه


دمت في الف خير


الرعد غير متصل   رد مع اقتباس
قديم 29 - 09 - 2007, 01:00   رقم المشاركة : [3]
..:: خدمة العملاء ::..
الصورة الرمزية البرق
 

البرق is on a distinguished road
إرسال رسالة عبر مراسل MSN إلى البرق إرسال رسالة عبر مراسل Yahoo إلى البرق
افتراضي

الاخ العزيز

ملحوظه ممتازه
ننتظر الجديد


البرق غير متصل   رد مع اقتباس
قديم 29 - 09 - 2007, 15:27   رقم المشاركة : [4]
..:: من سكان المدينة ::..
 

المصـــ افريكانو ـــري is on a distinguished road
افتراضي

مشكور

تقبل مروري


المصـــ افريكانو ـــري غير متصل   رد مع اقتباس
قديم 06 - 10 - 2007, 15:23   رقم المشاركة : [5]
..:: زائر جديد ::..
 

crazy zozo is on a distinguished road
افتراضي

شكرااااااااااااا على الموضوع ومتعوب عليه


crazy zozo غير متصل   رد مع اقتباس
قديم 17 - 10 - 2007, 20:02   رقم المشاركة : [6]
..:: من سكان المدينة ::..
الصورة الرمزية قلب جرئ
 

قلب جرئ is on a distinguished road
افتراضي

الاخ العزيز الملك يعطيك العافية
على النقل والمجهود الكبير البذلة من اجل منتدانا الرائع
وتمنايتي لك بالتواصل والاستمرار




قلب جرئ


قلب جرئ غير متصل   رد مع اقتباس
قديم 02 - 02 - 2008, 12:49   رقم المشاركة : [7]
..:: زائر جديد ::..
 

punished is on a distinguished road
افتراضي

الله يعطيك العافيه اخوي



والله قهر يا شباب

انا اشتريت البلاي ستيشن 3 اوووووووووول مانزل

وجات معه يد وحده لا اكثر

ولا شريط طبعا...

والله اني استعجلت كثير

بس مو ندمان>>> لاني انتظر نزول ميتل جير سوليد

وريزدنت ايفل 5


والله يا شباب اذا نزلت هذه الالعاب راح تكسسسسسسر السوق


وبعدين احب اضيفلك معلومه على بنك معلوماتك اخوي ^_^


ان البلاي ستيشن 3

ماله العاب كوبي .. نسخه

ولا يمكن انه تنزل له كوبي نهااااااااااااااائيا

بس بكل صراحه ... لو حق السي دي فوق 100 دولار والله اشتريه

لاني في العاب قووووووووووويه جدا راح تنزل


وتستاهل تدفع عليها


تحياتي على هالموضوع حبيبي


اخوك>>> المعاقب


punished غير متصل   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة
Trackbacks are متاحة
Pingbacks are متاحة
Refbacks are متاحة



الساعة الآن 09:06.

 
 


    Powered by vBulletin Version 3.8.7
Copyright ©2000 - 2019, Jelsoft Enterprises Ltd
ترقية وتطوير: مجموعة الدعم العربى
  

SEO by vBSEO