| |
| |
|
|
| |||||||
| قسم القصص والرويات مساحة للارتجال بين الحقيقة والخيال .. للقصة القصيرة والرواية |
 |
| | LinkBack | أدوات الموضوع |
|
#1
17 - 02 - 2006, 04:18
| |||||||
| |||||||
 رحلة بريه مع ابو مصعب والاستاذ ...... السلام عليكم ورحمه الله وبركاته قبل ان نقرر الذهاب للبر انا وابو مصعب والاستاذ طبعاً جهزنا العزبه واخذنا كل شي يكفينا لمدة اسبوع على الاقل وقبل الانطلاق توكلنا على الله وفللنا السياره بنزين طبعاً تبرع الاستاذ بتعبئه السياره وحلف علينا ماندفع شي كريم الله يحفظه لنا .... وبدأت الرحله طبعاً الرحله الى البراري الجميله والطبيعه الخلابه في حفر الباطن وبعد عناء السفر والتعب طبعاً السواق كان ابو مصعب طيله السفر وكان يحلف علينا انه ماهو تعبان ومستعد يواصل المشي ولما اخترنا المكان المناسب نزلنا عزبتنا واوقدنا الحطب في ذاك المكان اللي يشرح الصدر 0 0 0 0 0 0 0 طبعاً وصلنا العصر وكان الجو ممتاز وحلو وفي صباح اليوم التالي 0 0 0 0 جبنا معانا فطور عباره عن جبنه - ماهي دانماركيه - وقشطه وخبز ..... الخ وافطرنا وعينا من الله خير ذهبنا الى شليه ابل واقتربنا اكثر وكان المنظر جداً روعه وكانت الابل وضح فنظر لى ابو مصعب وقال سبحان اللى خلق الابل وذكر الايه الكريمه ( افلا ينظرون الى الابل كيف خلقت ) وكان وقتها المنظر ايماني اكثر منه جمالي 0 0 0 0 هل تنظرون الى هذا الحوار لسان حاله يقول انتم ليش تصوروني من زيني انا خخخخخخخخخ وفجأءه قال الاستاذ ياشباب انظرور الى المجاهيم من الابل قلت وش يعني مجاهيم انا اعرف لكن ابي اختبر الاستاذ <<<< عامل فيها ذكاء المهم قال الاستاذ افااااا انت بدوي ولا تعرف المجاهيم من الابل قلت لا قال يعني اللي تعطي لونها الي اللون الداكن الاسود فقلت ااااااه صحيح نسيت 0 0 0 ولكن المفاجأءه الكبرى حين طلب ابو مصعب من راعي الابل زبديه حليب قال الاستاذ يارجال انتبه على نفسك من الحمى المالطيه قلت يارجال مايصيبك الا ماكتب الله لك اباءونا كانوا عايشين على الله ثم حليب الابل والتمر والسمن والقشده ومااصابهم شي قالابو مصعب حنا اللى بلانا من اكلنا في وقتان هذا كله كيماوي ومعلب وماندري وش فيه المهم ماصبر ابومصعب على الحليب اللي جابه الراعي تخيلوا شرب كل اللي بالزبديه 0 0 0 0 0 ولما انتهينا من الذهاب الى الابل اخذ النهار يزول بسرعه الى ان وصلنا الى مكاننا قبيل المغرب وقضينا ذيك الليله على لهيب النار وكانت ليله من اروع الليالي وكان الحكاواتي الاستاذ يحكي لنا بطولاته مع شباب الحاره ايام الطفولة وانا وابو مصعب فاتحين فواهنا من هول الكلام ههههههههههه وفي صبيحه اليوم الثااني ذهبنا الى الفيضه وهناك شاهدنا منظر لا يمكن ان يوصف ارض ببساط اخضر سبحان الله وكان شروق الشمس شي عجيب ومنظر رهيب 0 0 0 فقلت ياشباب وش رايكم ننقل مكاننا الى هنا فوافقوا وبسرعه اتينا بالعفش والعزبه وركزناها على العشب الاخضر 0 0 0 0 يتبع المصدر: منتديات مدينة الاحلام vpgm fvdi lu hf, lwuf ,hghsjh` >>>>>> التعديل الأخير تم بواسطة االعديم ; 17 - 02 - 2006 الساعة 05:46.  |
|
17 - 02 - 2006, 05:03
| رقم المشاركة : [2] | |||
   | نتابع وفي وقت الضحى ذهبنا الى وسط الفيضة ووجدنا الابل الكثره والتى تأكل من العشب 0 0 0 0 0 0 وفجأءه قلت للاستاذ حبيبي ترى الغدا لازم نبدأ فيه الحين قال يعني وش تعني قلت حبيبي روح جهز لنا الغدا وانا وابو مصعب بعد نبي نتمشى لاني ابيه بسالفه خاصه بيني وبينه والمسكين صدق كلامي وراح يجهز الغدا كريم الله يخليه لنا 0 0 0 0 0 هذا الاستاذ جالس يجهز الغداء وبينما انا واخوي ابو مصعب نتمشى مرت من عندنا شليه غنم 0 0 0 0 0 وراح ابو مصعب يلعب واحده لقاها متطرفه عن الشليه 00 0 0 0 وقلت له اترك عنك الغنم وتعال شاهد كيف يلعب الغنم مع بعضه 0 0 0 0 0 0 0 0 وفجاءه قلت لابو مصعب خذ الكاميرا وصورني وانا مستلقي على العشب 0 0 0 0 وبعدها ذهبنا الى صديقنا وحبيبنا الاستاذ فوجدناه قد جهز الشاي والقهوه والتمر والغداء قلت له ونعم والله سنايدي اثاريك طير بر وانا ماادري قلت لابومصعب اجلس خلنا نتقهوا اليوم مشينا كثير وتعبنا 0 0 0 0 0 0 0 وقررنا الذهاب بعد الغداء الى الابل لانها هي اكثر شى هناك يتبع | |||
| |
|
17 - 02 - 2006, 05:21
| رقم المشاركة : [3] | |||
| وذهبنا الى هناك وشاهدنا الشئ الغريب شاهدنا كيف ترضع الناقه الاحوار فسبحان الله الخالق 0 0 0 وعندما نحن نتمشى في هذه الاجواء الربيعيه لاحظت اشياء على الارض وقلت بااعلى صوتى الفقع الفقع ابو مصعب الاستاذ شوفوا الفقع ياكثره لا وبعد طالع على الارض بسرعه جيبوا الخيشه خلونا نحمل منه .. 0 0 0 0 فجاءه مسكني ابو مصعب مع ظهري والاستاذ يشاهد المنظر ويضحك وقال لي هذا فقع هذا قلت ايه فقع قال هذا حنظل يابدوي قلت يعني ماهو فقع ياخسااااره قال الاستاذ والله شكلك اول مره تطلع للبر واخذوا يضحكون عليه وحنا نمشى على الارض ونبحث عن فقع فجأه قال الاستاذ وقفوا وقلنا وش فيه عسى ماشر واخذ يسألني انا عن النبته اللى بالارض 0 0 0  قلت ماادري اول مره انا اشوفها سالت ابومصعب قال هذه الربحلا قلت وش تعني الربحلا قال وهو كأنه عالم نبات وباللغه العربيه الفصحى هو نبات حولي قائم سيقانه متفرعة يتراوح طولها بين 15-40 سم . الأوراق بيضاوية طويلة وحافتها متموجة بشكل غير منتظم.... قلت بس بس خلاص انت تبي تتفلسف علينا خلاص فهمنا مشينا يالله قبل ماتغرب الشمس ويظلم الليل ونضيع مكاننا وفعلا وصلنا قبل الليل يتبع | |||
|
| |
|
17 - 02 - 2006, 05:41
| رقم المشاركة : [4] | |||
| وقضينا الليل كله وابو مصعب والاستاذ يضحكون عليه على سالفة الفقع وانا مقاطعهم على الكلام الى ان جاء الفجر وصلينا الفجر وذهبنا بعد ان افطرنا نتمشى قليلاً خارج الفيضه وبينما نحن بالسياره نمشى باقل سرعه قلت انا حيه حيه حيه قالوا وين وين ومسك فرمل ابو مصعب وطق راسي الكرسي قلت هنااااك ورحنا وفعلا وجدنا حيه   قال الاستاذ تعرفون ايش اسم الحيه هذه قل ابو مصعب لا قال الاستاذ هذه ام جنيب قلت احسن ياخطير وتعرف انواعهن واشكالهن قال لا وبعد اقدر امسك الحيه تفاجأنا انا وابو مصعب قال الاستاذ اذا مست ام جنيب وش تشترطون لي قلت خلاص اذا مستها اليوم تصير امير وماتمسك شئ لا شاي ولا قهوه ولاغداء ولا عشاء انت بس اجلس ويجيك كل شي قال تم فلت تم وانظروا الى دهاء الاستاذ وبراعته في القبض على الحيات   [ | |||
|
| |
|
17 - 02 - 2006, 05:42
| رقم المشاركة : [5] | |||
|  [img]  [/img]طبعاً كل هذا حدث وانا اخويي ابو مصعب بعيدين عن موقع الحدث يمكن 500 متر خايفين لكن خلاص طاحت عليه انا وابو مصعب وصار امير الاستاذ اليوم كله واخذ يتأمر علينا جيب شاي جيب قهوه ..الخ طبعا الاستاذ اخذ معاه ام جنيب وهي حيه ماماتت ماادري وش يريد منها لكن احتفظ فيها في علبه بالسياره وبعد ان تعشينا قررنا الذعاب الى اهلينا في الصباح الباكر وفعلا ذهبنا وكانت رحله موفقه وخاصه مع الحبيبين ابو مصعب والاستاذ اتمنى ان تكون الرحله اعجبتكم ودمتم بخير العديم | |||
|
| |
|
17 - 02 - 2006, 17:59
| رقم المشاركة : [6] | |||
| ترى فيه طلعه للبر الاسبوع القادم اللي يحب يمشى معي يجهز نفسه ................ | |||
|
| |
|
19 - 02 - 2006, 17:17
| رقم المشاركة : [7] | |||
 | هههههههههههههه حلوه هذي القصة ... بس أحسن شيء إن راسك صفق باطبلون .. لأني من زمان ما ضربتك بالمسنجر بهذاك اللي يخرع هههههههه حلوه والله .... لا تتأخر في الطلعة القادمة أهم شيء نبي فيها قنص ضبان وبأسلحة نارية غير مرخصة خخخخخخخخخخ | |||
|
| |
|
24 - 02 - 2006, 02:13
| رقم المشاركة : [8] | |||
| حلوه الرحلة وطلعات البر ممنوعه على البنات أظن ياالله معليش إذا طلعتو تذكروني لو كنت معاكم كنت طبخت لكم واسوي القهوة والشاهي وأرتاح الأستاذ من الطبيخ ههههههههههههههههه أمزح معاكم لاتفهموني غلط مشكور أخوي العديم دمت بــــــــــــــــــــــود && احترامي وتقديري&& لؤلؤة المطر | |||
|
| |
|
03 - 03 - 2006, 08:33
| رقم المشاركة : [9] | |||
| ما شاء الله طبيعه رائعه اما الاستاذ خطيييييييير في التعامل مع ام جنيب ومشكور يا العديم على الصور | |||
|
| |
|
04 - 03 - 2006, 15:56
| رقم المشاركة : [10] | |||
 | ياسلام ع القصة الحلووووة ممكن نروح معكم يمكن الى اين الرحلة الى صحراء فيها ثعابين كبار ياليت اسير الرحلة عشان اجيب لاخي الطيف وتحيااااتي الجرئ2006 | |||
|
| |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلت .. بدون وداع ..!! | مكي | قسم المنقولات الادبيه | 4 | 07 - 08 - 2006 19:51 |
|
Powered by vBulletin Version 3.8.7 Copyright ©2000 - 2024, Jelsoft Enterprises Ltd ترقية وتطوير: مجموعة الدعم العربى |
