كلمات اغاني علي بن محمد

خربوك

من صرت تمشي معاهم خربوك
وعن طيب قلبك والبراءة طلعوك
وابعدوا بك ياعيوني عن عيوني
مو بس مني حتى من نفسك خذوك
خربوك انت خربوك
كنت في حالك ولا لك في البشر
ارق من وردة يبللها المطر
كنت ابيض من بياض الثلج واكثر
واليوم اشوف الليل جنبك لونوك
خربوك خلاص خربوك
كنت متواضع ولا لك في الغرور
كنت سيدا لا تلف ولاتدور
لكن حسافة اتغيرت كل الامور
حسبي على اللي عن طباعك غيروك
خربوك انت خلاص خربوك

الأطلال

على الأطلال لاتبكي كفى تبكي على الاطلال
تناسى الهم يا قلبي كفانا غربلة وهموم
تعال احسب معي الايام وكم ليلة بلا اي وصال
خلاص الماضي ما يرجع ترى حنا عيال اليوم
ياقلبي هذي الدنيا ودايم تنقلب الأحوال
ترى ماني الوحيد اللي بصدري ضيقة ومكتوم
كفـى تبكي على الأطلال
لا ماهو ذنبي ولا ذنبك نعاف الحلم والآمال
مدام ان السهر فارض علينا مانذوق النوم
ياقلبي تعبت عيوني وهي تنظر يمين شمال
ادور للامل لكن لقيت ان الامل معدوم
أعيش بفقري وراضي وهذا الوقت وقت المال
وحتى لو لقيت المال وجيت أشري عجزت أسوم
تعال نعيش دنيانا ونتعود على ذا الحال
ويمكن شمسنا تشرق وتصبح في العلوم علوم

كش ملك

اوعديني تجين وحاولي ماتجين
خلي الشوق يتمناك ماياصلك
امنحيني حنانك واحرميني الحنين
واتركي لي مجال احن واشتاق لك
ابعدي عن عيوني جربي تختفين
لا تخلين كثرة طيبتك تقتلك
من يجي بالسهوله مايسمى ثمين
ومن لقيتيه قبل يجيك مايقبلك
ما اسهلك لازعلتي كيف ماتزعلين
شفتي اشلون صرت اقول يامسهلك
قلت لك لاتكوني مخلصه تندمينها
لا يجي يوم وتقولين ماقلت لك
وش كسبتي من القلب الحنون الأمين
وش خذيتي من اللي قال لك ماانبلك
حاولي تذرف عيونك ولو كذبتين
جربي تبذرين الكذب في مشتلك
احرقي هالقلوب وجربي تلعبين
في يدك قلعتين وخيل والجند لك
ياذكيه تراها كلها نقلتين
انقلي ذي بدل ذي واصرخي كش ملك

****

امانة يا طيار

امانة يا طيار شلنا الى قداهم ضاق فيني الدار
البعد ناره نار يقطع في قلبي بحده قطعه كالمنشار
ماعاد جتنا اخبار والنوم فارق عيوني من عيوني طار
والله ضاق فيني الدار والدار هذي بدونه ماتسمى دار
بصوره وتذكار انا اصبر قليبي بصوره وتذكار
يا ليتني باختار ان كان ماني في بعده هايم ومحتار
امانة يا طيار شلنا الى قداهم ضاق فيني الدار

***

عادة سيئة

عادة سيئة فينا نحب اللي يجافينا
واللي حبنا نجفاه لو هو ميت فينا
ندور في البشر قاسي ندور ناكر وقاسي
واللي قال خذ قلبي نقول الله يغنينا
عطانا الحب وماقصر وقال انت العمر واكثر
ورحنا ندور لواحد ولاعمره سأل فينا
اجيله بأصدق اشواقي وهو ميت على افراقي
نحن لناس ماترحم عسا الله بس يهدينا

خبرت الوقت

خبرت الوقت والدنيا وانا توي ولد مغرور
صغير السن غض العود توني مابلغ مدي
كبرت وشفت بعيوني كيف الحال يلف ويدور
لزمت الصمت في قلبي ساكت حافظ سدي
قريت التجربة مرة وحرف التجربة مذكور
حسبت التجربة تلقين واثر التجربة عندي
عقلت الحال والدنيا وانا قبل العقل معذور
ولكني غديت اليوم ابدل صيفي ببردي
تداعت يمي الدنيا يضرب جالها بالصور
صور قد بنيته سنين اساساته على قدي
وانا قدي صبر صابر وصبري فايض ومنثور
اجلد من بغاني بشر واصفق غدره بيدي
الا يا دنيتي هونك ترى ما العن من المخطور
اذا ما حدت الدنيا قسى الموت في حدي
واذا ماجتني الدنيا تسأل خاطرك مكسور
ضحكت وقلت يا دنيا خذي مني بعض ردي
تبي اللحين يا دنيا انزل دمعتي مقهور
وربي ما انزلها ولو غلطة على خدي
انا صبري تعلمته قبل اولد بتسع شهور
تعلمته وانا نطفه ورثته من صبر جدي

*****

من حقها

من حقها لو تروح ارواح بأيديها
من حقها توعد العالم وتنساها
وقلوب ماتكتوي هالزين يكويها
وعيون ماتمتلي هالبنت تملاها
كل الأغاني والشعر ما يكفيها
ايه من الوصف وقلبي ذاب فيها
هذا معه ورد نفسه بس يهديها
وهذا يبي القرب والثاني يبي رضاها
الملح مخلوق منها واندفن فيها
تحرق قلوب البنات الله ما احلاها
مالها صاحبه محدن يماشيها
شوف زايد الحسن فيها وين وداها

لك عين

لك عين تتكلم بعد ما تسببت بجروحي
وتسأل بعد وش سويت
اخطيت في حقي ولا كنك اذنبت
اللي يشوفك يقول ماكنك اخطيت
انا احسب ان عقلك تعافى وقد طبت
اثرتك على نفس العقل ماتعافيت
يا ثقل دمك كل ما اصحبت وامسيت
انت اتحرى جيتي كل ماغبت
وانا اتحرى غيبتك كل ماجيت
اذننب في عرفك ولاكنني تبت
الله يسامح زلتي يوم زليت
الصدر يتفجر بعد حالة الكبت
وانا اشهد ان صدري تفجر ومليت
اغسل ايدينك اني اجيك لو شبت
معروف عني دام صديت صديت

هذا المقدر

هذا المقدر لازم يكون
منهو ترى فارق ضنينه
ادعي عسى ربك يعينه
لا ماكان حاسب وقته يخون
واحذر تأمن لليالي
كم فرقت غالي وغالي
يا كم سالي بات محزون
كلن ترى حظه يصيبه
ويلاقي في الدنيا نصيبه
اقدر مفروضة على الكون

على الريش

ياطير ياللي على الريش
يا طايرة طاير يابخت منهو ركب فيش
ثلاث ساعات والا اربع وقد هو موطيش
طيارها لو يشوفك طاح من فوق يبغاك
يقعد معاك لو وسط خيمة يهنى له العيش
انا دقيت صدري جماله واثر الخاملي يعش
ياكم بخيل تشيخ في زمن ممتلي طيش
الله يعينه من يحوش في ذا القرش تحويش
لا بيض الله وجه اللي يحب بالبخاشيش
لا تكمل ولا تنبش على الجرح تنبيش
والله بشويش لاتحس انك تعليت بشويش
انت رزقك على الله وانا رزقي على الله باعيش
ترى عدى زمان الصداقة يا زمان الخرابيش