هذاك لو قال ((الشتا )) صيف .. عرقت..ولو قال صيفي(( برد)) .. شبيت ناري

قلب جرئ · #1 19 - 02 - 2012, 17:00

هذاك لو قال ((الشتا )) صيف .. عرقت..ولو قال صيفي(( برد)) .. شبيت ناري

°•.ღ.•°

ضمني بالحضن عن(( برد الشتاء))
و((دفني)) لاصارت الدنيا ((جليد))
ضمني بيدين مليانه(( دفا))
وأعطني حبك وغيره ماأريد
لامتى بصبر حبيبي لامتى ..
وأنت عن عيني بعيد
مااهتنى نومي ولا جفني غفا
اشتعل بركان وأشواقي تزيد

°•.ღ.•°

حبيبي مازرعت لك الشجر في داخلي من شان
تجي تاخذ من أعماقي ثمر وتغيب عن عيني !
أنا لولاي أحبك ماجعلت من الضلوع أغصان ..
ولا علقت عُشك في حشاي وقلت : (( عِش فيني ))
حبيبي ليه في فصل( ( الجليد ) ) تقاطع البستان
وتتركني لـ وحدي و((الصقيع)) يقطّع ايديني
وإذا راح ((الشتا)) والثلج هرول وأورق الرمان
تجي تقطف ثماري ثم تستنزف شراييني

°•.ღ.•°

أجيك كلي وأدوخ بضحكتك كلي...
وأموت في لهفتك وأتلحف جنونك
لاغاب طيفك أنا يامنيتي من لي
يجرحني ((البرد)) وتدفيني عيونك

°•.ღ.•°

غربه و((ثلج)) شعور وأنفاس دخان
تجتاحني والليل لـ الليل يشكي !
ليلي كِذا بـ ألوان ولا بلا ألوان
لو يحترق صمتي عليه بـ يبكي !
ممكن مـاعرفك لكن الصدق : عنوان
ممكن أعيشك لكن شلون بـاحكي .!

°•.ღ.•°

تمادى في ابتكار ((البرد)) و المنفى
تمادى واتمادى في خيالاتي
بـ صورك ((دفى )) أحضان لين اغفى
أو أنسج سيرتك موطن لـ آهاتي
أو استنزف طيوفك والطيوف أوفى
وأضمد بـ اللقا يا المبعد ذاتي

°•.ღ.•°

إنتظرتك...
ليه طولت الغياب
وأنت .. لامن غبت لحظــــــــات ..
أفقدك سيد الاحساس
حسك كيف غاب
كيف عن ((دافي)) شعوري يبعدك!!!
في ضلوعي .. ((بــــــرد))
وفي عيني .. سراااب
وألف طاري عن غرامي ينشدك

°•.ღ.•°

((حطب)) الفرح غض ..
و((جمر)) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق ))

°•.ღ.•°

هذاك لو قال ((الشتا )) صيف .. عرقت
ولو قال صيفي(( برد)) .. شبيت ناري

°•.ღ.•°

ذَهَب كل الكلام وفضته يوم السكوت نـحاس
قبل ما أشوفك أشوفك نهر من منبع عــذوبه
أحبك من زمان(( البرد)) .. أحبك من زمان اليأس
كثر ما أصحى من أيام الوله وأدخل فـ غيبوبه
تجي مثل العزا بعد العزا في غيبة الأعراس
وتروح اشبه بـ دمعة فـ الورق بـ الصمت مكتوبه

°•.ღ.•°

الحب ..
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح إن الهوى غلاب
ومن حب الهوى مره
يضل مرهون تحت أمره
على حلوه
على مره
على(( برده))
على ((جمره))

°•.ღ.•°

يالغايب الحاضر معي وسط الأفكار
يالمرتوي منّي .. وأخايل سرابك
أنت (( المطر)) وأنت (( البَرَدْ)) وأنت الأنهار
وشلون أضما بوقفتي عند بابك .
وإنت الفضا يالرحب .. والباقي أسوار
أضيق فيهم وأتفيّا سحابك

°•.ღ.•°

شوف انكسار الورد .. نبَّـت على يدي
((دفى)) جمود(( البرد)) ... و اشعلني بجوفه
ما قلت لك يا قلب .. تحلم على قدي
حلمك خذلني و حط خوفي على خوفه

°•.ღ.•°

غفيت وبعض نظراته علي
وكل نظراتي عليه
وش أسوي
أشوفه في الزوايا وفي الطريق
في ثنايا .. (( برد)) ليلي .. والحريق
في حنايا..قلب غافي..مايفيق
صاحبي.. قلّي شسوي
يتبعني خياله
يبتسم لي ثم يتركني ويرحل
كن هالدنيا له لحاله
مارحمني ولارحم حالي
صاحبي أرجوك قلّي شسوي
لاجرحته وأستثارت هالعروق
وش أسوي

°•.ღ.•°

تركتني (( لبرد )) الطريق
وأنا على بابك...
أتذكر أنك قلت لي:
بالله وش جابك

°•.ღ.•°

جيت لك من(( جمر)) الشوق متحمي
كـل ما((تبـرد)) طعونـي ضمهـا
جيت لك واقصى معاليقي تومي
هـم يخطيهـا وهـم يخمـهـا
إن ضميت أشرب سواليفك بدمي
وإن تثاقلـت الـدروب ازمهـا
وإن خذتك مني عين ماتسمـي
العـن الدنيـا وابوهـا وامهـا

°•.ღ.•°

خذني بحضنك يآآآه مبطي ماغفيت
وأن لمحت دموع عيني سو نفسك مالمحت
خذني بحضنك وبعثر في جروحي وإن قضيت
هزلي كتفي وقلي عيب تبكي لو سمحت
ضمني يمك وضحكني لامن بكيت
ودي أذكر كيف كانت ضحكتي لامن فرحت

°•.ღ.•°

ليتني قطرة (( مطر ))
وأنزل على باب بيتك
وليتني نسمة هوا
كل ماأشتقت لك جيتك

°•.ღ.•°

المصدر: منتديات مدينة الاحلام

i`h; g, rhg ((hgajh )) wdt >> uvrj>>,g, wdtd(( fv])) afdj khvd

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بصوت الشيخ صلاح البدير إمام الحرم النبوي بروابط مباشرة و mp3 القران الكريم كامل	البرق	السمعيات و المرئيات الاسلاميه	8	14 - 04 - 2011 04:36
القران الكريم كامل بصوت الشيخ صلاح البدير إمام الحرم النبوي بروابط مباشرة و mp3	البرق	السمعيات والمرئيــــات	6	24 - 10 - 2010 02:11
القران كاملا للشيخ سعد الغامدي من قناة المجد	ابوحميدaa	السمعيات و المرئيات الاسلاميه	4	23 - 08 - 2010 01:17
كيف يمكنك ايقاف حسابك على الفيس بوك	قلب جرئ	نغمات - بلوتوث - مقاطع و فيديو الجوال , بلاك بيري و ايفون	5	19 - 08 - 2010 09:42
كيف تحمي نفسك من مخاطر الطعام الغير صحي أثناء السفر	الجرئ2006	نغمات - بلوتوث - مقاطع و فيديو الجوال , بلاك بيري و ايفون	0	09 - 08 - 2007 17:05

هذاك لو قال ((الشتا )) صيف .. عرقت..ولو قال صيفي(( برد)) .. شبيت ناري

هذاك لو قال ((الشتا )) صيف .. عرقت..ولو قال صيفي(( برد)) .. شبيت ناري °•.ღ.•° ضمني بالحضن عن(( برد الشتاء)) و((دفني)) لاصارت الدنيا ((جليد)) ضمني ...