| |
| |
|
|
| |||||||
| القسم الاسلامي اقباس مضيئة تنتشلك من ظلمات الغفلة ودوامة الحيرة , وتعيدك الى ذاتك |
 |
| | LinkBack | أدوات الموضوع |
|
#1
03 - 12 - 2011, 17:04
| |||||||
| |||||||
 معنى الالتزام الحقيقى السلام عليكم ورحمة الله وبركاته الحمد لله وكفى وصلاة وسلاما على عباده الذين اصطفى اللهم لك الحمد كله ولك الملك كله واليك يُرجَعُ الأمر كله علانيته وسره , ثم أما بعد ؛ احنا اليوم جايين نتكلم عن موضوع مهم جداً , هنتكلم عن مفهوم بيتكرر كتير بس يا ترى هل أنت عارف معناه ! هنتكلم النهارده عن معنى الالتزام الحقيقي طب تعالوا معايا نسأل الشباب نشوف هم شايفين الالتزام إزاي و نسأل البنات ونشوف هما شايفين الإلتزام إزاي ...... أنتَ ملتزم ؟! – أنا ! – أه أنا الحمد لله ملتزم وحتى مربي دقني أهو ومقصر البنطلون والجلابية كمان ! ... أه ونسيت أقول إني بحضر دروس الشيوخ ده أنا حتى بتصور معاهم ... أوريك صوري معاهم ؟ ها؟ ^^ و أنتِ ملتزمة ؟! , أه طبعاً ملتزمة ده حتى انا لابسة النقاب ! وأنا إلى بنظم الشغل الدعوي عندنا كمان ! فيه ناس كتير بتظن إن الإلتزام ده مجرد تقصير بنطلون أو تربية اللحية أو لبس نقاب أو مجرد أنه يحضر دروس في المسجد يعني من الآخر بيشوفوا التدين على إنه مظاهر أو أفعال بيقوموا بيها قدام الناس ويبقى كده متدين وملتزمة .... فيه ناس فهمت الإلتزام بمعنى وناس فهمته بمعنى تاني خاااالص عشان كده جايين نسألكم النهارده يعني إيه إلتزام ؟! فيه مجموعة من الناس فاهمة الإلتزام على أنه أمور ظاهرية بيعملها زي ما قلنا تربية اللحية تقصير البنطلون لبس النقاب ..... وفيه مجموعة تانية من الناس فاهمة إن التدين والالتزام أمور قلبية مش لازم تظهر على الانسان من برة زي كده لما تيجي تكلمي واحدة تقوليلها انتى متبرجة ليه أو مبتصليش ليه تقولك الإيمان في القلب ! يعني تبقى ملتزمة قلبياً وماشية في الشارع - مش لابسة - يا سبحان الله ! لكن المجموعتين غلط , المجموعتين فهموا غلط , الالتزام مش أمر ظاهري فقط وبرده مش امر باطني فقط ! الإلتزام الاتنين مع بعض إزاي ؟! قال رسول الله صلَّ الله عليه وسلم " ألا إن في الجسد مضغة إذا صلحت صلح الجسد كله وإذا فسدت فسد الجسد كله " صحيح يعني إيه الكلام ده يعني الانسان الواعي هو إلى يفهم التدين والالتزام صح يكون ليه نظرة عامة وشاملة عن الالتزام مش يبص من جانب ويسيب الجانب الآخر لو انت بجد فهمت بقلبك يعني ايه التزام فهمت إن الالتزام هو إنك عرفت ان ربنا أمرك بحاجة تعملها ونهاك عن حاجة متعملهاش يمعنى انك تلتزم بأوامر ربنا بكل حب ورضا وأنتَ عارف ومتيقن إن كل ده لمصلحتك , وأنتَ عارف إن ربنا محرمش حاجة علينا إلا لأنها مضرة لينا , وأنتَ عارف أن ربنا محللش لينا حاجة إلا لو كانت الخير لينا .. مثال : قال رسول الله صلَّ الله عليه وسلم " لعن الله النامصة والمتنمصة " ... كثير من الفتيات تجادل في الموضوع وتقول حرام ليه يعني أنا شكلي مش حلو كده ! هقولك أنه اثبتت الدراسات العلمية إن النمص مضر ليه ؟! لإنه بيعمل إختلال هرمونات عند النساء ! هتقوليلي إزاي انتوا بتضحكوا علينا إزاي النمص بيؤدي لكده ؟ ما هو الدكتور قال اختلال في الهرمونات يعني لما هرمونات الجسم بتختل ممكن يحصل أمراض كتير واسألي أي دكتور في الكلام ده حاجات كتير لو قعدنا نعرضها مش هنخلص النهارده احنا بس عاوزين نوصل ليكوا معنى الالتزام إلى هو إنك تكون على يقين وإيمان وتكون متأكد إن ربنا مبيحرمش حاجة علينا إلا لما تكون الحاجاة دي ضرر لينا وميحللش حاجة لينا إلا لما تكون الحاجة دي خير لينا يعني يبقى عندك ثقة بالله بمعنى إنك خلاااص تقول سمعنا وأطعنا من هنا بقى قلبك يبدأ يعرف بجد إن أحلى حياة في القرب من الله , والله حياة كلها سعادة وهناء وراااااحة بااااال فقلبك ده لما يعرف المعاني دي ويعيشها هيكون مليئ بالإيمان والحب لله فالبتالي الإيمان ده هيظهر عليك هيظهر عليك إزاي ؟ في سمتك الخارجي في لبسك في طريقة معاملتك للناس يبقى كده احنا توصلنا إن الالتزام بيبقى ظاهري وباطني المصدر: منتديات مدينة الاحلام lukn hghgj.hl hgprdrn  |
|
| مواقع النشر (المفضلة) |
| أدوات الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور ممكلة البحرين -صور روعة وعجيبة لمملكة البحرين | قاهر الاعداء | قسم الصور | 5 | 18 - 04 - 2011 22:49 |
| لعبة الاكشن الرهيبة جدا Wanted Weapons Of Fate 2009 | gogo_tiger70 | قسم الألعاب الإلكترونية | 8 | 08 - 02 - 2010 23:36 |
| لعبة الاكشن الرهيبة جدا Wanted Weapons Of Fate 2009 | gogo_tiger70 | قسم الألعاب الإلكترونية | 22 | 18 - 11 - 2009 14:42 |
| حصريا اخر اصدارات اللعبة الشهيرة والغنية عن التعريف Commandos 3 | gogo_tiger70 | قسم الألعاب الإلكترونية | 0 | 16 - 11 - 2009 23:55 |
| صورة شاب خيط عيونه بعد فراق حبيبته صورة تقطع القلب في زمن لايعرف معني للحب الحقيقي | روعة2 | قسم الصور | 9 | 22 - 07 - 2009 16:51 |
|
Powered by vBulletin Version 3.8.7 Copyright ©2000 - 2024, Jelsoft Enterprises Ltd ترقية وتطوير: مجموعة الدعم العربى |
