يالبنان_ياعراق

بغداد لاتتألمي · #1 06 - 10 - 2006, 02:22

يا لبنان من أقارن بين الأحداث
وأميز هسه ما بين المواقف
اللوقف ضد العراق وساند إسرائيل
أشوفه اليوم ضدك نفسه واقف
يا لبنان الليدافع عن قضيته اليوم
ترى الأذناب يعتبروه مخالف
بس لازم جبل توقف يا لبنان
ولازم تضحك بوجه العواصف
الجبان بلا سلاح نقول حقه يخاف
ونعذره نقول مايقدر يجازف
بس المشكلة مرات بيده سلاح
ويشوف سلاحه بيده ويبقى خايف

وأريدنك جبل توقف يا لبنان
وتآخذ عبرة من يوم إعتباري
الجبل يلبس ثلج بس من يجي الصيف
ينزعه بكل برود ويبقى عاري
منو قال الجبل يحتاج لثياب
شله الليل بثياب العصاري
وآنا وياك واحد بالقضيه اليوم
وترى النار اللي بصدرك هي ناري
وانا مثلك وقفت بين موت وموت
وطحت بين المفخخ وإنتحاري
وقدم لي الغرب عدة خيارات
ورغم ذلك بقى ثابت خياري
قالو مده كفك حتى نشريك
وحتى من الكرامة تشوفه عاري
طلع قبله ضميري وإنقلب سيف
قطع كفي قبل لا يلقى شاري

آنا أدري الوليد و عتبة موجود
بس موجودة صولة ذي الفقاري
ويريدون اليهود وبني إسرائيل
بعد خيبر فلا اجيب لها طاري
اذا صار الدمع مصدر معاناة
أنا يصير الدمع مصدر قراري
لأن كل دمعة توقع تبلع الكون
لأن تدري أشترك كله بمراري
ولأن آنا أنتميت لعلي الكرار
ومآخذ من كراماته إعتباري
إذا انا طحت خل تشرد القاع
لان آنا الشمس تاخذ بثاري
وعلى بعض المشاهد يصفن التاريخ
عنك ياعراق شتكتب اقلامه
علامه بكل وطن بس انت يامولاي
الحرب والموت صار الك علامه
وتظل انت العراق يطوف بيك الكون
وهذا الكون يعتبرك امامه
لان منك المهدي يثور عا لطاغين
وانت القاعدة لجيشه وحسامه
وتري المهدي قيامة يصير على الكفار
وياكافر نجى بيوم القيامة

نقله أو كتبة لكم

صديقكم المخلص للمنتدى

علي العاني .ز عراقي مغترب .. اللهم احفظ تراب العراق ولبنان وشعبيهما .. امين

المصدر: منتديات مدينة الاحلام

dhgfkhk_dhuvhr

الاحلام الجميله · 06 - 10 - 2006, 16:45

مشكور اخي العزيز
على كل قصايدك وعلى كل كلماتك الرائعة
دمت

السامي · 10 - 10 - 2006, 23:09

الف شكر لك اخي علي العاني
على نقلك لهذه الكلمات الثائرة
ودمت

بغداد لاتتألمي · 11 - 10 - 2006, 01:58

مشكور لله ولكم على مروركم وردكم الجميل .. واهتمامكم على الموضوع .. ودما الى الامام لصالح المنتدى .. مع التقدير

صديقكم المخلص للمنتدى

علي العاني .. عراقي مغترب .. اللهم احفظ تراب العراق وبغداد .. امين