| |
| |
|
|
| |||||||
| قسم القصص والرويات مساحة للارتجال بين الحقيقة والخيال .. للقصة القصيرة والرواية |
 |
| | LinkBack | أدوات الموضوع |
|
#1
05 - 01 - 2008, 18:44
| |||||||
| |||||||
 رابع يوم في العرس تقول احب غيرك(انصكم تقرونها) السلام عليكم ورحمة الله وبركاته حياكم اخواني واخواتي حبيت اقولكم اليوم قصه واتمنى من كل قلبي انكم تفهمونها عدل ..... بدايه القصه ان في اسرة كويتيه ناويته تزوج ولدها من بنت حلال وتكون البنت على سنع هذي الاسرة من الاسر المحافظه وقالو للولد يعني انت في ابالك بنت معينه الولد قال انا مابي الا الي امي تتنقاها لي ولما راحت الام اتدور حق ولدها البنت الي انشالله تكون اهي الي تستقر معاه مثل عاداتنا وتقاليدنا احنى يالبدو لقب الام بنت رفيج زوجها وقالت حق زوجها شرايك تزوج ولدنا بنت رفيجك فلان والله خوش بنت كلم رفيجك واخطبه له قال رفيجي فلان والله والنعم فيه والكل يتمنى انه يناسبه خلاص باجر اروح انا ويا ولدي انكلم الرجال انخطب بنته.... وصار باجر العصر طلع الولد ويا ابوه حق بيت الرجال << ابو البنت >> واخطبو البنت وقال ابو البنت تستاهلون كل خير يا بو فلان ووافق ابو البنت وقال خلوني اشاور بنتي بالاول وراح يكلم البنت قالت البنت خلوني افكر ؟؟؟؟ والبنت مو قصدها تفكر البنت على قولة هالشباب مرتبطه يعني بالمعنى الصحيح تحب من غير رضى اهلها وهذا حرام فراحت البنت وكلمة حبيبها الي مرتبطه فيه ... قالت :: فلان ترا جاني ولد رفيج ابوي ويبي يخطبني شسوي .. قال:: احم احم قالت :: شفيك الولد بخطبني تعال قال :: وين اجي قالت :: تعال البيت اخطبني قبل اروح مع الولد قال :: ترا صوتج صوتج يقطع !!!! قالت :: فلان فلاااااااااااااااااااااااااااااااااااااان اف. جك طوط طوط طوط طوط طوط قالت :: سكره الحقير .. على فكرة كلمة حقير كلمه حلوة عند الي يحبون قصدي << المرتبطين >> فراحة البنت تفكر شتسوي شتسوي ولما جاها ابوها قال يا بنتي هذا ولد راعي صلاة وراعي دين ابوه رفيجي من 25 سنه ماشفت منه اي شي شين تزوجي ولده يابوج والله يسرج انشالله حتى لو تشوفين منه اي شي اكلم ابوه عنه هذا ابوه غالي والله غالي قالت ياوبي انا موافقه عليه علشانك واهي في بالها رفيجها الي سكر التلفون بوجها.... واكتبو الكتاب على البنت ويا الولد وتزوجو ... وفي يوم الدخله قعد الزوج مع البنت يسولفون مع بعض مثل مايصير مع اي زوجين جدد وكل واحد يقول للثاني اهم شي له بس الغريب ان الزوج لاحظ ان الزوجه مو وياه بالسالفه..... قال :: يافلان شفيج ؟؟؟ قالت :: اليوم انا تعبانه... قال :: انشالله ما تشوفين شر يالغاليه... وما ادراك ما معنى كلمة غاليه من قلب والله نظــــــــــــــــيف وفي اليوم الثاني نفس الشي يجي يسولف البنت تتهرب وباليوم الثالث يجي يسولف البنت تتهرب وفي اليوم الرابع يجي يسولف تتهرب الصراحه طفح الكيل كاني احس بالولد وراح للبنت... قال :: يابنت الحلال انتي فيج شي قالت :: اف شفيك انت شقالت قالت اف هذي العن كلمة تقال للزوج في اول ايامه يارب تبعدني انا ويا كل ولد تظيف عن هالكلمه يارب العالمين قال:: شتقولين قالت :: شفيك انت اذيتني شتبي... قال :: واهو متعجب انا شبي انا زوجك على سنة الله ورسوله صلى الله عليه يابنت الحلال قالت :: تدري انا ماحبك انا احبك غيرك!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!! مو غريبه ان يتعجب لانه اكبر اختبار بعد فقد غالي مثل الام ولا الاب والاخوان وسكت فرد :: قال انتي تحبين غيري قالت :: اي والله اني احب غيرك قال:: يابنت الحلال انتي ابوج رجال كبير وانا ولد ناس وتزوجتك على الحلال بس ممكن طلب قالت :: اطلب قال :: انتي امج ويا ابوج كبار وانا لو اطلقج راح يقولون بنتنا فيها شي خلج عندي ثلاث شهور وراح اطلقج علشان ما يشكون فيج اهلج ويا اهل الناس والله مو علشانج علشان ابوج انا اعرف ابوج من انولدت مثل ابوي مابيه ينصدم فيج مطلقه من اول ايامج... قالت :: بس اتطلقني قال ::: والله لطلقج بس خلج عندي بدون لا اجيك علشان شيبات ابوج قالت :: انا موافقه .. قال :: فلانه ممكن طلبين صغار قالت :: اطلب قال:: اول شي الولد رفيجج لا اشوفج تكلمينه عندي ولا من وراي هذا وعد بيني وبينج خليه بحاله لانج في ذمتي وانا محترمج ليلحين علشان ابوج وانتي تدرين والطلب الثاني ابيج لاقعدنا ويا امي ويا ابوي كأنه مابينا شي خلج طبيعيه مابيهم يدرون انج تحبين وحتى عند اهلج اعتبريني اخوك لا تنحرجين مني زين يافلانه قالت :: رفيجي ما اكلمه و انشالله اوعدك مابين اي شي هذا الحديث دار بين زوجين في رابع يوم من زواجهم الحمدلله والشكر على النعمه لي وللي يقرون هالرساله وانشالله مانشوف مثل هالاختبارات يارب وبعدين مع مر الايام الولد ويا زوجته يقعدون عند اهلهم وطبيعيين ويسولفون وكأنه مافي اي شي ولما يروحون الدار البنت تروح للفراش والولد يروح دار القعده او دار الاستقبال هذي حال العروس ويا المعرس اول شهر الشهر الثاني قامت البنت تمل من هالحال وتطلب طلبات كثيرة علشان يمل الرجال بس الولد نفسه خفيفه على البنت يلبي كل طلباتها وكانو محددين يومين بالاسبوع الجمعه ويا الاثنين لاهل البنت وكل ما يروحون البنت تشوف زوجها قاعد عند امها ويا ابوها حتى ان ام البنت ويا ابوها يقولون للولد ها شلون بنتنا .... يطالعها واهي تطالعه يبتسم ويقول :: والله على راااسي يا عمي الزوجه تعجبت بكل صراحه بس اهي في بالها الطلاق بالحقيقه الشهر الثالث البنت قامت تشوف ان زوجها هذا ولد كامل والكامل الله تقول بينها وبين نفسها هالولد لو يفلت من ايدي والله ما احصل على احسن منه وانا محسوده فيه من الناس ليش ما اعدل علاقتي معاه احسن من الي ماخذني عن حب عفوااا <<<<<<<<<<<< مني انا القائد اقول للي يحبون بالارتباط ******************************** تقول البنت ليش ما اعدل علاقتي فيه والله ولد ناس محترمين امه ولا الف ام وين احصل ام ابرك من هالام الي عنده وابوه كافي رفيج ابوي حتى ابوي يقول هذا رفيجي من 25 سنه ماغلط علي ولا قال شي ليش انا اروح حق الي جايني بالحرام واخلي هالولد ولد الناس بالحلال يقعد.... خططت البنت انها تتكشخ وتتزين علشان هالولد الطيب ولما جا الولد من الدوانيه بالليل شاف ان البنت متكشخه علشانه قال:: ماشالله شنو هالزين... قالت :: والله عيونك الحلوة قال :: ماتوقعتج انج جذيه قالت::توقع من اليوم ورايح انا راح اكون لك احلى بنت قال :: انشالله تكونين احلى بنت بالدنيا يا رب ودخل دورة المياة وراح يغسل وطلع لين اهي قدامه قال مافي عشاء قالت اي فيه والله انا مزهبته العشا لك وجابت العشا تعشى وراح ينام بدار القعده !!!!!!!!!!! قالت :: والله يمكن مو راضي علي ليلحين بس والله يا جمالي هذا ما يخليه والله لخدرة وكل يوم تسوي جذيه فيه تروح تكشخ وتقعد تنطره لي يجي بليل واهو على لسانه ماشالله عليج مزيونه حيل مافي عشاء...... قبل الشهر الرابع بأسبوع راحت البنت واهي مستغربه تقول شفيه صارلي اكثر من 15 يوم اتكشخ والبس احلى شي بس الولد ما يعطيني وجه شفيه اهو لايكون يحب بس قالت ليش ما قوله... قالت :: يا فلان انت فيك شي قال :: ليش قالت:: لا بس اشوفك منت طبيعي والله قال :: شتشوفين يعني قالت :: انا والله حبيتك بس انت مدري شفيك قال :: انتي تذكرين شقلتي رابع يوم العرس قالت :: اي والله بس الحين خلاص انا لك قال :: قلتي انج تحبين واحد ثاني قالت :: اي بس الحين انت الكل بالكل قال :: يا بنت الحلال ما بقى على الشهر الثالث الا ايام والله انا مواعدج اخر الشهر الثالث يصير قالت :: يعني انت حبيتني قال :: انا ما اخذتج الا لاني حبيتج مو لج لابوج ويا امج والله قالت :: تكفى لا تطلقنى قال:: يصير خير وراااااااااح ينام بدار الاستقبال واهي راحت دار النوم بروحها تفكر وتقول يارب يارب يارب انه ما يطلقني ابن الحلا هذا والله يا شين حياة بنات الهوا وقعدت تتذكر حياتها مع الولد الي صك التلفون في وجها وتذكر حياة صديقاتها الي طيحوها بالعلاقات على قولتهم<< الارتباط >> وتقول بعد الله لايوفق كل من يحب من غير رضى الاهل والله اني عشت العن ايام عمري هالاسبوع يا رب مايطلقني... ومن باجر طلبت منه يوديها مطعم وراحو مطعم واكلو منه احلى الطبخات والوجبات وافترو بالخليج وراحو شارع الحب وراحو السينما وراحو كل شي حلو يطري على زوجين ليش لانه اهو يقول هالبنت اهي زوجتي الحين لازم امتعها لانها على ذمتي , بس اهي تقول اهو والله جذاب وطيب واحسن من هذاك الخايس سمحولي بالكلمه هذي اخواني واخواتي ولما راحو البيت قعدو بالصاله وشافو التلفزيون واهم مندمجين ... قال :: تصبحين على خير انشالله قالت :: وين قال :: بنام والله قالت:: زين نام بدارك قال :: انشالله باجر على اخر الشهر الثالث يعني بعد 89 يوم كان يوم الاثنين الساعه 10.30 الصبح قعد الولد ووياه زوجتة....... قال::: يالله يا فلانه يالله قالت :: يالله وين... قال :: اليوم الاثنين انروح لاهلج قالت :: يالله وراحو حق بيت اهلها ولما صفط عند بيت اهلها قال يا فلانه انا والله حبيتج بس اسلوبج مو شي يعني ترضين تجرحين رجال بكل بساطه قالت شفيك قال انا بس بقولج انتي والله غاليه بس انا ما امن عيالي في بنت تقول حق زوجها انا احب غيرك قالت قبل مو الحين قال لا والله لا اهي قبل ولا هي الحين انا رجال وعندي مشاعر والمثل يقول الي ينقرص مرة ما ينقرص مرتين قالت شفيك, قال انا وعدتج بس ثلاث شهور وبعدين انتطلق قالت لا لا لا يا فلان والله حبيتك لا تطلقني قال والله اني حبيتج اكثر من حبج لي بس هذي الدنيا لازم اخليج وعيشي مع واحد ثاني اطيب انشالله مني, قالت والله مطيب منك شي ابيك انت, قال انا ماني عايش معاج انتي قلتي احب غيرك وهالكلمه قاعده في قلبي لين اموت الرجال ما لانجرح لا تعتبرينه مثل المراة الرجال عزيز نفس قالت شفيك انت اليوم انزل عند ابوي, قال سلمي على ابوج, قالت انزل بس ربع ساعه واطلع قــــــــــــــــــــــــــــــــــــــــــــــــا ل :: انتي طـــــالـــــــق طـــــــــالــــق طـــــــــالــــــــق. انزلي الله يوفقج انشالله فكيني من شوفت ابوج ويا امج انزلي مابيه يقول ليش طلقت بنتي وانتي ادرا قعدت تصيح بالسيارة قال فظحتيني انزلي خلاص واهذي ورقة الطلاق مابيني وبينج الا كل خير ما عمري سبيتج ولا طقيتج ولا غلطت عليج ولا على اهلج سلمي عليهم ولا تقولين انج قلتيلي احب ترا ما يدري عنها انشالله غيري انا وانتي وعلام الغيب وانزلت البنت لي بيت اهلى واهي مخدرة من الصدمه وبشرت اهلها في طلاقها الي اهي تتحمل كل ما فيه لانها اهانة ولد عزيز نفس في رابع يوم من زواجهم والي انا سامعه ان البنت حاليا تعالج بالطب النفسي بالكويت والقصهه حقيقه مشكورين اخواني واخواتي عالمتابعه واتمنى من كل قلبي انها تكون عضه لكم وتكون درس ولا تخيلوها مسلسل وافهمو نهايته وبدايته اهو الاهم منقوول المصدر: منتديات مدينة الاحلام vhfu d,l td hguvs jr,g hpf ydv;(hkw;l jrv,kih)  |
|
06 - 01 - 2008, 00:29
| رقم المشاركة : [2] | |||
  | الحزين والمجروح مشكور اخي الغالي | |||
| |
|
06 - 01 - 2008, 01:52
| رقم المشاركة : [3] | |||
 | لا حوة ولا قوة الا بالله ... حتى لو كانت تحب غيره .. المفروض خلاص ماتنطقها .. لانها راح تبدأ حياة جديدة .. الله يعينها .. ويفرج همها .. مشكور اخوي ويعطيك العافيه ننتظر جديدك ودمت بخير | |||
|
| |
|
06 - 01 - 2008, 11:33
| رقم المشاركة : [4] | |||
| فعلا اخوي كثير وكثير يتزوجو وبعد الزواج يرتبطون ببعض ويتعلقون ببعض لان هذي فطره الاهيه مغروسه في الاعماق اتمنى ان تصل هذه القصة لجميع شاباتنا لمن يبحثون عن شي اسمه حب قبل الزواج ليعلموا انهم في زيف ووهم دمت اخي | |||
|
| |
|
06 - 01 - 2008, 12:37
| رقم المشاركة : [5] | |||
| والله مهما كان طالما البنت تعلقت فيه كان ماسوى الي سواه طالما عرفت غلطها وتعلقت فيه وهو متعلق فيها لو كان ناوي على طلاق كان طلقها وقت قالت له مشكور اخوي قصة مؤثرة وفيها عبر لكثير من شاباتنا | |||
|
| |
|
07 - 01 - 2008, 21:04
| رقم المشاركة : [6] | ||
 | شكرا للجميع على المرور الرائع | ||
|
| |
|
07 - 01 - 2008, 23:09
| رقم المشاركة : [7] | |||
 | والله قصة معبرة لاخر حدود الله يجنبنا من الارتباط مشكور اخي الغالي على النقل المفيد ودمت يالغالي | |||
|
| |
|
28 - 01 - 2009, 10:05
| رقم المشاركة : [8] | |||
 | قصة مؤثرة ومحزنة بجد ماا عرف شو بدي قول بس انا اتمنى مثل هذا الانسان بطيبته وكرم اخلاقه الله على الاخلاق ما اجملها | |||
|
| |
|
31 - 01 - 2009, 00:51
| رقم المشاركة : [9] | ||
 | لا حول لله ولاقوة الا بالله لو كان سامحها كان اجرة له الله يوفق الجميع وشكرا اخوي الحزين المجروح لروعة مانقلت لنا | ||
|
| |
|
21 - 11 - 2009, 15:22
| رقم المشاركة : [10] | |||
| مشكوررررررررر | |||
|
| |
|
21 - 11 - 2009, 15:49
| رقم المشاركة : [11] | ||
  | اللهم اجعلني مظلوما لا ظالما( مشكور جدا على القصه الغريبه فعلا دمت بكل سعاده | ||
|
| |
|
24 - 11 - 2009, 02:01
| رقم المشاركة : [12] | |||
| الله يعين.. وش يفيد الصوت بعد الفوت.. | |||
|
| |
|
09 - 02 - 2010, 18:05
| رقم المشاركة : [13] | ||
| بصراحة كان من المفروض يستمر معاها , ويحكم عقله.. في ملاحظة: ياريت نكتب مشيئة الله هكذا( ان شاء الله) ارجعو للقصة ولاحظو | ||
|
| |
|
12 - 02 - 2010, 11:43
| رقم المشاركة : [14] | |||
| غبيه البنت والله عيب تقول لزوج جديد احب غيري عيب والله تستاهل الي سوى فيها يسلموووووووو على القصه | |||
|
| |
|
| مواقع النشر (المفضلة) |
| |
|
Powered by vBulletin Version 3.8.7 Copyright ©2000 - 2024, Jelsoft Enterprises Ltd ترقية وتطوير: مجموعة الدعم العربى |
