منتديات مدينة الاحلام

فيس بوك مدينة الاحلام twitter RSS 

 
 

 

 

معجبو مدينة الاحلام علي الفيس بوك

  #1  
قديم 20 - 09 - 2011, 00:31
DreamsCity غير متصل
Super Moderator
 


DreamsCity is on a distinguished road
إرسال رسالة عبر مراسل MSN إلى DreamsCity
Question نص إعترافات قاتل مصمم الأزياء محمد داغر الذي يفخر بقتله










نص إعترافات قاتل مصمم الأزياء محمد داغر الذي يفخر بقتله


إعترافات قاتل مصمم الأزياء محمد داغر الذي يفخر

مقتل مصمم الأزياء الشهير داغر أثار كثيرا من الحيرة حول أسبابه ومن هو الشخص الذي إستضافه داغر قبل مصرعه وما هي العلاقة التى ربطت بين مصمم الأزياء الشهير وشاب صغير في السن يكاد يجد قوت يومه

كل هذه الأسئلة أجاب عنها المتهم في إعترافاته التى نورد نصها في السطور التالية
نص إعترافات محمد عبد المنعم فرج قاتل مصمم الأزياء محمد داغر



س:
ج:"اسمى محمد عبد المنعم فرج عمرى 23 سنة أعيش مع والدتى فى شقة صغيرة بمنطقة المنيب عبارة عن غرفتين وصالة ومطبخ وحمام وعايش معايا والدتى وأختى الكبيرة المهندسة واللى بتعيش معانا لما جوزها بيبقى مسافر ولى أخت ثانية متزوجة، والدى توفى من كام سنة وكان شغال سواق بشركة المقاولون العرب، حالتنا المادية ميسورة والدتى بتاخد 850 جنيها معاش والدى من الشركة وكمان بتاخد 160 جنيها معاش والدها، وأنا كمان كنت شغال فى شركة أمن كبرى ومرتبى 1500 جنيه لكن قبل الحادثة كنت سبت الشغل دا ".


س:
ج: "أنا خرجت من آخر سنة فى التعليم الثانوى الصناعى عشان كنت عايز أبقى لاعب كرة قدم مشهور لأنى كنت موهوبا فيها وتم اختيارى للانضمام لناشئى فريق النادى الأهلى لمدة عامين ولعبت لعدة أندية تانية منها نادى إنبى والمقاولين والداخلية وتليفونات بنى سويف حتى تم إصابتى بقطع بالرباط الداخلى وتركت اللعبة بعد كدا".


س:
ج: "كانت زى حياة أى شاب فى سنى خالية من اى مشاكل، أحفظ 11 جزءا من القرآن الكريم، وملتزم بأداء الصلاة منذ 6 سنوات واعشق سماع سورة يوسف وأداوم على الاستماع لها يوميا قبل نومى وأمارس رياضة الجيم منذ عامين، وعاطفيا كنت مرتبطا ببنت من منطقتى واتقدمت لأهلها ووافقوا وخطبتها وكنت بجهز نفسى عشان أجوزها بس فى خلافات حصلت بينا وانفصلنا لأنى كنت عايز أأجل الاحتفال بالخطوية عشان خالى توفى وأهل خطيبتى رفضوا عشان خالها كان جاى من السفر عشان يحضر الاحتفال وحصلت مشاكل وافترقنا".


س:كيف تعرفت على المجنى عليه؟
ج: " بالرغم من أنه فى وسط مختلف عن الوسط إللى أنا عايش فيه إلا أن علاقتى بيه بدأت لما كنت مع أصحابى فى كافتريا بكايرو مول بالهرم ورحت أدخل الحمام فى الدور الرابع ولما خرجت لقيت واحد بينادى عليا باسم "أحمد" وبيسلم عليا قلتله انا مش اسمى "أحمد" لقيته قالى أنا اسمى محمد عبد الله وشغال فى الإعلانات وأنا حاسس إنى شفتك قبل كدا ولو عايز تشتغل فى الإعلانات أنا ممكن أساعدك انت شكلك محترم وممكن نكون أصحاب، وخد منى رقم تليفونى وبعد كدا سبته ومشيت، ولما خلصت سهرتى مع أصحابى وخرجت من المول لقيت رقم غريب بيتصل عليا رديت عليه قالى أنا "محمد عبدالله" اللى اتعرفت عليك من شوية وسألنى عن مكانى دلوقتى ،قلتله أنا مستنى أركب تاكسى ومروح البيت قالى خلاص استنى آجى أوصلك بعربيتى فرفضت إلا أنى لقيته بيلح عليا فوافقت واستنيته لحد ما وصل وركبت معاه ووصلنى لحد الشارع اللى انا ساكن فيه وتانى يوم العصر فوجئت به يتصل على تلفونى وبيطمن عليا وطلب منى إنى أقابله عشان يعرفنى على أصحابه بكافيه بالعجوزة كنت عايز أرفض بس مقدرتش ولبست ورحت لقيته قاعد مع الكابتن هشام يكن والفنانة دينا عبدالله ودنيا فعرفهم عليا وقالهم دا صاحبى محمد وطلب منى الجلوس معاهم وقعدوا يكلموا عن فيلم "678 " وعن المخرج بتاعه وبعد نص ساعة استأذنت منهم عشان أمشى ولقيت داغر بيقولى استنى انا هامشى معاك واستأذن هو كمان وبعدين قلتله انا جعان ممكن أعزمك على العشا فى مطعم كويس فوافق ولقيته بيتصل على اتنين من أصحابه وطلب منهم يقابلونا فى المطعم وقابلناهم وطلبت أنا شاورمة وهما طلبوا شربة عدس وبعد ما خلصنا اصريت انى ادفع الحساب ودفعت 56 جنيه وبعد ما خلصنا داغر قالى تعالى نكمل السهرة فى الشقة عندى فرفضت واعتذرت ورجعت لشقتى فى المنيب ولما روحت لقيت داغر بعتلى رسالة مكتوب فيها "باين عليك حد محترم" ورسالة تانية مكتوب فيها "أنا حبيتك عشان انت إنسان محترم"فرديت عليه برسالة وكتبت فيها "ربنا يخليك دا من ذوقك".



س:كم من الوقت استمرت علاقتكما؟
ج: "استمرت علاقة الصداقة بيننا طول الفترة دى قابلته حوالى 6 مرات كانت معظمها فى "كافيه الحصيرة "بالمنيل وكنت بعتذر كتير إنى أقابله عشان شغلى ومنها كان يوم تنحى الرئيس مبارك اتصل عليا داغر وطلب منى مقابلته للسهر معاه فاعتذرت له وقلتله أنا بتابع الأحداث اللى بتحصل وفى المرة قبل الأخيرة اللى قابلته فيها قبل الحادثة اتصل عليا وطلب مقابلتى عشان أسهر معاه فوافقت واستنيته لحد ما جالى وركبت معاه العربية ورحنا شقته ولما قعدت لقيت اتصال من أختى بتقولى تعال بسرعة عشان ابنها مريض وهروح للدكتور ،اعتذرت لـ"داغر" وطلبت الانصراف لكنه قالى استنى شوية نص ساعة بس وامشى لكن انا رفضت فقالى خلاص استنى أوصلك ووصلنى بعربيته حتى المنزل.



س:هل كانت هذه أخر مرة رأيته قبل الحادث؟
ج: قبل الحادثة بيوم واحد كنت راجع من مدينة نصر بعد ما اشتريت بعض الملابس فاتصل "داغر" وطلب أنه يقابلنى فقلت له أن الطريق زحمة ولو وصلت البيت بدرى هكلمك بس روحت البيت ومكلمتوش، وفى تانى يوم إللى هو اليوم إللى حصلت فيه الحادثة اتصل عليا وطلب أنه يقابلنى فقلت له أنى رايح صالة الجيم وهخلص الساعة 6 فقال لى لما تخلص كلمنى فاتصلت عليه الساعة 8 مساءا وقابلته أمام فندق رمسيس هيلتون الساعة 10 ونصف ورحنا شقته عشان كان عايز يبدل لبسه واحنا فى طريقنا طلب وجبتين كنتاكى ولما وصلنا الشقة بدل لبسه وداغر قالى تشرب إيه فقلتله مش هشرب حاجة إلا لما اتعشى عشان جعان فاحضر زجاجة بيرة وشرب منها ووضعها قدامه وأكلنا الوجبتين وبعدين لقيته بيتصرف بطريقة غريبة وبيحاول يتقرب منى ففهمت قصده فرفضت، ثم لقيته بيهددنى إنه هيتهمنى بالسرقة لو رفضت وبعدين لقيته ضربنى بزجاجة البيره على كتفى فدفعته للخلف وحاولت إنى أمشى لقيته قفل باب الشقة بالمفتاح وأخفى المفتاح فى جيب بنطلونه ولقيته بيحاول يتعدى عليا فاتخانقنا مع بعض وأحضر سكينا من المطبخ وكان عايز يضربنى بيها إلا أنى قدرت إنى أحمى نفسى وأسيطر عليه وأصيب هو فى رقبته ووقع على الأرض وحاولت أسعفه وبحثت عن أى إسعافات أولية فى الشقة ملقتش فخلعت قميصى عشان أمنع الدم انه ينزف لقيته بيقولى ""لو كنت وافقت مكنش دا كله حصل"، "هتروح فى داهية المباحث هتجيبك من رقمك اللى متسجل على التليفون" فخلانى بالكلام دا سيبته ودست عليه بجزمتى وقلت له هتفضل طول عمرك كدا وبعدين أخدت المفاتيح والتلفونيين الخاصيين بداغر عشان أمسح رقمى من عليهم وبدلت ملابسى بملابس بتاعته عشان كان الدم لوثهم ومشيت واتصلت على صاحبى وقلتله تعالى بسرعة عشان أنا اتخانقت ، وانتظرته أسفل العقار وكان الدم بينزف منى وإيدى مجروحة ولما صاحبى وصل طلبت منه يسوق عربية "داغر" ورجعت شقتى وتخلصت من لبسى وبعدين ركبت تاكسى ورحت مستشفيات كتيرة عشان أتعالج من الإصابات اللى فى جسمى أولها مستشفى قصر العينى بس ملقتش موظفين فى الاستقبال فتوجهت لمستشفى الهرم فأخبرونى إنى محتاج عملية بسبب إصابتى بقطع فى إصبعى وأن تكاليف العملية تصل إلى 2500 جنيه فغادرتها وتوجهت إلى مستشفى أم المصريين فأخبرونى برده بعدم وجود قسم تجميل فتوجهت إلى مستشفى احمد ماهر فقالو لى "مفيش طبيب تجميل" فتوجهت إلى مستشفى الحسين الجامعى فقالوا لى إن العملية هتبقى بالليل ودا خلانى سبت المستشفى ورحت عملت العملية فى عيادة خاصة ويوم الأربعاء قرأت فى الصحف خبر مقتل مصمم الأزياء محمد داغر وبعدها حلمت إنى فى شرطة بتحاصر البيت عشان يقبضوا عليا وكمان من 3 سنين كنت حلمت إنى هقتل واحد"..



kw Yujvhthj rhjg lwll hgH.dhx lpl] ]hyv hg`d dtov frjgi

 
 
 
 
 





رد مع اقتباس
إضافة رد

مواقع النشر (المفضلة)
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اسماء المرشحين للوظائف التعليمية ، الخدمة المدنية تدعو 6115 مرشحا للوظائف التعليمية أياد اخبار الوظائف .. وفرص التوظيف 10 29 - 07 - 2011 17:29
اخبار صندوق التنمية العقاري اليوم 2011 البرق اخبار الوظائف .. وفرص التوظيف 3 08 - 06 - 2011 03:39
اسماء المقترضين من البنك العقاري 2011 , اسماء المقترضين من البنك العقاري لعام 1432 , اسماء المقترضين من صندوق التنمية العقاري قاهر الاعداء اخبار الوظائف .. وفرص التوظيف 45 10 - 05 - 2011 01:33
الخدمة المدنية تعلن أسماء ( 577) مرشحاَ لوظائف إدارية وصحية قاهر الاعداء اخبار الوظائف .. وفرص التوظيف 0 09 - 05 - 2011 00:42
سماء الشهداء والمصابين فى قضية السبعة الكبار بوزارة الداخلية قاهر الاعداء القسم ألاخباري 0 26 - 04 - 2011 02:29


الساعة الآن 13:12.

    Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير: مجموعة الدعم العربى
  

SEO by vBSEO