روعة كواليس للهدايا والتغليف [ المحل اللي حبوه الناس من أول نظره ] ! يوجد صور

روعة كواليس · #1 18 - 04 - 2011, 14:03

روعة كواليس للهدايا والتغليف [ المحل اللي حبوه الناس من أول نظره ] ! يوجد صور

لاجيت تهدي . لزوم تفكّر ساعة إلا ربع عشان تشوف لك شي يفتح النفس ويطيب الخاطر ويبرد التسبد ويجمّل العين
ولاجيت تختار . ماراح تفرق معك المسافة . لالقيت شي ( يستاهل ) .. يجمع بين الشكل والمنظر . والزين والحلا والسعر اللي مايحدّك على بطاقة الصرّاف !

كل ماتبحث عنه من ( جمال الهدية ) و ( السعر المناسب ) . راح تلاقيه في .. روعة كواليس !

منظر ومخبر ..
عامل يفتح النفس . يعاملك كن الهدية له .. صدره وسيع كنه قطعة أرض بشمال الرياض .
محل يلقلق . يدخله الواحد ويبدا يحك ( مخباه ) ..
بضاعة على مستوى . واشياء حلوة ماراح تلاقونها بالسوق ..
وعلى القول .. ونعيد ونكرر .. منظر ومخبر

روعة كواليس .. للهدايا والتغليف !
تجيه مرّة بتصير تحكك رجلك ( كل مرّة )

روعة كواليس .. للهدايا والتغليف !
يحبّنا الزبون لأن الزبون ( حبيبنا ) ..

روعة كواليس .. للهدايا والتغليف !
غلّف هديّتك كويس ..

- هدايا لكل المناسبات .
- شبكات عرائس
- ورد طبيعي .
- مسكات عرائس .
- تصميم دفاتر معلمات .
- تصميم دفتر زواج .
- أوتوغرافات .
- أبجورات .
- أكياس هدايا .
- براويز .
- دروع مدرسية ودروع شخصية .
- دببه ولوازم بنيّات .
- شموع " أشكال وانواع "
- عطور .
- كرستالات .
- طباعة على التي شيرتات والأكواب والغضاير .
- فازات .
- أرقى أنواع الصناديق .
- تعليقات وخرابيط حريم .
- ركن ياباني .
- ركن خاص بالطفل . ( يالبى البزارين لاشرو )
- والكثير الكثير من المعروضات المميزة روعة كواليس للهدايا والتغليف المحل اللي حبوه الناس

روعة كواليس ..
يجمع بين التميّز والمميز والحلاوة والطراوه والشغل الذرب ..
روعة كواليس ..
صدز إنه محلن " سنع "

قبل نعلن عن المحل .. قلنا نشوف الراي ولزوم نسمع حتسي البعض ..

قالو عنه :

روعة كواليس للهدايا والتغليف المحل اللي حبوه الناس

شطحه :

- عقدتنا بالحياة .. لاجا ( الزبون ) وشرا شمعة ب 10 ريال وطلّع لنا 500 ريال وقال دبرو عماركم واصرفو روعة كواليس للهدايا والتغليف المحل اللي حبوه الناس

.. يعني ليتك شريت ب 30 ريال كان ابرد على القلب !

-- تنبيه --

بعض الصور بتطلع بهالشكل

والحل ( تضغط على الصورة بالزر اليمين وتختار إظهار الصورة )
روعة كواليس للهدايا والتغليف المحل اللي حبوه الناس

* الرد الثاني شيكو عليه .. ولاتبعدون .. روعة كواليس للهدايا والتغليف المحل اللي حبوه الناس

المصدر: منتديات مدينة الاحلام

v,um ;,hgds ggi]hdh ,hgjygdt F hglpg hggd pf,i hgkhs lk H,g k/vi D ! d,[] w,v hgHn hggdg ],][

روعة كواليس · 18 - 04 - 2011, 14:05

عاد يوم هيّضتكم ووريتكم وش انهم قايلين عن المحل .. خلكم عاد تشوفون بعيونكم ( جُزء ) من المحل . والباقي خلوه لاجيتو عشان مانحرق عليكم الكرت جعلكم ماتحرقون غداكم ،

المحل من جوّا ،

- ويلتسم

-

أبجورات تشّر بالليل . وبالنهار ماينصح انكم تشغلونها عشانها ماتنشاف

هذي أبجوره ورقّاصه بنفس الوقت . ويصلح للي حرمته تستحي ترقص عنده . يصير يشغّلها ويتفرج عليها

أكياس هدايا . وترى فيه اكياس اشكال وانواع بس هذي شي بسيط منها

أبجوره يابانيه . اللي صانعها خويي تشنق بونق نو . كان عندنا امس بالمحل وقال شغّلها عشان توريها الزباين

حركات يابنيه . ابجورات وشموع وعطور ومناديل وخنابيتز وكل شي ..
جاتنا امس عجيّز هي وبنتها وكسرت فوّاحه . تقول يوم كسرتها اني احسبها ( لعبه ) .. الله من زين التسذبه بعد ،

ترى هذي شموع مهوب ورد ( صورة مع التحيه للقراوى اللي ماقد شافو شموع )

.
[ تابع الرد اللي بعدوو ]

روعة كواليس · 18 - 04 - 2011, 14:06

أوتوغراف .. قعدت اسبوع لين عرفت انطق الكلمة . وهذا الأوتوغراف حق اللي يحبون يجمعون صورهم الشينه . يحطونها بهالقرطاس ويريّحون عمارهم من التنطيل بالادراج .

براويز .. تبون تحطون صوركم . تبون تحطون عبارات حلوة . عليكم بهالبراويز . اشكال تفتح النفس وترد الروح . خصوصاً لاصار الواحد اطخم بيطلع الشكل شي ،

تعليقات للحريم . علّقي على شنطتك هالبطه وشوفي وش بيقول عنك رجلك . ان ماودّاك لبيت اهلك وخلاك عندهم اسبوع أحلق شنبي

للبنت اللي مابعد اعرست . وللحرمه اللي ناقصها حنان . عليكم بهاللي تحت .. خصوصاً الثلاثه اللي صافين جنب بعض تراهم عيال حمايل ..

للبنت اللي تبي تهدي مُدرّستها درع عشان ماترسّبها . للمدرّس اللي يبي يعطي طالب درع عشانه كويس ..

دلعو بزارينكم ترى الدنيا فانية
رف كامل متكامل لكل قراشيع المبزره ،

شموع اشكال وانواع . وترى التفاح ماينوكل

صناديق طماط وصناديق هدايا ، طب وتنقّ وخذ اللي تبي والعامل يزهلقه لك ويخليه زي اللوز

.

[ تابع الرد اللي بعدوو ]

روعة كواليس · 18 - 04 - 2011, 14:07

صندوقك على ذوقك . الله من زين الذوق بعد

للي ريحتهم مهيب زينه . وحتى اللي ريحتهم زينه ويبون الزين يكمل ..

تعرفون هالعطر ؟ . بصراحه حتى انا اول مرة اسمع به

كرِستالات زِينه ..

هدايا من شغل ( يدين عاملنا ) . لانجيب جاهز ولا نحب شغل التقليد !

ورد طبيعي ومسكات عرايس .
الناس تطورت وكلّن صار يحب يكشخ بالورد ،، وترى النظام القديم اللي الواحد لابغى يروح يزور مريض ياخذ معه عصير طماط انتهى . الناس تبي ورد وشغل ذرب ، وحتى اللي يبي يروح ( يشبك ) حرمته ياخذ له من هالمقسوم ويمده لها عشان تنبسط عليه ،

نطبع على التي شيرت ، ونعطيك اطلق عبارة على البرواز أو التصميم ، وعندنا أطلق أنواع الورق لهديتك

.
[ تابع الرد اللي بعدوو ]

روعة كواليس · 18 - 04 - 2011, 14:07

من هنا وهناك .. وحولك حواليك ، وترى الذرابه زينه ~

كومة صور داخلية للمحل عشان اللي مايدل يدل واللي مايعرف يختار يعرف وش يختار .
صور شطّافيه عشان تقزّون كل شي من هنا وعشان بعد تحسّون بالفخامه والإتيكيت والإنتيكه إذا اجتمعت سوى وتبلورت وصارت شي إسمه ( روعة كواليس )

ترى اللي واقف يمين ابو قبع هذا عامل البوفية اللي حولنا . جايب طلب بيتزا للفلبيني . طاقّه الجوع وصار من قرادة الحظ انه يجي والكميرا تشتغل . خرّب اللقطه الله يخسّه هو ووجهه هاللي كنه ركبة حاشي ،

.
[ تابع الرد اللي بعدوو ]

روعة كواليس · 18 - 04 - 2011, 14:08

حتسي مارج ،

ياصبر الارض على هالمدمن

. شافهم يكتبون راح يقلدهم

---
أنزلو تحت عشان تعرفون المكان وماتضيّعون وتفشّلوني قدام الله وخلقه وكل شوي واقفين عند اشارة تسألون عن المحل .. وعشان بعد تشوفون صورة واجهة المحل .. ومواعيد العمل بالمحل ( مسوين شركة دواجن ) وعشان بعد تقرون كم كلمة طارفه ،

روعة كواليس · 18 - 04 - 2011, 14:10

المحل بشكله الخارجي . وترى بعدنا فيه محل هدايا على نفس الشارع . لاأحد يدرعم عنده ثم يقول ورى محلّك تغيّر علي

كروكي المحل وترى المحل بالرياض وتحديداً بحي ( البديعة ) اطلق حي بعد العليا بشهادة بيل قيتس يوم انه جا قبل اسبوعين وتغدّى بالذهبي وخذ له من عندهم جريش .. المحل بشارع النخيل . ثاني عمارة يمين وانت وجهك غرب ويدك اليمين على راسك .. وعلى اللي خارج السعودية مراعاة فارق التوقيت ..

مواعيد عمل المحل عشان لايجي احد بوقت يصير المحل مسكّر ثم يزعل علينا ،

--

اخطمو تحت . فيه حتسي باقوله لكم ولاأحد يسمعكم ،

روعة كواليس · 18 - 04 - 2011, 14:11

للي عندهم صفحة على الفيس بوك .. تابعونا وعطونا إعجابكم على الصفحة الخاص بالمحل من خلال هالرابط :
â€«ط±ظˆط¹ط© ظƒظˆط§ظ„ظٹط³ ظ„ظ„ظ‡ط¯ط§ظٹط§ ظˆط§ظ„طھط؛ظ„ظٹظپ | Facebookâ€¬

وصفحتنا على موقع الفلكر : Flickr: rawah coalles' Photostream

وقناتنا على اليوتيوب : YouTube - coallesgift's Channel

وصفحتنا أخيرا على التمبلر : روعہ

* على كل الصفحات وفي كلا المواقع اللي فوق راح نجدد ونطرح كل جديد يتعلق بالمحل . من عروض ومستجدات ... إنشرو المواقع على كل اللي تعرفونه وتابعونا والله يحييكم

* نرحّب بكل من لديه تجاره ومحتاج يسوّقها من خلال محلنا .

* نرحّب بأي نقد أو نصيحة أو توجيه أو طلب معيّن على الإيميل الخاص بالمحل :coalles_gift@hotmail.com
( للمراسلة فقط من دون إضافة )

ماشاء الله تبارك الله ولاقوّة إلا بالله ..

سبحان الله وبحمده سبحان الله العظيم

روعة كواليس · 25 - 05 - 2011, 15:00

قريباً بحول الله . متجر خاص لكل مبيعات روعة كواليس للهدايا والتغليف عن طريق النت ..
شكراً لكم جميعاً ..

nemopro · 31 - 05 - 2011, 23:00

thanksssssssssssssssssssssss

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اكبر مجموعة من الرسائل	البرق	مسجات - رسائل جوال - وسائط - mms - sms	1	07 - 03 - 2010 12:08
اكبر موسوعة مسجات هنا منوعة دينية ...شبابية..بناتية	خادمة المرابطين غزاوية200	مسجات - رسائل جوال - وسائط - mms - sms	4	21 - 11 - 2009 10:34
رسائل جوال منوعة أكثر من 1000 رسالة	أبوالطيب	مسجات - رسائل جوال - وسائط - mms - sms	11	13 - 08 - 2009 23:38
اكثر من 10000 مسج	قاهر الاعداء	مسجات - رسائل جوال - وسائط - mms - sms	9	06 - 08 - 2009 21:47
أكثر من 100 طريقة تحمسك لقيام الليل	عاشق المكبر	القسم الاسلامي	7	02 - 02 - 2008 18:01

روعة كواليس للهدايا والتغليف [ المحل اللي حبوه الناس من أول نظره ] ! يوجد صور

روعة كواليس للهدايا والتغليف [ المحل اللي حبوه الناس من أول نظره ] ! يوجد صور لاجيت تهدي . لزوم تفكّر ساعة إلا ربع عشان ...