حركات البنات مع الأبلات في الحصة

لؤلؤة المطر · #1 23 - 02 - 2006, 14:43

[grade="00BFFF 4169E1 0000FF"]كل الحوارات التالية تحدث بالحصة وبين الطالبة والمعلمة )))

ـ استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة

ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟

ـ استاذة ..ممكن اروح الحمام؟
ـ يعني ماافتكرتي الروحة الا الحين...بعد الحصة روحي،انتم زي الاطفال رايحين جايين على الحمام

ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتشولفين وتتكلمين

المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا

استاذة منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:ايش؟؟؟اخططلكم؟؟اطفال انتم.؟؟
)الرد الثاني:انتي واحدة كبيرة..صرتي بصف (...) لازم تخططين بنفسك
الرد الثالث:مافي تخطيط ..كل شيء معاكم احفظوه

ـ أستاذة..دفتري ضايع..وش أسوي؟؟
في هالحالة الابلة ترد باحدى هالثلاث ردود: الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترك..راح تعيدينه لي كامل

المشهد/بنت تمسح السبورة ومشتطة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل

ـ استاذة..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا

ـ استاذة..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..

ـ استاذة الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس

ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم

ـ استاذة..صراحة..الامتحان كان مرة صعب
ـ اسكتوا ماحد طلب رايكم

ـ(هذا في حصة الفراغ) ـ استاذة..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى

ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!

ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,

المشهد/دق الجرس وبدأت فسحة الصلاة والابلة باقي تشرح الدرس البنات يقولون :ـ استاذة..نبغا نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..وتدورون بالاسياب؟؟

المشهد:المعلمة تملي البنات الدرس..
ـ استاذة..ايش؟عيدي
ـ اسكتوا وبتسمعون

ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول: ـ من الأثنين..

المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ اجل ليش جايتكم؟؟

ـ استاذة..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية الفسحة مثلا؟؟

ـ استاذة..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة‍
او تقولها:ـ صوريلك كتاب من اي بنت (رغم امتلاء المكتبة المدرسية بمثل هذه الكتب)

ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط...ومايبغاله شيء...لو انكم امس منتبهين معاي كان عرفتوا تحلون الاسئلة حتى لو ماذاكرتوا

ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس

المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة)
ـ لأ..بعد الحصة‍‍
ـ استاذة..بعطيها شيء وأروح
ـ لأ..أطلعي بره..قلتلك بعد الحصة

المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)اجل ليش جيتي المدرسة اليوم ..كان قعدتي في البيت
&& احترامي وتقديري&&
لؤلؤة المطر[/grade]

المصدر: منتديات مدينة الاحلام

pv;hj hgfkhj lu hgHfghj td hgpwm

الجرئ2006 · 23 - 02 - 2006, 15:00

[align=center]هههههههههههههههههههههههههه

حوار جميل بس مجنن

انا جننت من المحادثة

بين البنات والابلة

ياساتر على الابلة

كيف تتحمل الاسئلة

ومشكورة اختي

لؤلؤة المطر

على هذة المشاركة

الممتعة

وتحياتي الخالصة لكي

الجرئ2006[/align]

عاشق الاحلام · 23 - 02 - 2006, 17:20

ههههههههههههه

مشكورة لولوة المطر

علي الحوار الظريف

لؤلؤة المطر · 24 - 02 - 2006, 01:24

[glow=00CCCC]عسى ما تجننت يالجري2006
ترى محتاجينك ومالا غنى عنك
ههههههههههههههههه
وعلى كل لؤلؤه من لألئ
عقدي الثمين اكتب لك
شكري على مرورك
الطيف وعلى كل قطرة
مطر تسقط من السماء
لتسقي البشر ابعث
حبي معها لك
&& احترامي وتقديري&&
لؤلؤة المطر[/glow]

لؤلؤة المطر · 24 - 02 - 2006, 01:28

[glow1=00CCCC]عاشق الأحلام
دمت بحظ الرحمن
على كل لؤلؤة من لألئ عقدي الثمين ا
اكتب لك شكري على مرورك
الكريم وعلى كل قطرة مطر
تسقط من السماء لتسقي البشر
ابعث حبي معها لــــــــــــــك
&& احترامي وتقديري&&
لؤلؤة المطر[/glow1]

قلب طفله · 24 - 02 - 2006, 01:35

هذول فصلنا

مشكوره يا لؤلؤة المطر

لؤلؤة المطر · 25 - 02 - 2006, 04:14

[align=center][glow=3399FF]بس عسى ياقلبي
ماتكوني منهم
أمزح معاك
ههههههههه
على كل لؤلؤة
من لألئ عقدي
الثمين اكتب لك
شكري على مرورك
الكريم وعلى كل قطرة
مطر تسقط من السماء
لتسقي البشر في
العالم ابعث حبي
معها لك
&& احترامي وتقديري&&
لؤلؤة المطر[/glow][/align]

السامي · 02 - 03 - 2006, 23:13

هههههههههههههههههههه
يعني المدرسات ماتشيب من قليل
يسلمو لؤلؤة
على الابتسامة اللطيفة التي اضفتيها الينا

لؤلؤة المطر · 03 - 03 - 2006, 04:44

تسلم يالسامي
على المرور
الكريم والطيف
إنشاء الله تكون
انبسط من الحوار
الهدف هو ادخال السعادة
والوناسة لقلوب الأعضاء
دمت يالغلا
لتكن في حفظ الرحمن
&& احترامي وتقديري&&
لؤلؤة المطر

الشهير · 24 - 11 - 2008, 01:28

مشكور على الموضوع الرائع
وتقبلي مروري

*مسك الغزال* · 26 - 11 - 2008, 17:04

ههههههههههههههههههه

اللة يعين المدرسة علي طاليباتها

مشكوووووووووووورة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لا تفوتكم أكاذيب الشباب على البنات !!!!!	شجون الليل	قسم التسلية والمرح	10	18 - 06 - 2006 02:55

حركات البنات مع الأبلات في الحصة

حركات البنات مع الأبلات في الحصة [grade="00BFFF 4169E1 0000FF"] كل الحوارات التالية تحدث بالحصة وبين الطالبة والمعلمة ))) ـ استاذة مافهمت الدرس ـ اكيد مافهمتيه..هذا ...