أحدث نكت 2011 ثورة يناير

أياد · #1 24 - 02 - 2011, 19:56

أحدث نكت 2011 ثورة يناير

مبارك : عارف يا ابليس ياخويا, انا عاوز اعمل في الشعب المصري الثائر حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

مكاسب الثورة المصرية:
١. اقالة الحكومة الأردنية
٢. رفع قانون الطوارئ في الجزائر
٣. اعلان الرئيس اليميني عدم ترشيح نفسه للرئاسة
٤. تعديل الدستور الصيني
...٥. قمع الشعب السوري قبل ما يفكر يثور
٦. بقاء الرئيس المصري ولا كأن حاجة حصلت

مبارك بعد ما مات

قابل السادات و عبد الناصر

، سألوه : هاه ؟ سم ولا منصة ؟

رد عليهم بحرقة

وقال

: فيس بوك

التلفزيون المصرى دايما مثبت الكاميرا ع النيل يا تري ليه ؟
اختر الاجابة الصحيحة
1- مستنيين السمك يخرج يقول نعم لمبارك
2- بيخافوا من ميدان التحرير
3- النيل هو المكان الوحيد اللي مش حيقدر المتظاهرين يقفوا فوقه
4- مثبتين الصورة ع النيل عشان يصورو اللحظة التاريخية لما النيل ينشق و يبلع مبارك زي البحر ما بلع فرعون

أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.
ملحق #9 09/02/2011 01:19:15 م
أما من الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟"

- ارحل.. الولية عاوزة تولد والولد مش عايز يشوفك

- ارحل عاوز أتجوز

- ارحل مراتي وحشتني.. متزوج من 20 يوم

- ده لو كان عفريت كان طلع

- لو ما استحمتش النهاردة في بيتنا.. هاستحمى يوم الجمعة في قصر الرياسة

ارجع ياريس احنا كنا بنهزر .... الكاميرا الخفية

الرئيس المصري حسني مبارك يحرق نفسة امام القصر الرئاسي مطالبا بتغيير الشعب

مجموعة من الجرّاحين الألمان يتوجهون إلى مصر لإجراء محاولة لفصل التوأمين، مبارك والكرسي

يقال أنّ:

مبارك سأل نظيف:
_أنا الأفضل ولا عبدالناصر ؟
رد إنت .. جمال كان بيخاف من الروس وإنت لأ.
_أنا الأفضل ولا السادات ؟
رد إنت .. السادات كان بيخاف من الأمريكان وإنت لأ.
_أنا الأفضل ولا عمر بن الخطاب ؟
(...انت ياريس .. عمر كان بيخاف من ربــنــا وانت لأ.....)

في إطار محاكمه أحمد عز سألوه من أين لك هذا قال هذا من فضل ربي. رد عليه الشيطان و قاله آه يا واطي يا ناكر الجميل

حسني عاوز يغيـر دولارات و مش لاقي في السوق , فراح نادي نظيف:
هو مفيش دولارات في السوق ليه يا نظيف انت نظفت السوق ؟
نظيف:الحج و العمرة ياباشا خلصوا على الاحتياطي
حسنى:بقولك ايه ..حج ايه وبتاع ايه ..من السنة الجاية الحج يبقى في مصر -
نظيف:ياباشا.......ازاي بس
حسنى:اتصرف
بعديومين رجع نظيف وقاله:كله تمام يا باشا خلاص الحج حيبقى عندنا
الريس:طب و الكعبة حتعمل فيهاايه؟
نظيف:حنعملهافي ميدان الحجاز -مصر الجديدة و يبقوا يلفوا حواليها
الريس:طب و السعي؟
نظيف:ياباشا يبقوا يجروا في طريق صلاح سالم لغاية المطار و يرجعوا
الريس:وعرفه ؟
نظيف:يطلعوا المقطم ياباشا
الريس:طب و رجم إبليس يا فالح؟
نظيف -بانكسار وتردد-:معلش, إتعب معانا شوية بقى يا ريس!

*خبر عاجل : الرئيس التونسي يدخل على الأذاعة السعودية و يهدي اغنية
بستناااااااك للرئيس حسني مبارك =))*

***‏****‏****

النومينيييز لـ هيدا الاسبوع :*
*1-حسني مبارك من مصر *
*2- معمر القذافي من ليبيا*
*3-عبد الله صالح من اليمن*
*صوت لرئيسك المفضل و اربح معاه عمرة للسعودية*

***الشعارات التي اطلقوها في مظاهرات يوم الغضب*
*25يناير 2011*

*(ياسوزان قولي للبيه ... ربع قرن كفايه عليه )*
*(ياجمال قل لبوك ... شعب مصر بيكرهوك )*

*ومن الشعارات الظريفه قولهم :*
*(بن علي بيناديك ... فندق جده مستنيك )*

*(هو مبارك عايز ايه ... عايز الشعب يبوس رجليه )*

*(هما بياكلوا حمام وبط ... وكل الشعب جاء له الضغط )*

*وأختم هذه الشعارات بالشعار الذي أضحكني كثيرا رغم أني شاهدتهم*
*يرددونه بمنتهى الغضب , حيث يقول هذا الشعار :*

*( شيلوا مبارك وحطوا خروف ... يمكن يحكم بالمعروف)*

***‏****‏****‏****‏****عاجل _حسني مبارك يتصل على الرئيس
التونسي(زين بن علي) ويقوله : إذا بتنام بدري حط لي مفتاح الغرفه تحت الباب*

حسني مع زين العابدين في الفندق ارادو تغير لمبه في السقف فرفع حسني ابن علي علي كتفه وانتظر دقيقه دقيقتين ربع ساعة ساعة فقال اية يا علي مغيرتش اللمبه ليه قال له اللمبه قلاووز و انت يا حسني الي ما بتلفش
علي العموم يا ستي هييجي اليوم و تجدي معظم الرؤساء العرب في الفندق بقضيه تبادل الزوجات

المصدر: منتديات مدينة الاحلام

Hp]e k;j 2011 e,vm dkhdv

بيســــان · 25 - 02 - 2011, 02:38

ههههههههههه
حلوة وظريفه
الف شكر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اكبر مجموعة من رسائل العام الجديد 2011 مسجات العام الجديد 2011 الخاصة بالعام 2011	أياد	مسجات - رسائل جوال - وسائط - mms - sms	3	27 - 06 - 2011 18:58
happy new year 2011 sms Christmas happy new year	DreamsCity	مسجات - رسائل جوال - وسائط - mms - sms	1	29 - 03 - 2011 14:21
رسائل العام الجديد 2011 - مسجات العام الجديد 2011	DreamsCity	مسجات - رسائل جوال - وسائط - mms - sms	1	29 - 03 - 2011 14:20
صور 2011 احلى صور 2011	فرولة المدينة	قسم الصور	3	05 - 02 - 2011 19:44
جدول مباريات كأس أسيا وتوقيت المباريات 2011 بـالدوحة - مواعيد مباريات كأس أسيا 2011	قاهر الاعداء	القسم الرياضي	0	09 - 01 - 2011 00:04

أحدث نكت 2011 ثورة يناير

أحدث نكت 2011 ثورة يناير مبارك : عارف يا ابليس ياخويا, انا عاوز اعمل في الشعب المصري الثائر حركه تطلع من نافوخهم أبليس : طب ...