كيف تصطادين عريسا ....

السلام عليكم و رحمه الله و بركاته

بصوا يابنات!!



*لو جالك عريس متقوليش لحد من صحباتك



الحاجات دي بتتنظر وأنتي عارفه البنات عينيها وحشة

*لو واحدة من صحباتك جبتلك عريس إوعي تشوفيه أو توافقي عليه
لوكان عدل كانت خدته هي! ههههههههههههههههه

*هتقولي طب لو متجوزة
أقولك هتبقي عاوزاكي تاخدي واحد أقل من المنيل جوزها



*متفضحيش الدنيا أما يجيلك عريس أصبري شوية لما تمسكيه كويس
هتسيّحي لنفسك على الفاضي وتتحسب عليكي خطوبة


*في أول مقابله لو لاقيتيه بيبص ف ساعته
..قاعد مش على بعضه..

وشه إتخطف وبان عليه خيبة الأمل
إعرفي إنك مش عجباه ..
إسبقي إنتي وقولي إنك رافضاه
متخليش واحد زي ده يقول أنه مش عاوزك


*متزعليش عليه ولا على غيره.
الرجالة زي الأتوبيسات واحد عدّى التاني جاي وراه




*لو معجبتيش أكتر من واحد إوعي تحسي بالإحباط
بكرة هيجي سيد سيدهم لحد عندك
إلا ما كان واحد..فيهم عدل



*بصي ..عذبيه..طلعى عينه..بالأختصار : دوخيه
الراجل يحب يلعب دور الصياد


البنت السهلة يادوب يفكر فيها يومين ويدور على غيرها



*إوعي تقوليله بحبك أو عينيك عجباني
الراجل ميحبش كده أبدا


*إوعي تروحي ميعاده قبله
حاولي تتلكعي تروحي بعده بربع ساعه أو نص ساعه
الراجل لو إستناكي هيتعلق بيكي أكتر


*لو سألك عرفتي حد قبلي قوليله لا
حتى لو كنت مصاحبة رجالة الدنيا كلها


* لو حاول يوقعك ويقولك بحب الصراحه وكده،
برضه خليكي ناصحه
أنت عمرك ما عرفتي راجل غير باباكي طبعا



*هيقولك هسامحك وده ماضي
متصدقيش برضه الرجاله قلبهم أسود
وهيمسكها لك ذله العمر كله

*إحترمي أهلك متغلطيش فيهم قدامه


حتى لو كانوا مش كويسين!
علشان ميتجرأشي عليكي وعليهم
هيقول إذا كان أهلها بتعمل معاهم كده
هتعمل معايا ايه؟
هيعملك فيها مصلح اجتماعي حضرتة ويعيش عليكى !


* بلاش زن ورنات تليفونات ورسايل حب وهيام دول عالم ....
مش هيقدّر الحاجات دي
هيتغّر ويفتكر نفسه حاجه كبيره هههههههههههههههه
وهو زي ما إنتي شايفاه قومي بصي لصورته ع الموبايل


*خليكي زي فوزية إوعي يمسك إيديكي
هيطمع فيكي ويفتكرك واحدة من إياهم
يرضيكي واحد ملوش لازمة زي ده يفتكرك واحده من إياهم!!!!

*هيضغط عليكي باسم الحب
بأسم العواطف
بأسم أنكم في حكم المتجوزين
بأسم انتى مش واثقة فيا!!
إنك تروحي الشقه معاه




*سيبيه يرغي براحته
وعدي الكدب اللي هيكدبه على البنات اللي دايبين في دباديب سياته
إعملي إنك مصدقاه
مع أنك عارفه إنك لولا خايفة لا تبقي عانس مكنتش قبلتي بواحد زيه




*خليكي دايما في أحسن صورة
هيقولك بحبك تكوني على طبيعتك
بحبك من غير ماكياج أوعى تعملى كده
لأنه بيتلاءم عليكي عاوز يعرف أنتي حلوة فعلا وإلا دي بويه ..
خليه على عماه
احنا ما صدقنا وقعناه! ههههههههههههههههه



طبعا ده هزار نصيبك مكتوب عند ربنا مهما دبرتي ومهما عملتى ومش هتاخدى غيره
وهتستعجلوا ليه انتو كده حلوين اوي

;dt jw'h]dk uvdsh >>>>