قصه العجوز اللي تحدت ابليس

أياد · #1 15 - 08 - 2010, 02:30

بسم الله اارحمن الرحيم...
السلام عليكم ورحمه الله وبركاته...
هذه قصه قرأتها وحبيت انقلها لكم العجوز اللي تحدت أبليس
كان يا ما كان في قديم الزمان ..........كان فيه أمراة عجوز قاعدة بروحها

وفجأة طلع لها ابليس ..........(لقافه .....يبي يتحرش ) العجوز خافت وسمت بالرحمن

...قالها ابليس :أنتي يا عجوز هل تعتبرين نفسك داهيه؟؟؟؟

العجوز: نعم أنا داهيه ............ والنساء عموما كيدهم عظيم

أبليس: أنا أتحداك........وبنشوف مين كيده أعظم ......المرأة ولا أبليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز بالرهان.

أبليس:Ok

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس....... اذا تبي فلوس لا تتدخل ولا

تتكلم ..(وافق الشاب لأنه طفش من البطاله ويبي فلوس ).

راحت العجوز ومعاها الشاب لمحل قماش وقالت له أنتظرني عند باب المحل

...دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال ...

التاجر :اذا أنتي ما عندك فلوس أخذي شيء أرخص

العجوز : ما أقدر .....لازم ولا يصير شيء ما صار

التاجر :ليش ؟؟ ......لهالدرجه ......شسالفه؟؟

العجوز:شفت الشاب اللي واقف عند باب المحل ...هذا ولدي

..يحب له وحده متزوجه وهي تحبه ولما تتطلق من زوجها ....ولدي بيتزوجها

وهو قالي أن عارضتي الزواج بأطردك من البيت وأمرني أني أشتري قماش

غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته بأسمها لعجوز تبكي

التاجر: خلاص هونيها وتهون والله كسرتي خاطري .....خلاص أنا بأعطيك القماش

ببلاش....وعسى الله يواجرني

العجوز طلعت مستانسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح خمس دقايق .

رحبت الزوجة ودخلتها وأكرمتها وجابتلها شاي

العجوز:مشكووورة ما تقصرين ان شاءالله أردها لك (تعمدت تنسى القماش ) وطلعت.

الزوجة:حرام نست قطعة القماش ....أكيد بترجع بعد شوي وتاخذها

بروح أحطها بالدولاب..

تاجر القماش رد لبيته وتغدى ذاك الغدا السنع ونام شوي ..

قام العصر وفتح الدولاب بغير ملابسه عشان يروح محله .......مفاجأة قطعة القماش

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين؟؟؟

الزوجه : زوجي طردني ....وما عطاني فرصه أتكلم .

العجوز: خلاص أنا بأوديك بيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطه وقبضت على الشاب والزوجه .....وقطوهم بالسجن.

العجوز: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررة

العجوز: أنا راح أحلها وكأن شيء لم يكن .. وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة

وأنا اللحين بأساعدك ......يلا ألبسي عباتي وغطي نفسك وأطلعي من السجن كأنك أنا

وأنا بأقعد

مكانك.

الزوجة:مشكووورة .....لكن أنتي ؟؟؟

العجوز: مالك شغل مثل ما طلعتك بطلع نفسي.

تمت عملية الهروب بنجاح....

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين؟؟

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

المصدر: منتديات مدينة الاحلام

rwi hgu[,. hggd jp]j hfgds

صدام وهبان · 23 - 08 - 2010, 03:05

مشكوووووووور اخوي اياد

mamoon · 23 - 08 - 2010, 04:52

مشكوريين على الأقصوصه الحلوه المؤثره

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصرى بالشرح أقوى برنامج للاختراق والضحك جرب كدة !!!!!	61190	قسم البرامج , برامج مجانية	56	02 - 02 - 2011 07:11
المرأة أشد خبثاً أم إبليس	محمد السوري	قسم التسلية والمرح	4	15 - 07 - 2010 15:00
اكبر مجموعة من الرسائل	البرق	مسجات - رسائل جوال - وسائط - mms - sms	1	07 - 03 - 2010 12:08
اكبر موسوعة مسجات هنا منوعة دينية ...شبابية..بناتية	خادمة المرابطين غزاوية200	مسجات - رسائل جوال - وسائط - mms - sms	4	21 - 11 - 2009 10:34
اكثر من 10000 مسج	قاهر الاعداء	مسجات - رسائل جوال - وسائط - mms - sms	9	06 - 08 - 2009 21:47

قصه العجوز اللي تحدت ابليس

قصه العجوز اللي تحدت ابليس بسم الله اارحمن الرحيم... السلام عليكم ورحمه الله وبركاته... هذه قصه قرأتها وحبيت انقلها لكم العجوز اللي تحدت أبليس كان ...