موضوع مهم للنقاش ليه البنت تقول(ياليتني ولد)

ღღ متعب القلوب ღღ · #1 23 - 02 - 2007, 21:11

موضوع مهم للنقاش ليه البنت تقول(ياليتني ولد)

موضوع مهم للنقاش ليه البنت تقول(ياليتني ولد)

بصراحة في موضوع يشغل بال اغلب البنات
والأكيد ان هذا الموضوع نتيجة لأمور كثيرة تواجه المجتمع النسائي .....ولو نخصصة نقول المجتمع البناتي
والموضوع يتلخص بعبارة تلقاها مثل التنفيس اللي يلجأ له
(ياليتني ولد)
لما يكون في عزيمة ...والكل مستعد وتجهز....ويطلعون برا وينادون السواق....وأخيرا يلقون السواق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة
(ياليتني ولد )
والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت والمنيبولي
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية
(ياليتني ولد )
وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش
(ياليتني ولد)
كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخوتي ياحلوين تامرون على شيء قبل ماأروح
إيه
سموا
تبادل
ايش
(ياليتنا أولاد)
ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ...اليكر ...نواف ....حبيب البيت ......وبرا البيت
_____________
قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا صرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لاأحد يرفع السماعة طيب......
(ياليتني ولد)
طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كيئبة ومملة بشكل كبيييييييير
والسواليف أغلبها تقتصر على
لبست...شرت ...انخطبت ...تزوجت....حملت....سافرت
وتلاقي درجة الغلينا عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب الزم كل ذي الهذرة-
من بتكلمين نهى ...مو لازم بكرة بتشوفينها بالعزيمة ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
__________________________________________________
______________
طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعرض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
-
-
-
-
-
-
-
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟عشان كذا حنا الأولاد لو نقعد بالبيت كان شفتووووو الذيابه عن جد والدفاره
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
(اففففففففففففففففففففففففففففففففففففففففففففف(يا
ليتني ولد
لو أني ولد ...
أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والا نروح لابو كمال واعشيهم على حسابي
والا أفاجئهم بتذاكر لمكة عشان ناخذ لنا عمرة
(او ناخذهم ونروح لاي مكان مكتوب فيه (للعائلات فقط
وادخـــــــــــــــــــــــــــــــــــــــــــله
معقوله هذا اللي الشباب يتذمرون منه......اثاري دخوله سهل .........وسهل مررررررررررررة
والله ان البنات متعقدات من انفسهم فأحمدو ربكم يا شباااااااب على العافيه
ولا احد يزعل مني خوذو رأي البنات وشوفو ردهم زي هذا والا لا ؟؟؟

موضوع ونقاش عجبني وحبيته نتناقش كلنا..
انطر ارائـــــــــــــــــــــــــــكم

أخوكم / ღღ متعب القلوب ღღ

المصدر: منتديات مدينة الاحلام

l,q,u lil ggkrha gdi hgfkj jr,g(dhgdjkd ,g])

نجمة المشرق · 23 - 02 - 2007, 23:14

والله أنا قلتها كثير مع أن كل شئ متوفر بس الواحد يبي الفلة ومايبي آحد يتحكم فيه <<<دلع بنات
وترا أكثر فترة ممكن البنت تقول هالكلمة وقت المراهقة لأان تكون معصبة وتبغى كل شئ بطرفة عين والحياة لازم تمشي بآومراها يعنى هذه أغلب الأسباب ...شكرآ متعب القلوب بجد حركت الأقلام ...

بيســــان · 23 - 02 - 2007, 23:17

لووووووووول
هههههههههههههههه
اسلوب مضحك بس احب اقول ..
أنه ما عمري تمنيت اني اكون ولد .. لان الحمدالله البنت نعمة كبيييره و مقتنعه اني اكون بنت والف الحمدالله والشكر ..
بس اذا بنقارن بين الاولاد و البنات ..
فالحياه مش بس وناسه و طلعات و سهرات
الحياه مسؤليات و مواقف ..
فالرجل هو من يتحمل المسؤليه و الرجال مواقف عظيمة ..

و الحمدالله الان في مجال الترفيه يوجد انديه خاصه للنساء سواء كانت رياضيه او ثقافيه ..

و من ناحيه البر .. فالكثير الكثير من العوائل اللي يسون رحلات للبر و اقامة خيام مثبته و فيه بنات يسوقون في البر و يفحطون

و كل شئ عادي و طبيعي ..

و بعدين اولا و اخيرا ..
يعود كل شئ على التربيه .. من خلال المعامله و التفريق بينهم ..
والحمدالله عائلتنا ما فرقت واجد بس كانوا يدللون البنت اكثر بحكم انهم حساسات و عاطفيات

عموما ..
مشكووور اخي الكريم على موضوعك الجميل ..
واعتذر على الاطاله .

ღღ حمـاس ღღ · 24 - 02 - 2007, 00:49

طريقة سرد الموضوع كثير حلو ومتسلسل بشكل مرح

شكرا لك أخوي ع الموضوع ولي عودة إن شاء الله

بس بحب أقول كلمة ( ياليتني ولد ) أكيد هاي مراهقة

**دمعة احساس** · 24 - 02 - 2007, 04:21

الحمد لله رب العالمين

عمرى ماقلتها او تمنيتها بينى وبين نفسى

واول الاسباب انى راضية ومقتنعة وسعيدة بما فطرنى عليه ربى

وبالعكس اجد ان الاولاد هم من يقولونها ليتنى كنت بنت لا حمل للدنيا هما

ولا اجهز بيتا واكون مسؤل كل المسؤلية

اما البنت فهى ملكة متوجة فىجميع الاحوال فى بيت اهلها ثمبيت زوجها

ومشكور اخى على الموضوع الرائع

فى انتظار جديدك

السامي · 24 - 02 - 2007, 19:36

لان البنت
تشوف نفسها انها محبوسه
وان فيه اشياء بحياتها ماراح تقدر توصل عليها ككونها بنت ولذلك تتمنى هالامنية

اخي العزيز متعب القلوب الف شكر لك على تميزك وطرحك للمواضيع الرائعة
ودمت اخي بكل الود

عاشق الاحلام · 24 - 02 - 2007, 23:10

اقتباس

المشاركة الأصلية كتبت بواسطة السامي


	لان البنت تشوف نفسها انها محبوسه وان فيه اشياء بحياتها ماراح تقدر توصل عليها ككونها بنت ولذلك تتمنى هالامنية اخي العزيز متعب القلوب الف شكر لك على تميزك وطرحك للمواضيع الرائعة ودمت اخي بكل الود

مشكووور اخوي على الموضوع

موضوع مهم للنقاش ليه البنت تقول(ياليتني ولد)

موضوع مهم للنقاش ليه البنت تقول(ياليتني ولد) موضوع مهم للنقاش ليه البنت تقول(ياليتني ولد) بصراحة في موضوع يشغل بال اغلب البنات والأكيد ان هذا الموضوع ...