قصة تمووت ضحك

بكيل · #1 01 - 08 - 2009, 21:02

بسم الله الرحمن الرحيم

السلام عليكم ورحمة الله وبركاته ,,,,

إليكم هذه القصة الجميله اللي تموت من الضحك

تقول القصة :

فيه ولد طفران (ماعنده ولا ريال) راح لابوه

وقاله : عطني 15 ريال,,ودي اشتري كوره

الاب : أقول إنقلع عني تراها واصله معي

الولد : تكفا يبه,,بس 15 ريال والا اقولك خلها عشرة ريال

الاب : ماعندي فلوس إذا تبي فلوس رح بع الديك حقك المريض اللي بالحوش ..

الولد : بس هذا مريض ومحد بيشتريه

الاب : ماعلي منكدبر نفسك

والله الولد استسلم للأمر الواقع واخذ الديك

أول واحد قابله في وجهه اكيد أبوه.قاله
الولد: تشتري الديك؟

الاب : اقول بتنقلع عني ولا أقوم اتوطا في بطنك؟

الولد : خلاص خلاص لاتنفخ

طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك

قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله

راح لها الولد عشان يبيع عليها الديك

الولد :تشترين الديك تكفين؟

الحرمه: تفضل

الولد :اقول مانيب فاضي لك .. خذي مني الديك وخليني اروح

الحرمه: تروح وين يارجال!!

الولد : ومنهو اللي قالك إن انا رجال؟ خذي مني الديك وخلينا أنقلع

شوي الا الباب يدق خافت الحرمه

وقالت للولد: تعال إندس هنا في الدولاب لايطلع زوجي ثم نروح فيها.

حطت الولد في الدولاب وراحت فتحت الباب إلا وطلعلها صديقها اللي تخون زوجها معاه ..

الحرمه:هلا والله

الرجال: يا هلا فيك

ما أمدا الرجال يكمل كلمته إلا والباب يطق

الحرمه: ياويلي ويلاه.هذا شكله زوجيتعال

وادخل في الدولاب دخل خوينا في الدولاب وفجاه في عز الظلام سمع صوت يكلمه داخل الدولاب

ويقوله: تشتري الديك؟

الرجال: اصصصصصصصص. رخ صوتك الله يرحم والديك لاتفضحنا

الولد :أقول تشتري الديك؟

الرجال: ياخوي خلاص بشتري الديك بس قصر على حسك تكفا

الولد : طيب

الرجال: بس بكم تبيعه؟

الولد : ب100 ريال

الرجال: ايش!! هالديك المنتوف المريض ب 100ريال

الولد : تبي تشتري ولا ارفع صوتي؟

الرجال: لا لا خلاص..ابشتري وأمري لله

جلسو 5 دقايق

الولد : تبيع الديك؟

الرجال: توك بايعه على يابن الحلال!!

الولد : تبيعه علي ولا ارفع صوتي؟

الرجال: لا لا خلاص.اببيعه وأمري لله.بكم تشتريه؟

الولد :بريال

الرجال: أيش!! بريال!!!! انا مشتريه منك ب 100 ونت تشتريه مني بريال

الولد : تبيعه علي ولا ارفع صوتي؟

الرجال: لا لا خلاص.اببيعه وأمري لله

جلسو 5 دقايق

الولد: تشتري الديك؟

الرجال: ياخوي توني مشتريه منك!

الولد :تبي تشتري ولا ارفع صوتي؟

الرجال: لا لا خلاص.ابشتري وأمري لله..بكم تبيعه؟

الولد : ب200 ريال

الرجال: الله يمحط بك ان شاءاللهتوني مشتريه منك ب 100 ريال!

الولد :تبي تشتري ولا ارفع صوتي؟

الرجال: لا لا خلاص.ابشتري وأمري لله

جلسو 5 دقايق

الولد :تبيع الديك؟

الرجال: انا لله وإإنا إليه راجعون..بكم تبي تشتريه؟

الولد : بريال

الرجال: وش تبيني أقول!! تبيني أبكي ولا أشقق هدومي.يالله خذ الديك وببلاش

بعد أن اخذ الولد الديك شوي ألا الحرمه فاتحه عليهم الدولاب

وقالتلهم: يالله بسرعه انحاشو دام إن زوجي في الحمام..بس واحد ورا الثاني وبشويش عشان لايحس فيكم زوجي

طلع الرجال وانحاش ولحقه الولد بعده ب5 دقايق المهمقام الولد

يتمشى في الشارع وهو مستانس إن صار معاه فلوس .. بعدين راح

للبيت يوم دخل البيت شاف ابوه قدامه .. راح قال

لابوه: تشتري الديك؟

الأب ناظر فيه والشرار طالع من عيونه

وقاله: مايكفيك يابن () ال 300 ريال اللي لطشتها مني في الدولاب.
ههههههههههههههههههههههههه

المصدر: منتديات مدينة الاحلام

rwm jl,,j qp;

قاهر الاعداء · 04 - 08 - 2009, 17:16

مشكوريابكيل

بكيل · 05 - 08 - 2009, 13:20

مشكور الغالي

الحزين و المجروح · 06 - 08 - 2009, 03:29

هههههههههههههههه
انقلب السحر على الساحر
مشكووور يالغالي وتقبل مروري

بكيل · 06 - 08 - 2009, 10:56

مشكور وماقصرت خيو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ثيم رائع بلونة متميز بايقوناته إبداعي بتصميمه	shady02	ثيمات و خلفيات اي فون و بلاك بيري , iphone , blackberry , Samsung Galaxy	0	09 - 07 - 2009 16:07

قصة تمووت ضحك

قصة تمووت ضحك بسم الله الرحمن الرحيم السلام عليكم ورحمة الله وبركاته ,,,, إليكم هذه القصة الجميله اللي تموت من الضحك تقول القصة : فيه ...