قصة غريبة عجيبة

عافك الخاطر · #1 07 - 06 - 2009, 11:26

قصة عجيبه

كان فيه سعودي وكويتي زملاء ويدرسون في بريطانيا وبعد انتهاء فترة الدراسه قرروا يرجعون لاهلهم فقال الكويتي للسعودي : قبل ماتروح للسعوديه تعال معي للكويت وبعدها رح للسعوديه ..

وافق السعودي على هذا وهم في الطيارة رايحين للكويت اتصل اخو الكويتي من الكويت على الجوال وقال لاخوه ان جدتي توفت ...

فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا لما وصلوا وصلَوا على الجنازة وقعد السعودي له مدة في الكويت ..

أعجب ببنت جيران الكويتي وقال لزميله اني ودي اتزوجها فرح الكويتي وقال انا مستعد اخطبها لك وفعلا خطبها له وخبر السعودي اهله وسوو الزواج ورجع السعودي لديرته وبعد مدة طويله كبرت تجارة السعودي وطلع تاجر وغني أما الكويتي فخسر كل امواله وتجارته فقال مالي الا اروح لصديقي السعودي اكيد بيساعدني !!

وفعلا راح للسعوديه وهو منتظر شوفة زميله بفارغ الصبر لما سال عنه ووصل لبيته صار مو بيت صار ساكن في قصر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا وبعد مارجع البواب عطى الكويتي فضلة عشى السعودي تخيلوا ...!!

فضاق صدر الكويتي وقال هذا جزاء الصداقه المهم وهو راجع برجليه في الطريق لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ الكويتي انه هو اللي جاهم الاول واخذ المليون وتاجر بها في السعوديه وقبل ما يرجع للكويت لقى عجوز معاها بنت وقالتله العجوز ابي اخلي البنت عندك واروح احج اذا مارجعت تزوجها وخلها عند اهله ولما طولت العجوز عقب الحج اتزوجها وسوا حفله الزواج بالكويت وفي اثناء الزواج وكان من ضمن المدعويين زميله السعودي !

لما شافه الكويتي غضب وقال للحضور اطردوا هذا خاين العشرة والصداقه تخيلوا انه لما جا معي للكويت وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضله عشاااااااااااه !!

تدرون وش قال السعودي....؟؟؟؟؟؟

قال اسمعوا واحكموا علي . .. أنا يوم جاني الكويتي وهو محتاج ما حبيت اشوفه على حالته هذي عقب ماكان تاجر وكبير اشوفه صغير ومحتاج واتفضل عليه بشي من عندي عشان كذا أعطيته فضلة عشاي !!

وبالنسبه للتاجرين اللي متراهنين على مليون هذولي اخواني انا مروحهم له عشان يفكون ضيقته !!

اما با النسبه للعجوز اللي معاها البنت فهاذي امي والبنت هذي طبعا اختي وش رايك ما احضر زواج اختي؟؟

تحياتي
عافك الخاطر
af_o0o@hotail.com

المصدر: منتديات مدينة الاحلام

rwm yvdfm u[dfm

star · 10 - 06 - 2009, 07:17

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دبي ايام زمان والحين والله غريبة هالصورة	ابن حماس	قسم الصور	2	25 - 01 - 2010 18:39
كيف يمكن تغيير اسم المستخدم الخاص بك على تويتر	star	نغمات - بلوتوث - مقاطع و فيديو الجوال , بلاك بيري و ايفون	0	09 - 04 - 2009 06:11
غريبة الليالي ..أنشودة جناااان بإذن الله راح تعجبكم !	osama_dreamscity	السمعيات والمرئيــــات	0	01 - 10 - 2008 22:43
صور عجيبة و لكنها حقيقية...19 صورة...طول بااااالك	ابن حماس	قسم الصور	1	21 - 05 - 2008 13:40
flawr.......قصيدة شعرية عجيبة ، من اليمين لليسار = مدح ، من اليسار لليمين = ذم !!!!	flawr	المنقولات العـــامة	3	28 - 03 - 2008 19:45

قصة غريبة عجيبة

قصة غريبة عجيبة قصة عجيبه كان فيه سعودي وكويتي زملاء ويدرسون في بريطانيا وبعد انتهاء فترة الدراسه قرروا يرجعون لاهلهم فقال الكويتي للسعودي : قبل ...