منتديات مدينة الاحلام

فيس بوك مدينة الاحلام twitter RSS 

 
 

 

 

معجبو مدينة الاحلام علي الفيس بوك

  #1  
قديم 20 - 08 - 2007, 21:09
بسكوت ابو ولد غير متصل
..:: من سكان المدينة ::..
 



بسكوت ابو ولد is on a distinguished road
Talking صرخاااااااات صامته. *الجزء الاول*(( بقلمي ))










السلام عليكم
هذة القصه انا الفتها وهي اول قصه لي..
اول شىء اقروها ..
بعدين ابي رايكم وبصراحه.. وبدون مجاملات.. اذا هي مو زينه قولو لي ماعندك سالفه
وماراح ازعل..
اذا فيها اخطاء املائيه اعذروني <<<< ماتعرف تكتب

واتمنى تعجبكم...


شخصيات القصه::

أنا( العنود وادعى دائما بي اسم عندلين ) البنت ألصغيره في العائله وسراروي لكم قصتي
اختي ( نجود ) اكبر مني ودائما نتهاوش أنا وهي لكن هي اقرب وحدة لي ونفهم بعض.
اختي ( هاجر) متزوجه جديد ورمنسيه لدرجه خيال . هاديه كانها مو موجودة في البيت
اخواني المهابيل الثلاثه ( محمد و ابراهيم و فيصل<< فيصل اصغر مني بس اعقل مني بكثيرابو الفزعات)
اخوي (ماجد) اخوي الكبير مغترب يعني يشتغل بمنطقه ثانيه
اختي (عفاف) متزوجه ولها ثلاث اولاد بنتين وولد ( تيجان × ملاذ × رائد ) الله يحفظهم.
زوج اختي (عبدالله) يشتغل في امارت حائل وعلى قد حاله انا ما اطيقه ولا هو يطيقني .. الكره من الله .

(امل ) زميلتي من ايام الدراسه ومره اكرها لانها عدوتي من الطفوله
والد امل ( ابو يوسف ) رجل طيب بس مشاغله كثيره
اخو امل ( يوسف) اكبر من امل ..وخرج من البيت زعلان بسبب المشاكل مع زوجة ابوه
زوجة والد امل (سعاد) انسانه قاسيه وما تحب امل واخونه
خطيب امل ولد عمتها (زياد) يدرس في رابع جامعه في الرياض يعني بعيد
عمة امل ( ام زياد ) تسكن مجاوره من بيت امل وهي انسانه طيبه جدا..
(العجوز) و(نوال ) شخصيات التقيتهم في المشغل ونرى في المستقبل من يكونن



wvohhhhhhhhj whlji> *hg[.x hgh,g*(( frgld ))

 
 
 
 
 





رد مع اقتباس
قديم 20 - 08 - 2007, 21:10   رقم المشاركة : [2]
..:: من سكان المدينة ::..
 

بسكوت ابو ولد is on a distinguished road
افتراضي

الجزء الاول:

فكرة اروح السوق ..
طبعا بعد هواش في البيت
العنود : ابي اروح الى السوق.
ابراهيم : دوري احد غير يوديك..
العنود : ترك تندم اذا موديتني..
ابراهيم : لا والله وش تبي تسوين يعني..
العنود: بسيطه
بعدها اروح الى اخوي الثاني فيصل..
هيه انا ابي اروح الى السوق وقلت لامي وقالت عادي روح ما عندي مانع
انا ابي منك توديني
فيصل : اقول اطلعي وصكي الباب من وراكي ماني فاضي لك..
العنود : هاااه..شلون يعني<<<مفتشله. .
فيصل : يعني انقلعي كل يوم سوق استحي على وجهك ..
انا اقاطع كلامه : ايه خلاص لا تفلسف علينا اف منك
وبعدها اتحول الى الاخ الثالث محمد
العنود : هيه ابي اجيبها من الاخر تبي توديني الى السوق او لا...!!؟
محمد : اقول خذيها من الاخر بعد. الفلوس الى تبين تضيعينها في السوق اعطينيها لاني محتاج
العنود : يووووووه انا ابيك توديني الى السوق وانت تشحذ مني يا عيشه سبع لعنات
ما معي لك شيء روح تسلف من اخونك المهابيل ما ادري ليه الله بلاني وحطاني عندكم
محمد : اقول
العنود : وش تبي قول
محمد : انقلعي والله اذا مارحتي من قدمي والله بنعله.
العنود: لا لا خلاص اروح
وبعد المحاولات الفاشله في اقناع اخوني اروح الى امي
العنود: يمه كل خواني مايبون يودوني الى السوق
امي : خيرها بغيرها تروحين ان شاء الله بكرى
العنود : لا ابي اروح اليووووم
امي : ااااااه منك خلاص انا اقول لهم
تروح امي الى خوني من شان تقنعهم يودوني الى السوق
وانا اجلس في غرفتي انتظر الخبر السار اسمع هواش تحت الله يستر
حسيت ان امي دمرتهم ورح يوفقون يودوني الى السوق
جلست على السرير مبسوطه وفكر اني اشتري لامي هديه تفرحها
وفكر يا ربي وش اشتري لامي امممم ثوب ..! لا مو ثوب درجها مليان ثياب
طيب ليش مااشتري لها عطر ..! لا لا امي ما يعجبها أي عطر لازم هي تختار
عطرها بنفسها اخاف اشتري لها وما يعجبها ..
و انا افكر وش اشتري لها فجأة فتح الباب بقووة
طبعا محمد يقول : ياملى الوجع وش تبين من السوق.! وليه تفزعين با أمي
يا حبك لشر..
وكان عيونه كلها شرار ..
طبعا انا خفت منه وقلت له انا ماابي اروح الى السوق ابي اروح الى المشغل
زعمي ابي اخفف من عصبيته و زدت الطين بله..
قال لي : وش تقولين والله انك مو صاحيه..
قلت له انا وبخوف : ليه..!!!
هو يقول وناقد علي: الحين المشغل اللي قدام بيتنا مو عاجبتك
العنود : ايه صح والله انك صادق .. تصدق نسيت ان فيه مشغل عندنا.. اقول لك
خلاص مابي اروح الى أي مكان..
محمد : اسمعي امي قالت لي اذا وديت اختك الى السوق راح اعطيك ميتين ريال
وانتِ تدرين اني ادور سلف ..انا اتحرك في السيارة ..
العنود : لا خلاص ماابي اروح الى السوق
محمد : ليه
العنود : من شان ماتعطيك امي ميتين ريال.. ليه تعطيك على راسك ريشه ليه تشرط لك
وانا لا ..انت مو احسن مني بشيء
محمد : اقول اسمعي والله اذا ماجيتي بعد خمس دقائق الى السيارة راح انتف شوشتك
فاااااااهمه ..
وانا بكل فرحه : لا الا شوشتي.. روح انت الى السيارة وانا اتبعك الحين.
طبعا ركبت السيارة قبله..
كان الوقت في العصر كان الجو حلو كثير ..
ركب اخوي السيارة وقال : بسم الله تؤكلت على الله ..هاااه قولي ويين تبيني اوديك.
الى برزان او سماح او وين بضبط..
قلت له : انا ابي اروح الى مشغل
قال لي : بلا سخافه من اليوم حاطه زحمه في البيت في النهايه تقولين مشغل
يلعن ابو بليسك انتِ ما تستحين .. المشغل هذا اللي عند بيتنا مو عاجبك مابينك وبينه الا شبر
انا اقول له : لا مو عاجبني ابي اروح الى مشغل عالمي .. مشغل مرتب نظيف
اذا شافوني يقولون لي اهلا وسهلا ويعطوني اذا دخلت حلاو جالكسي او شىء زين
مو مثل المشغل هذا الخرابه..اذا شافوني كانهم شافو جني ومايقولون لي اهلا..
كان اكبر همي كلمة اهلا وسهلا
محمد : بعذرهم كل يوم انتِ عندهم .. والله انا عاذرهم ما اعرف كيف متحملينك..
العنود: اقول انطم بس ودني الى المشاغل الرقيه اللي في سوق سماح من شان اضرب عصفورين في رضمه (حجر) وحدة.. اتسوق وبعدها اروح الى المشغل..
محمد : ايه خلاص لاتكثرين هرج..
سكتت انا وكمان سكت محمد ..
وفي الطريق وكنا قربين من المشغل ..كنت انا اتلفت يمين ويسار
وفجأة وقلبي توقف من الفزعه
محمد يقول: يااااااااااااااااااااااااابنت ترينك رفعتي ضغطي كانك اول مرة تشوفين حائل
لك اكثر من خمس طعش سنه انتِ به ترينك فضحتي بي ..احسن لك اطلعي من الدريشه..
او اقول وش رايك تجلسين فوق السيارة وتلفتي يمين ويسار..
العنود: بسم الله عليك .. وش عليه فشلتك يا وجه النحس.. من يبي يعرفك اصلا من شان تبي تفتشل.
محمد : أيه ايه يا شاطرة ما احد يعرفني انت بلاك انك ما تعرفيني و انا اخوك مافيه احد في البلد
وما يعرفني ..انا شخص معروف .. انا..
مقاطعه مني : انت حمار يناهق في السيارة وفات المركز التسوق ((سماح سنتر)).
محمد : وعدك في البيت والله اذا مادقيت عظامك ما اكون انا.
طبعا هذا الهوش كانت هوش حقيقيه مو لعب بزران.. والشر بيننا فايح
وقفني اخوي في اخر الشارع كان يعاندني.. لما وصلت السوق ودخلت
وفريت في السوق وفريت الين تعبت واخذ الاشياء التي كنت محتاجه لها
وشريت لامي هديه بسيطه شريت لها عطر كنت ادعو الله انه يعجبها ..
وصعدت الى المشغل.
وكنت افكر كيف اقص شعري ..
ولما دخلت المشغل استقبلتي الحارسه كانت تفتش عن جوالات الكاميراء
انا ماخذة حسابي في البيت وبدلت جوالي لاني ما فكرة اروح الى المشغل الا باخر المطاف..
الحارسة اخذه جوالي .. و انا بدوري قلبي يتفرفر على جوالي ولعن واشتم بقلبي
وعرفت ان ما فيه احلى من المشغل اللي عند بيتنا..عندهم ثقة في الزبائن
دخلت داخل المشغل وشفت بنات كثيرة وحريم وعجز ناس عالم اخذين سرى
طبعا انا عرفت اني ما راح يجي دوري الا بوقت متأخر..
جلست واخذة التكلوج وبدئت اقلب الصفحات يمكن القي قصه حلوة تعجبني..
اقلب الصفحات واقلب و اقلب الين طفشت
رميت المجله من يدي ..
وجلست اشوف و اطالع في الناس ..وقبل ما تدخل اي بنت الى الغرفه كنت
اخذ نظرة شامله عليها يعني ماسح ضوئي..
ولما تطلع اشوف الفرق قبل وبعد..
كنت انصدم تدخل بنت عاديه وتطلع بنت شكل غير..سبحان الله
كنت انا مستغربه مو مستوعبه.. لا نهن يتغيرا ميه وثمانين درجه عن شكلهن الاساسي
وانا جالسه مطيرة عيوني على البنات والمعجزات اللي اشوفها
الا اسمع امرأة عجوز كبيرة بسن تقول لي : كم الساعة يا بنت ..
انا يدي على قلبي و افكر وش مجيب العجوز في المشغل ..!!
و اقول لها : الساعه يا خاله الحين 4:73 دقيقه..
العجوز: يصير خير ان شاء الله..
انا وبكل غباء : وش خيرة حنا مو في المستشفى انت مضيعه المستشفى و انا اقول وش مجيبك هنا.!!
شكلك ياخله خرفتي وضيعتي الطريق
العجوز: اقول يابنت تريني ماني خرفانه انا ادري اني في المشغل والله انه عجيب
تدخل البنت متدهورة وتطلع ملاك..
انا وفي نفسي زين والله في احد ملاحظ النظريه غيري
انا و اقول لها : اقول خاله وش مجيبك هنا لا تقولين تبين تصبغين شعرك
او تحطين حمام بخاري والله تروحين فيها..
يا خاله اذا تبين مساعدة انا في الخدمة ..!!
اذا تبين تصبغين شعرك انصحك بلون الاحمر المخصل في الابيض من شان اذا
شافوك عيالك وزوجك ما يخافون منك راح يظنون اللون الاحمر انه حنى و الابيض شيب ..
اذا تبين تحطين عملية شد انصحك تروحين الى المستشفى..
العجوز تقول لي : الله يغربلك أي صبغه أي شد .. والله انك مخرفه مو انا..
انا جايه هنا من شان بنت بنتي صارت عروس وجبتها هنا من شان نحط لها تعديلات
الله يسعدها ويرزقها . الحين تطلع بنيتي وتشفينها مزيونه
العنود : امين الله يرزقها ويسعدها.. طيب ليش جايه معاها .. والله تعب عليك
العجوز: اكيد تعب وركبي يوجعني من الجلوس على الكرفاجه <<((كنب))
بس اخاف على بنيتي تروح لحاله
وهي بعد تبي تاخذ شوري في قصه شعرها وصبغتها و الاشياء الثانيه...
العنود : اهاااه طيب ليش ماجت امه معاها اقول لك بس لاتزعلين ياخاله اكيد شور
امه احسن مشورتك لانك ماتعرفين وين الله حاطك
العجوز وهي تضحك : لا والله يابنتي ماني بزعلانه عليك لان كلامك صحيح
و انا والله اول مرة ادخل مكان مثل هذا ..اما امه جلست عند عياله الصغر والله اذا
تركتم لحالهم يتضاربون يابعد سبدي هي.
العنود : الله يردها ..
وانا اقول بنفسي اذا جت امه وشافت بنتها وهي متغير كيف يكون ردة فعلها.
وفجأة
وفجأة
شفت انسانه من زمان ما شفتها لي ثلاث سنين ما شفته
هذه البنت كنت اكرهه كثير كان اسمها امل
ماحبيت انها تشوفني مسكت المجله و حطيتها على وجهي بس كانت المجله
ما تخبيني عنها . التفت الى البنت اللي بجنبي كانت تفتش في جريدة ..
انا رميت المجله في حضنها وسحبت منها الجريدة بقوة..
طبعا البنت استغربت من تصرفي السريع وكنت ابتسم لها من الفشله
بس عذري معي ما ابي امل تشوفني
بس حسيت ان الجريدة انكمشه و صارة صغيرة ..!!
انا اذكر الجريدة طويله عريضه الا هذة الجريدة كانها دفتر
لكن للاسف..
سمعت صوت يقول لي : هذه انتِ من زمان ما شفناك والله اشتقنا
انا لما شفتها سبدي و جعتني مو كره فيها بس تذكر ايام زمان.
حسيت ان اليوم كله خطا..
ما اعرف كنت انا سعيدة بشوفتها او متضايقه ..!!؟
لكن جوبتها وقلت : ايه انا وعععع على الدنيا اللي خلتنا نشوف بعض مرة ثانيه..

ما سلمت عليها وهي ما سلمت علي مثل خلق الله
جلست قدامي واخذ تقلب صفحات المجلات ..

انا لما شفتها تذكرة ايام مرحله المتوسطه والابتدائية..


بسكوت ابو ولد غير متصل   رد مع اقتباس
قديم 20 - 08 - 2007, 21:13   رقم المشاركة : [3]
..:: من سكان المدينة ::..
 

بسكوت ابو ولد is on a distinguished road
افتراضي

كنت انا وامل ندرس مع بعض من لما كنت في الصف اول ابتدائي الى
صف ثالث متوسط
من لما كنا في الصف اول ابتدائي كنت انا وهي نتنافس على المرتبه الاولى
في الصف الاول هي اخذة الاول
اتذكر اني بكيت كثير.. و تهاوشت انا وهي وكنت اقول لها انت غشاشه
في الصف الثاني ابتدائي اتذكر اني اجتهد كثير من شان اخذ الاول ولكن للاسف
هي اخذه الاول ..طبعا كنت ابكي كثير وما ارضي الين تاخذني امي الى الملاهي
ويعطيني ابوي كم ريال من شان ارضي
في الصف ثالث ابتدائي انا اخذة الاولى وكنت سعيدة مرة حسيت اني امتلكت العالم كله
وكنت اتدلع عليها وهي جاء الدور تبكي. وانا كمان بكيت لان امي ما خذتني الى الملاهي
في الصف الرابع امل اخذة الاول..
وفي الصف سادس انا اخذة الاول
وفي اول متوسط امل اخذة الاول
وفي ثاني متوسط امل اخذة الاول
وفي فصل ثالث متوسط وكنت منقهرة لانها اخذة الاول سنتين متتاليتين
وكنت احاول اخذ درجات كامله من شان اضمن اخذ الاول في مرحلة ثالث متوسط
وهي كمان تحاول تاخذ درجات كامله
وفي الاختبارت النهائيه في مرحله ثالث متوسط
كنت اذاكر بجهد وفي مادة العلوم كانت المصيبه..!!
جانا سؤال صعب وكنت خايفه اذا ماحليته اضمن ان امل راح تاخذ الاول..
كنت افكر وافكر ابي حل السؤال يطلع لكن ماقدرت احله
جتني فكرة اني اغش من اقرب بنت عندي
التفت الى اليمين شفت بنت كانت صديقه لي تفكر بنفس السؤال ما قدرة تحله
التفت يسار بس كانت بنت كسلانه ما عندها سالفة في الدراسة كلها
وما تدري وين الله حاطه..
قلت ما عندي غير الكتاب ابي افتحه وانقش الحل ..
انتظر الفرضه الين طلعت الكتاب ونقشت الحل
وانتهت المهمه بسلام لا من شاف ولا من دري
لكن الله حق .. وسبحان الله جتني حاله ضحك غريبه.
جلست اضحك واضحك و اضحك..
ودموعي اربعه اربعه
لما اشوف شكل المعلمه كني اشوف وحدة ساذجة مغفلة قدرات انا اغش من وراها
واضحك بقووووووه
ورقت الامتحان صارت كلها دموع.
المعلمة تقول الى كل الطالبات هدوء
و انا كنت عارفه انها تعنيني ..
العنود : ببخخخخخهههههههه ههههههه ضحكت بصوت عالي مرة
كنت انا ابي اوقف الضحك لكن ما قدرت ..
المعلمة وكانت منزعجه كثير وتقول لي : اسكتي انت الحين في قاعت الامتحان
العنود : اضحك ودموع ما توقف
المعلمة : وش فيك انت
العنود : اضحك عليها وعلى شكلها لانها بنظري مغفلة وانا اذكى منها
المعلمة : اذا ماسكتي راح اخذ الورقه منك واحرمك من الاختبار
العنود : اضحك لاني خلصت الاجوبة لو سحبت الورقه ما راح تستفيد شيء
المعلمة : انت قليلة ادب .. وتأخذ الورقه مني ..
العنود : كه كه كه اضحك بقوة
لكن بصراحه كنت ابي اوقف الضحك لكن ما قدرت ابدا..
المعلمة : راح انادي المديرة وراح تشوف شغلها معك.
المعلمة ارساله طالبه تنادي المديرة و انا كنت فاطسه من الضحك
المعلمة شافت الطالبات يشوفني من حالتي الغريبة وما قدرن يكملن حل الاساله
وكان ضحكي مزعج لهن.. طلعتني من الفصل وانا مستمرة في ضحكي ودموعي
يصبن وكنت سعيدة لاني راح اخذ درجه كاملة .. وانا راح اخذ الاول على امل
من كرهي لها كنت راح اعمل أي شيء لو بالحرام بس حابه اشوف دموعها
وحسرتها ودموع الضيقه عليها..
و انا واقفة خارج الفصل واضحك وابخ من الضحك اذا شفت أي شيء لو تافه..
جاءه المديرة وقفت بجني وكانت قصيرة و انا اطول منها وضحكت عليها
المديرة تقول لي : وش فيك .. ليش كل الضحك . انت ما تربيتي
عيب تضحكين بكل قلة ادب..!! قولي لي ايش يضحكك
العنود : احاول اسكت من الضحك لكن دموعي تفضحني وتصب على خدودي
المديرة مستغربه من حالتي وبدت تعصب وجلست تخانق وتشتم فيني
وقالت لي : اسمعي اذا ما قلتي ليش كل هذه الحركات وقلة الأدب راح
نعطيك صفر في مادة العلوم
انا اضحك واقول لها : استاذة انا ما فيني شيء..
هي قالت لي راح اكلم امك واقول لها اذا ما أعترفتي
انا اضحك وقلت لها : قولي لها وش تبي تسوي يعني.
المديرة : اسمعني وبلا ضحك. انا ما ابي انقص درجاتك ولا ابي اخذ حقك
وما ابي اكلم امك و اقول لها بنتك قليلة ادب.. قولي لي وش يضحكك وراح اتفاهم الوضع.
انا عرفت ان الشغله اللي عملتها خطاء وقلت لها : استاذة انا غشيت
وفي هذه اللحظه تحوله دموع الضحك الى دموع الخوف..
كل اللي صار لي بسبب وحدة ما احبها وحدة كنت اغار منها وحدة كنت انا وهي نتنافس على
اتفه الاشياء
اتذكر اني المعلمة العلوم عطتني نصف الدرجه
وعرفت بعدها اني اخذة الثالثه على الفصل مو الثانيه
عرفت بعدها اني امل ضحكت وصبن دموعها كثير من علي
عرفت بعدها ان مهما عملت شيء حرام الله ما يوفقني
عرفت بعدها اني ما راح اشوف امل ابدا وكنت سعيدة

كنت انا سرحانة و افكر في ايام الدرسه وكنت افكر باشياء كثيرة
كنت افكر يوم سحبت الكرسي من تحت امل
وكان قلبي يرقص لما شفتها تقع على الارض وكنت ادعي يارب تنشل
كنت انا نذله او زود كره او لاني اغار منها كثير لانها اشطر مني

سمعت صوت العجوز تقول لي : يا بنت كم الساعه
انا قلت لها : ياخاله ترينك غثيتيني كم الساعه ما تشوفينها قدمك معلقه
وقالت لي العجوز: والله ونفسها بطرف خشمها و انا وش عرفني بساعات
العنود : اهاااا ما تعرفين تقرئين الساعه .. الساعه الحين 5:3 دقائق ولا تساليني كم الساعه مرة
ثانيه ..
العجوز تقول لي : انت وش مجيبك الى المشغل وين امك.
العنود : امي في البيت وش تبين منها
العجوز: يا ويلي انت جايه لحالك
العنود : ايه لحالي وش فيها ماني طفله امسك عباة امي وين مااروح
العجوز: طيب وش مجيبك هنا أنتِ تبين تعرسين
امل : هههههههههه
العنود : وش عليه تضحكين يا جاسوسه
امل : شكل المرة مبتليتك الله بعونك
حسيت ان امل تغيرة حسيت انها صارت مرحه و فكاهية
زمان ما كنت تضحك ولا تنكت ..
رديت على العجوز: خاله انا جيت اقص شعري على الصفر
واصبغ صلعتي بلون اخضر.. علا وعسى حظي ينفتح معي بلون الاخضر
العجوز: كفاني الله شر..
امل : لا تصدقينه ترينها كذابة
العنود : انت وش دخلك..؟.
العجوز : يالله متى تطلع بنيتي . الليل نزل و ابي ارجع الى بويتي الحين
اكيد عيال عيالي متذابحين مع عيال الجيران الله يستر بستره
امل: لا ياخاله ان شاء الله تروحين الى البيت وتلقينهم يلعبون مع بعض.
العنود : خاله وش فيها اذا تذابحو..!! خليهم يفرغون طاقه ويعبرون عن رجولتهم بالهواش ..
امل : انت انت ماتغيرين ابد .. شريرة تحب الهواش.
العنود : مثل الله ما غيرك راح اتغير.
العجوز: انت يا ام شوشه خضراء<< كانت تعنيني
العنود : نعم خالتي امرى وتدللي انا عيوني لك تبين تعرفين كم الساعة ؟؟
كنت ابي اقهر امل واخلي نفس البنت المطيعة المؤدبة ..
العجوز : يا بنتي تقدرين اذا ما عليك امر تروحين وتشوفين بنيتي وش صار فيها
البنت امرحة داخل ..
العنود: انت بس امريني وانا انفذ
كانت من الدخل منقهر ودي اعطيها كم بوكس من شان ما تامرني مرة ثانيه
العجوز : قولي لها هي تبي تطول او لا.؟؟
العنود : حاضر بس الحين انا وش عرفني فيها .. وش اسمها؟؟
العجوز : اسم بنيتي نوال.. دخلت بالغرفة هذه .
انا وقفت وتوجهت الى الغرفة ماحسيت الا امل تمشى معي
قلت لها : خير وش تبين
امل : وش دخلك ابي اروح اشوف شكل نوال.
العنود : لا والله تعرفين تنكتين


بسكوت ابو ولد غير متصل   رد مع اقتباس
قديم 20 - 08 - 2007, 21:17   رقم المشاركة : [4]
..:: من سكان المدينة ::..
 

بسكوت ابو ولد is on a distinguished road
افتراضي

امل : بصراحة ماابي اجلس عند العجوز اخاف تسألني ليش انا جايه هنا.
العنود: ايه صح وش مجيبك هنا؟؟
امل : لا ترفعين ضغطي تعرفيني اني مااحب اكذب من شان كذا تبعتك
لاني ماابي تسألني العجوز..و رحتي انت تسأليني
العنود: خلاص لا تعلميني .. امل واعرفها ما تخبر احد بسر
امل : وش قصدك؟
العنود : ما اقصد شيء بس خليني ادخل و اشوف وش صار بالكمخه نوال
امل : كمخه انت تعرفينها من شان تقولين لها كمخه
دخلت الغرف وشفت اكثر من 10 بنات جالسات و الكوفيرات
يزينن شعرهن..
ما عرفت كيف اعرف نوال من بينهن..
قلت الى امل : شلون نعرف من نوال الحين
امل: سهل روحي اسالي كل وحدة انت اسمك نوال..
العنود: اشرهه مو عليك الشرهه على اللي سالك..
صرخت بصوتي من منكن نوووووووال.
قالت بنت من بينهن: انا
قلت لها : انت اللي جدك براء
قالت لي : أيه.. ايش فيها خير..!!
كانت نوال خايفه ظنت ان جدتها صار فيها شيء
كانت نوال عن جد حلوة بنت مؤدبه .
انا لما شفتها خايفه قلت لها: جدتك تقول اذا ما طلعتي الحين ارح
ادخل عندك و اضربك .وتقول بعد ما عندنا بنات يتأخر ما يرجعن الى البيت
وقلت لها كمان : يا ويلك منها معصبه كثير و بلعت حبوب بندول لانها منغثه كثير منك.
قاطعتني امل وقالت: لا تصدقينه والله تكذب
العنود: انا اكذب
امل : ايه تكذبين متى قالت لك هذا الكلام
العنود : هي ما قالت لي هذا الكلام بس قريتها من عيونها
نول تقول : الله ياخذك خوفتيني . لا ما راح اطول
العنود : مو قصدي اكذب بس كنت ابي اعمل معك مقلب..
طلعت وبسرعه وجلست عن العجوز وقلت لها بنتك مارح تطول
وكنت انا معصبه وكنت اقول في نفسي خسارة لو أمل مو موجودة لعملت مقلب
مع نوال ما ادري من ارسلها لي من شان يخرب على يومي

جتني الكوفيره وقالت لي تفضلي ..
دخلت الغرفة . ولابد اني تهاوشت مع الكوفيرة الين عملت لي التسريحه اللي في بالي
ولما طلعت وفرحانه بشكلي وبقصتي الجديدة
التفت يمين يسار ما لقيت لا العجوز ولا امل
قلت بنفسي خسارة يا ليتهن شافن قصتي وشكلي
جلست عن المراءة اشوف شكلي للمرة الخيرة
ما كنت سعيدة لان كنت مبسوطه مع العجوز وامل وحبيت اني اودعهن قبل مايروحن..!!
امل ايه امل عرفت اني فرحت كثير لاني شفت امل
امل اللي كنت اكرها صارت من الناس الغالين على قلبي
امل اللي كنت اتهرب من شوفتها تمنيت انها تشوفني قبل ماتروح
امل راح اشتاق لك كثير ..
كنت افكر ممكن اشوف امل مرة ثانيه..
اليوم صدفه جميله اني شفتها.. صح كم مرة احرجتني لكن والله حبيتها

رحت اخذه عباتي وتجهز من شان اطلع و اقول في نفسي الله يعيني على اخوي الحين
راح يقول ليش تأخرتي ليش صبغتي شعرك كذا ليش تقصين شعرك كذا
انت ولد من شان تقصرين شعرك كذا..!!

رحت الى الحارسه قلت لها جيبي جوالي..
وسمعت صوت امل!!
امل : ليش مستعجلة على الطلوع
انا وكنت فرحانة في شوفتها : انت هنا الى الحين ما رحتي الى بيتكم؟
امل : لا توي اطلع ايش رايك بشعري
العنود : حلوة كثير ذوقك حلو
امل : امم ماودك تورين شعرك
العنود : اكيد
رويتها شعري وكنت مبسوطة لانه اعجبها ..
جلست اتكلم معها عن حياتها ويش عملت في الدراسة .

قالت لي : انا خلص هذه السنة ثالث ثانوي و اخذة نسبه 94%
لكن ما راح اكمل في الجامعة ..
العنود: نسبه حلوة وكلن ليش ماراح تكملين الجامعه خير ان شاء الله
قالت لي بخجل : بعد اسبوعين راح اتزوج . السنة هذه ما راح ادخل الجامعة
ان شاء الله في السنة الجاية ادخلها
لكن انت ايش مغير شكلك انا بصعوبه عرفتك
العنود : انا هي انا ما تغيرت . بس انا مدعوة في زواج او لا..
طبعا خبرتي في الحياة اصرف أي سؤال يتوجه لي و اضيع السالفة
قالت لي : لا مو مدعوة ليش ادعيك
العنود: افاااا.. بس ما فيه مشكله من قال اصلاً اني راح اجيكم .. ان شاء الله ما تسعدين في ايامك
امل : والله انت نذله ليش تدعين علي كذا كنت انا امزح اكيد انت مدعوه
العنود: ماني جايتكم
امل : وش فيك زعلتي
العنود : انا مو زعلانه بس انت .. انت.. انت وحدة دمك ثقيل
امل سكتت ما قالت شيء
عرفت انا اني لعبت في مشاعرها وحطمتها
قلت لها من شان ارقع الكلامي : اسمعي اموله اذا ما عطيتيني رقم جوالك
ماراح اجيكم في زواجك
امل : تدرين معصي اعطيك رقمي.. انت و اعرفك راح تسبب لي مشاكل
العنود : بكيفك انت حرة براحتك ما ابي رقمك
قاطعتنا الحارسة و اعطتني جوالي لقيت فيه سبع مكالمات لم يرد عليها
طبعا كان الاخ .
قلت لي امل: انا طالعة تامريني بشيء
امل : ايه ابي
العنود : وووووي وش تبين الناس تقول سلامتك و انت ايه ابي
امل : ابي رقمك
العنود : خلاص راح اعطيك لكن اذا مارديت عليك اعرفي اني ماابي اسمع صوتك
امل وهي تضحك : من قال اني ابي اكلمك بس ابي ازعجك رنه واقفل انا ما ابي اسمع صوتك
عطيتها رقم جوالي .. وكلمت اخوي اشوفه وينه
العنود: الو
محمد : وجع
العنود: وينك
محمد : عند برج افرست
العنود : ترك بايخ اقول وينك
محمد : انت البايخة اللي خلتني اجلس ساعات انتظرها.. اسمعي انا تحت بسرعة تعالي
تريني معي كنافة اذا ماجيتي ابي اكلها عنك
العنود : بس دقيقه وانا عندك ويا ويلك اذا اكلتها عني..
قالت لي امل : نسيت ما اقول لك. العجوز لما طلعت قالت لي سلمي لي عليك
العنود : والله
بصراحة فرحت وحبيت اني شفتها قبل ما تروح
العنود: انا طالعه اشوفك على خير
امل : مع السلامة

انا نزلت مسرعه كنت خايفه محمد ياكل الكنافة عني .. وكنت مسرعه مرة ماحسيت الا
بووووو طاااخ الا وانا واقعت على راسي من الدرج في وسط الناس
والناس ضحك .. وانا وجهي صار مثل الطماطه و اقول بنفسي : يارب ما احد يعرفني هنا
يارب اخوي ما شافني و انا اوقع والله راح ياكلني
يارب .. يارب.. يارب

ما رفعت راسي الا واقف فوقي راسي واحد مصري
يقول لي : سلامات ما تشوفي شر
العنود: وش صار << ترقيع
المصري : عوزه مني مساعدة
العنود: بس ابعد عني يا شيخ
جمعت عفشي ورحت مسرعه الى السيارة وكان عقلي بكنافة بس

وصلت السيارة فتحت باب السيارة
جلست في السيارة طاااااااخ صكرت السيارة
محمد : وش فيك كسرتي سيارتي
العنود : الكنافة
محمد : وش تقولين
العنود : وين الكنافتي
محمد : بالله مصدقه اني ابي اشتري لك كنافة
العنود: انت تمزح وين الكنافة
محمد : والله ما شتريت قلت لك كذا من شان تطلعين بسرعة
العنود : يا بطني
محمد : يووووه خلاص اشتري لك كنافة في الليل
انا سكت وما قلت شيء
كنت افكر في امل.
وكنت افكر في الشيء اللي مغير امل
وفي الطريق اخوي يقول لي : وش فيك وين ثرثرتك لا تقولين شعرك بح
العنود: ااااه بس اااه
محمد : احلفي
عرفت انه يسخر مني وسكت الين وصلت الى البيت
.
العنود : اقول اخوي وش رايك تفتح لي الباب
محمد : ليه
العنود: قصيت شعري قصه جديدة عجيبة غربية و احس اني اميرة
دلعني وافتح الباب
محمد : اقول
العنود: هاااه
محمد : اذا نزاتي من السيارة صكي الدريشة .. وخوذي قشك كله
العنود : ماني بس ابي اخذ قشي وماني مصكرة الدريشه
ونزلت من السيارة مسرعه ودخلت في البيت ورميت عباتي و وقفت فوق الكنب
وصرخت باعلى صوتي : يااااااااااااايمه يايمه وينك تعالي بسرعه
امي : خير وش فيكم؟
نجود : ليه كل الصراخ..!!
محمد : اختي انهبلت ..
فيصل : وش صار؟؟
ابراهيم : وش فيك وش صار لا تقولون احترق العشاء ..!! .
امي : يا ويلي على حالي ويافضيحتي عند الجيران..
محمد : ايه شفتي فضحتنا ..
ابراهيم : الشرهه على امي اللي وافقت عليك انك تروحين الى المشغل..!!
فيصل : ول وش هذة الحركات..
نجود : يمه وين عباتي عندنا رجال غريب في البيت وحنا ماندري ابي استر على روحي
العنود : والله كلكم تغارون مني . وش فيه شعري .
امي : ياعندلين يابنتي ليش قصيتي شعرك قصير قد كذا..!! البنت جمالها في شعرها
محمد: انا اسمي محمد الشمري تشرفت في معرفتك يا..
مقاطعه مني : كل تراب اذا شعري مو عاجبك تره عجبني انا
محمد : ليش ماقصيتي على الصفر احسن..؟؟
العنود : يمه شريت لك هديه .
امي : يابعد قلبي هاه وش شريتي
طلعت علبه العطر وعطيتها.. وفي قلبي ادعو يارب.. يارب يعجبها.
امي : عطر هذا
نجود : يمه والله العطر يجنن اعطيني اياه
العنود: يمه انا شريته لك لاتعطينه
فيصل : ابي اشم ريحته..
اخذ فيصل العطر وقال: يا عندلين هذا العطر بناتي مو للحريم الكبار
نجود : صح كلامه عدل
العنود: انتم وش دخلكم هذا لامي مو لكم
امي : عندلين انت ماتدرين اني محادة وما يجوز اني استعمل العطور
العنود : بلى اعرف بعدين استعمليه مو الحين
امي : الله يعطيك العافيه . بس العطر ابي اعطيه نجودة
العنود: بكيفك هذا العطر لك وانت حرة فيه.
كنت انا مقهورة في الدخل.. وتمنيت انا العطر يتحول الى فليت من شان تموت نجود
صعدت الى غرفتي وجلست مدة طويله عند المراة اشوف شعري
كنت تعبانه ودي انام لكن شعري غامضني وماابي اخربه..
جلست افكر في الكنافه وقول في نفسي : ياربي محمد يبي يجيب كنافه لي او يكذب علي
لما جت الساعه 9 مساء نزلت تحت وجلست عند التلفزيون وتجول من قناة الى قناة
قالت لي امي : اركدي على قناة وحدة ترينك وجعتي راسي.
العنود : كل القنوات مثل بعض


بسكوت ابو ولد غير متصل   رد مع اقتباس
قديم 20 - 08 - 2007, 21:20   رقم المشاركة : [5]
..:: من سكان المدينة ::..
 

بسكوت ابو ولد is on a distinguished road
افتراضي

امي : حطي قناة المجد
العنود : ماني ابي انا قناة ام بي سي 3 على توم جيري.
امي : اتركي الهبل وحطي قناة المجد او أي شيء زين
العنود : اذا شحنتو لي الدي سي ال راح اترك التلفزيون لكم.
امي : يا بنتي انا قلت الى ابراهيم يشحنه بس هو مو راضي.
العنود: خلاص ابي اتجول الين القي برامج يعجبني ويعجبك
امي : ما يخلف بس ماهقوتي نلقى برامج يعجبنا مع بعض
انا ضحكت وبعدها سكت ..مرة بعض من الدقائق وانا وامي ساكتات
وفجأة دخل محمد ومعه كيس. وريح الكنافه يم .. يم ياعيني عليها
رميت الريموت عند امي ورحت جلست عند محمد افتش الكيس
محمد : جبت الكنافه لاني رحمتك وتوبه اكذب عليك .. بس هاااه اذا امرتك ماتقولين ماني
العنود : اقول بس اعطني كنافه ..ابي اكل
امي : عندلين روحي صوتي الى اخونك واختك من شان يكلون معكم
العنود: خلي محمد يناديهم
محمد : يا سلام ليه ماتروحين انت تناديهم
العنود : ماني رايحه ابي اكل بس
امي : انا اروح اناديهم .. وافتك من هواشكم
محمد : لا يمه اجلسي عندلين تروح .. واذا مارحت مااعطيها كنافه
العنود: اف خلاص انا اناديهم
وقفت ورحت الى الدرج وصرخت فيصل ابراهيم نجود الكنافه جاهزة
انا طبخته لكم اذا ماجيتو راح ناكلها انا والدب محمد وامي عنكم
ولما انتهيت من الصراخ اسمع صدى صوتي في البيت كله
وجلست بهدوء عند كيس الكنافه واخذت اكل وكان ماصار شيء
امي : الجيران سمعو صوتك
محمد : وش رايك تنادين الجيران من هنا.
انا سكت وما رديت عليهم لاني كنت اكل ومو مهتمه فيهم.
تجمعو خواني واخواتي واكلنا الكنافه وتعشينا
وبعدها راح محمد وفيصل الى الاستراحه مع اصحابهم
وابراهيم راح الى سيارته لانها خربانه وحاول يصلحه
امي راحت تنام ..
ونجود راحت تكلم صديقتها
انا صرت لوحدي وكان الجو ملل وطفش.. ادخل المطبخ وبعدها اطلع في السور
وبعدها اصعد الى غرفتي وبعدها انزل الى التلفزيون وبعدها ارجع الى غرفتي
كانت الساعه عند رجوعي الى غرفتي تقريباً 2:46دقيقه
وجلست على السرير وانا جالسه طفشانه حسيت الدنيا ضيقه
وكنت العب في شعري وافكر في امل لانه متغيرة كثير
وانا افكر في امل تذكرة اختي عفاف اليوم ماكلمتني.

جلست افكر اختي الكبيره (عفاف) اليوم ما كلمه الله يعينه ما اطيق زوجه اكيد مؤذيه
المهم اخذت الجوال وعلى طول ادق
عفاف :الو خير ان شاء الله وش فيكم
العنود : بسم الله ويش فينا ما فينا الا الخيرر
عفاف : ليش داقه علي بنصف الليل
العنود : تونا بدري ليش كم الساعه اللحين
عفاف : يوه انك بايخه الساعه 2 وشوي وتاصل 3
العنود: من جد.انا بس حبيت اتطمن
واسمع صوت زوجه وهو يقول: اخت غثه
والصغار( اولاد اختي ) يضحكون ويقولون : خالتنا غثه
انا كان ودي اني عندهم كان سويت جريمه ياناس ما اطيق هذا المخلوق

عفاف : ما عليك منهم انا بخير انت نامي بس وارتاحي
انا اقفل الجوال على طول



عفاف: لزوجه(عبدالله) وشفيك على اختي
عبدالله: ما فيني شيء متشوفينها شايفه نفسها وغثيثه
عفاف : تراها صغيره لا تحط راسك براسه ترى ازعل كلش الا عنودة
عبدالله: سبحان الله خوات ولا كانكن خوات
عفاف : شلون يعني
عبدالله: والا شيء




وانا جالسه افكر كيف انتقم من زوج اختي ودي اذبح

دق جوالي!!
غريبه مين يدق علي هذا الوقت!!
الرقم غريب؟؟!!!

ارد او لا
يوه خليني ارد

العنود: الو
.......:الو مرحباا حبيبتي
العنود: مراحب هلاااا والله
.......:انا اسفه دقيت عليك بهذا الوقت
العنود: لا عادي اصلا ما توقعت تدقين علي ابد
......:بصراحه انا بحاجتك كثير!!
العنود: لا حبيبتي امل وش فيك؟
امل: بصراحه امممممم
العنود: وش فيك؟
وانا اقول بنفسي وش فيها امل متغيره وش اللي مغيرها
العنود: يالله اموووول قولي لي كل شيء انا نفسي اعرف عنك كل شيء
امل: ههههههههههه يوه وش فيك يا لشفاية اصبري علي انا راح اقول لك كل شيء
بس انت اول وش اخبارك والله زمان
العنود : اخباري هي هي مثل ماتركتيني ما تغير شيء
انت سولفي يالله..

امل : طيب انا بصراحه متضايقه
العنود: ليش خير ان شاء الله
امل : عندلين اسمعيني انا بعدين اكلمك..!! الحين يالله بااي

العنود : امل امل
يوه وش فيها قفلت الخط
احس ان فيها شيء ياربي لازم اعرف
يالله اصبر لين تكلمني اكيد عندها ظروف..
الحين خليني اخزن رقمهاا


في بيت امل
....... : مين تكلمين بانصاف الليالي
امل : اكلم صديقتي
.... : وانت من متى عندك صديقات يالمنبوذه
امل : والله كنت اكلم صديقتي
والد امل : وش فيكم؟
...... :تعال شف بنتك وش تعمل والله عيب من متى البنات يكلمن بانصاف الليالي
والد امل : اتستحي عيب عليكي يعني بنتي من تكلم اكيد وحده من صديقاتها او خطيبه
........ : انزين لو يدري خطيبهاا ايش تسوي اااااااااخ

والد امل : يالله عاد روحي نامي احسن من صراخك اللي سمعوه الجيران
......... :أي دلع بنتك بكرى تندم.. تصبحون على خيرر ولا تتاخر

امل وهي جالسه تبكي
والد امل يقول لها : لا تبكي انا مصدقك
وهذي هي ( سعاد) وانت ادرى بزوجة ابوك لازم تتحملينها من شاني
امل : وهي جالسه تبكي يبه ابي امي
والد امل : اتقي الله امك ماتت وما راح ترجع خلي ايمانك بالله قوي
امل : والنعم بالله
والد امل : يالله نامي لاتدخل علينا سعاد وتقلب الغرفه عاد مين يفكنا منه
امل :هههههه يالله يبه تصبح على خير
الوالد: وانت من اهله وهو خارج من الغرفه
امل تضم المخده ووتغطي وجهها وتنام وهي تبكي



حل الليل وسكونه وغطى الكون بافراحه واحزانه


يالله قوموووو الصلاة
والمعركه العالميه المليون من شان تقويم النايمين على صلاة الفجر

لكن هذا اليوم ما اسمع أي هواش ولا صوت خناقه
طلعت من غرفتي و اذا با الكل صاحي
شيء غريب اخواني كلهم جالسين بهدوء وامي معهم
سألت : وش فيكم انتم صليتم
قالو: ايه صلينا
العنود: يمه وش فيكم
امي: ما فيه شيء روحي صلي ونامي
العنود: طيب
رحت صليت وجلست افكر وش فيهم الناااس
وفجئه تذكرة خواتي واخوي الكبير اكيد فيهم شيء
نزلت مع الدرج ببطىء اتسمع وش يقولون..
اسعهم يقولون ماجد وحادث و كلمة خطيرة . انا ماني مصدقه..
لا لا لااااااااااااااااااااااااااااالا صوت يصرخ بداخلي
لا ماني مصدقه الكلام اللي اسمعه
يا اناس يا يمه يا خواني
اسمعوني فهموني قولو وش صار
اخوي محمد جاوبني ..ابراهيم فيصل .. انتم تسمعوني
اكتشفت اني اعيش بلحظة صدمه ما احد يسمعني كل صرخاتي كانت بداخلي
جلست ابي ابكي لكن لا دموع لا بكى
جلست افكر و افكر مو مصدقه
لا مو صحيح رجعت الى غرفتي وجلست افكر
اغلقت الابواب وجلست وحيده حزينه..

نجود : عنايد عنايد قومي حنا الظهر.. يالله امي تبيك بسرعه

العنود: طيب اصلي وانزل
ما كان لي نفس انزل احس الدنيا ضيقه
نزلت وكان الكل موجود اخواني واخواتي وامي
ناظرت لهم وقلت: وين.........
قاطعتني امي : يوه وش فيك ما امداك تقومين من النوم رحتي تسألين عن الغداء الكل ضحك
وانا ساكته
الكل مستغرب لاني ماعصبت عليهم وماقلت لهم شيء
العنود: يمه وش صار لاخوي ماجد قولو لي لا تكذبون علي..

كان ماجد من احب و اغلى اخوني عندي انا احترمه كثير وهو يحبني كثير
لما يسافر ويرجع يجيب لي كرتون عصير ربيع وكرتون كت كات وكنت افرح فيه كثير

الكل يضحك ههههههههههههههههههههههه
انا مستغربه وقلت لهم : سمعت كلامكم الفجر وادري انه صار له حادث وان اصابته خطيره
محمد: هههههههههههههههههههههههههههههههههههه<< باعلى صوته
يالهبلا لو اخونا بحاله خطره ماكانا جالسين مقابلينك يا الذكيه
ابراهيم : صدق البنت مهبوله ومو مع الناس
الكل: ههههههههههههههههههههههههههههههههههههه
العنود: يعني اخوي ما فيه شيء
الكل وبصوت واحد :لا
العنود: طيب وش السالفة

اختي نجود : انا اقولك انت مو مع الناس ابد .. هذا اخوك سوى حادث والحمد لله ..الله لطف
والناس اللي صدمهم واحد منهم حالته خطيره


بسكوت ابو ولد غير متصل   رد مع اقتباس
قديم 20 - 08 - 2007, 21:23   رقم المشاركة : [6]
..:: من سكان المدينة ::..
 

بسكوت ابو ولد is on a distinguished road
افتراضي

العنود: ايه طيب

نجود : الحمد لله هذا الشخص تحسن و اخوك كان محبوس وطلع .. مااعرف كيف طلع بس الحمد لله

العنود:الحمد لله .. بس قطيعه ما خليتوني اناااام الصبح وانا افكر

فيصل : قالت ماخليتوني انام وانا شفتها بسابع نومه ..!!
كان ناقد علي مايعرف اني حساسه
الكل :هههههههههههههههههههههههه
العنود :والله انت بايخ ..يمه شوفيهم
امي : يالله عاد اتركو اختكم
الكل: طيب
العنود: وين الغداء
الكل :هههههههههههههههههههههههههههه
العنود : يا بيخكم انا جوعانه ابي اتغدى و اروح انام احسن لي



يمر الوقت
وفي مكان اخر

ـ يالله انتم جاهزين
ـ لا كيف نكون جاهزين تونا
ـ يالله الليل قرب
ـ العروس فينه
ـ بالمشغل راح تروح للقصر على طول ....طيب
ـ امي وجدتي فينهم والصغار انتبهو لهم
ـ يالله عجلو.......... طيب



في بينتنا
انا توي قايمه من النوم العصر
انزل واذا المفاجئه
اخوي مجود ( ماجد ) عندنا
مو مصدقه يا هلا فيك تو البيت نور
ماجد : هلا فيك وينك يالنوما كل هذا نوم
العنود: وش اعمل اذا صحيت طفش
ماجد : اعملي أي شيء
العنود: هذا انا اعمل تصدق انا جالسه الالف قصه
ماجد : صدق
محمد: ماجد انت مصدقها اصلاً .. هي بس اكل ونوم
العنود: ايش تبيني اسوي انتم مملين تطفشون وش اعمل اقابلكم
ماجد : هههههههههههه عاد اترك اختك يا محمد
محمد: ايه دافع عنها ودلعه وبكرى تشوف وش تبي تسوي لك.

ابراهيم : تبون تروحون معي الليله او لا
محمد: انا رايح وانت يا ماجد
ماجد : والله مدري اشوف بعد المغرب
العنود: هيه انتم وين رايحين
محمد: وش دخلك
فيصل : لحفل زواج تبين تروحين معنا
محمد: هيه مو على كيفك انا السواق واخذ اللي ابي
العنود: ايه ابي اروح ماجد توسط لي والله ميته طفش وملل ابي اروح اتونس شوي
ماجد :ابشري بس روحي قولي لامي وشوفي نجود تبي تروح معك او لا وانا جاهز اوديكم
محمد: ويش وانت تقول يمكن ما اروح غيرت رايك علشانها
العنود: امي وافقت وانا رايحه اتجهز ونجود تبي تروح معي ..

محمد : ماجد هذي حفله زواج واخواتك ما يعرفن اصحابها
ماجد :عادي خلهن يتونس
ابراهيم : يالله عاد تجهزو بعد المغرب نبي نمشي
محمد: والله يمكن تصير اخو العريس وحنا ماندري وش هالعجله
الكل :هههههههههههههههههههههههههههههه


في الحفله
طبعا يفتشون على الجوالات الكاميراى انا اخذت حسابي من البيت وبدلت جوالي بجوال امي
اما نجود جايبه جوال كاميرى
انا من زود الذكى قلت لها : ياخبله ليه جبتي جوال كاميراء ياغبيه .. ليه ماتصيرين مثلي ذكيه
نجود : اقول
العنود : قولي وش تبين
نجود : يازينك وانتِ ساكته
العنود : كولي تراب
نجود : انا الغبيه اللي جيت معك
الحارسه : المكان محترم .. روحن داخل ولا تتهاوشن عندي
العنود: ان شاء الله
نجود : وش السالفه << تسوي نفسها براه
العنود: مافيه سالفه .. بس تصدقين توه بغينا نتهاوش
نجود : اقول بس بسرعه ندخل وناخذ مكان زين
العنود: يالله
دخلت انا واختي ومالقينا ماكن زين ومناسب..
وقفت اتلفت يمين و يسار يمكن اشوف احد اعرفه..
لحظه ... انا مو مصدقه هذي حفلة البنت اللي شفتها زمان بالمشغل
وش اسمهاا....اممم جلست اتذكر اسمها
وسمعت صوت يقول لي : ياهلا فيك يابنيتي.!!
انا اناظر هذي العجوز اللي شفتها زمان في المشغل
العنود: هلا خاله وش اخباركم؟؟
العجوز: ياهلا فيك والله كنت اتمنى اعزمك بس ما لقيت لك طريق
العنود: القلوب عند بعض هذا انا جيت بدون موعد
العجوز : ياهلا فيك تفضلي. تعالي اجلسي هنا.
انا فرحانه لانها اعطتني مكان زين وجالست واحس وين راسي لاني اعرف جدت العروس

نجود : اهب وش عرفك فيها؟؟
العنود: لا انا ما اعرفها بس هي تشتغل عندي في الشركه
نجود : وش شركته
العنود: امي ماقالت لك ..
نجود : والله من عيونك كذابه .. بس انقلعي عن وجهي
انا : انت انقلعي ودوري لك مكان لاتجلسين عندي ..
نجود : مالت عليك اصلا انا مابي اكون عندك لاني ماراح اخذ راحتي عندك
العنود: طسي بس
راحت نجود تدور عن مكان ..



وفي مكان اخر..

عبدالله : عفاااااااااااااااااف
عفاف : نعم
عبدالله : من تكلمين؟؟
عفاف : اكلم امي لحظه عبدالله الحين اجيك
امي : وش فيك؟
عفاف : لاما فيني شيء بس عبدالله يبي العشاء
امي : على طاري العشاء العيال واخواتك نجود وعندلين رحو الى حفل زواج
عفاف : والله .. بس من حفله وش عرفكم فيهم.؟
امي : اخوك ابراهيم يعرف اخو العريس واصحاب من الطفوله.
عفاف : يمه طيب البنات ليش يروحن.؟
امي : خليهن يتونسن .
عبدالله : انت ما خلصتي من الكلام تريني ميت جوع.
عفاف : زين انا جايتك
عفاف : يالله يمه مع السلامة.
امي : مع السلامة
عبدالله : وش قصتك مع امك ؟.
عفاف : امي لوحدها جالسه في البيت وحبيت اونسها
عبدالله : واخواتك وينهن مايونسنها..!!؟؟
عفاف تقول له القصه..
عبدالله : يعني هن رايحات الى زواج ناس ما يعرفنهم.. تدرين اكيد الغثه عنايد هي اللي
قالت ((جالس يقلد صوتي )) : نبي نروح انا طفشانه .. واخوانك عاطينها وجه.
عفاف : ترك تعديت حدودك..ترني سكت عليك كثير.. انت ماتلقي الا اختي تمسخر عليها
عبدالله : من زين الاخت ..
عفاف تقاطعة : ترها اختي مهما كان وما ارضي عليها.
عبدالله يحاول يتكلم وهي تقاطعه..
عفاف : دور لك من يعشيك ويسنعك .
تروح عفاف الى غرفتها وهي زعلانه
وعبدالله طلع من البيت معصب.



وفي الحفله

كنت انا مبسوطه ومسرورة
وتذكرة اختي نجود وقلت بنفسي : ياربي وينها الحين ما معها جوال ولا شيء كيف القاها الحين
ورحت ادور اختي من شان نطلع بدري ونرجع الى البيت حتى مانتاخر على امي.
ادور .. وادور ..
لقيت اختي نجود حاطه علاقات كثير و المكان الموجودة فيه فله.
ناديت : نجود.. نجود
نجود : نعم
العنود: تعالي
نجود : انت تعالي هنا
العنود: تعالي ابيك بكلمت راس
نجود : طيب انا جايه
انا : ابي اروح الى البيت
نجود : وش اسوي فيك .. الجوال معك كلمي اخواني
العنود: انت كلميهم
وعطيتها الجوال من شان تكلمهم ..

نجود : الو.. ماجد
ماجد : هلا
نجود : متى نرجع الى البيت الحين او لا
العنود: لا تشورينه متى نطلع ..والله ماعندك سالفه
ماجد : يا لله اطلعن انا براء انتظركن.
نجود : يا لله
العنود: ابي اروح اودع جدت نوال واجيك
نجود : بسرعه
ودعت جدت نوال . على الامل اني اشوفها مرة ثانيه.

طلعت انا واختي من القصر الافراح ننتظر ماجد..
جاء ماجد واخذنا الى البيت. نزلنا عند باب البيت وبعدها راح يزور صديقه
دخلت البيت لقيت امي جالسه عند التلفزون تشوف مسلسل ( بيوت نادمه )
امي لما شافتنا : خير ليش رجعتو بدري
نجود : والله في الحفله طفش وممل تصدقين يمه اختي عنادي تعرف العروس
امي : صدق والله وش عرفها فيها ؟؟
العنود: انا اقول لكم .. اصلا نول تقرب لي من ابوي
امي : شلون تقرب لك وحنا ماتقرب لنا
نجود : يمه بنتك صارت كذوب مرة لازم نوديها الى شيخ من شان يقراء عليها
العنود: المهم مالكم دخل شلون اعرفها .. انا ابي اطلع الى غرفتي وكلم صديقتي
تركت نجود عند امي يحشن بي
وانا صعدة الى غرفتي وبدلت ملابسي وجلست افكر اكلم امل او لا..
يمكن تكون مشغوله .. اخاف ازعجها.
يالله اتوكل على الله واكلمها..
مسكت الجوال ودقيت عليها..
امل : الو
العنود: الو هلا امل
امل : هلا فيك..


بسكوت ابو ولد غير متصل   رد مع اقتباس
قديم 20 - 08 - 2007, 21:24   رقم المشاركة : [7]
..:: من سكان المدينة ::..
 

بسكوت ابو ولد is on a distinguished road
افتراضي

العنود: وش اخبارك ؟
امل : انا بخير
انا : وش فيك شكلك خايفه..!!
امل : لا ما فيني شيء.. المهم انت وش اخبارك..
العنود: انا بخير . انت ليش خايفه
امل : انا مو خايفه.. انت ليش تسألين كذا..!
حسيت ان امل تخفي عني سر وماراح تفتح لي قلبها .. ومو مرتاحه لي
حسيت انها تضايقه من اتصالي عليها..
حسيت ان امل هي امل وكانت نظرتي لها في المشغل خاطيه
حسيت ان امل تحاول انها تخفي عن الناس اسرارها
عرفت بعدها ان الانسان بصعوبه يتغير
عرفت ان امل وانا من لما كنا صغار نكره بعض والى الابد راح نكره بعض.
عرفت ان الدنيا غريبه ..
قلت لازم ادخل في قلبها من شان تخبرني ايش فيها.. لازم اتكلم عن حياتي من شان تطمن لي..
وقلت لها : امل
امل : نعم
العنود: الحياة علمتني اني مااثق في احد ..
امل : ليش ما تثقين ؟
العنود: لان امي وابوي واخواني واخواتي كل اللي احبهم يثقون فيني وانا مو قد ثقتهم
امل : كيف يعني .
العنود: اسمعي امل انت تخافين من شيء .. وماتحبين انك تتكلمين معي بصراحه
امل : ليش تبيني اتكلم معك من انت اصلا من شان اخبرك بكل شيء
انا تضايقت من كلامه وقلت الى امل : امل انا مشغوله .. انا ابي اقفل .. تامريني على شيء
امل : سلامتك

اقفلت الخط ..
وقلت في نفسي : ووووي عليها سخيفه ودمها ثقيل والله مااقدر اتحمل بياختها..
اخذة الجوال وراحت الى الاسماء حطيت على اسم امل خيارات مسح
ايه مسحت اسم امل لانها مهما كانت راح تبقي عدوتي

وكانت نجود تقول الى امي
نجود : يمه
امي : خير
نجود : والله انا طفشانه من جلسه في البيت
امي : اصبري كم يوم وتتزوجن وتنبسطين مو زوجك
نجود : يمه انا ماامزح انتم قلتو لي انكم تبون تدورون لي واسطه من شان اشتغل
امي : يابنتي انت شهادتك دبلوم وصعب نلقي لك شغله انا اقول لك كملي دراستك احسن
نجود : مايخالف اكمل دراستي في الجامعه احسن من الجلوس هنا..

وينتهي اليوم على خير والكل نامو مبسوطين وينتظرون يوم جديد
ماعد نوال نامت نوم كله حزن وخوف من المستقبل ..!!!

نوال تزوجت من ولد عمها كان فارق السن كبير بينهم
هي كانت في سن 19 سنه وهو كان في عمر 38 سنه ..
كانت سعيدة لانها راح تشكل عائله سعيدة..!!
لكن السعادة ماتكتمل ..
ولد عمها انسان قاسي جدا يحب الفلوس كثير .. انسان طماع وماعنده هدف في الحياة
انسان كذاب .. منافق . يحب يفتن كثير وينقل كلام..
من اول ليله من زواج نوال عرفته انه انسان سلبي جداا
نامت نوال تلك الليله وهي حزينه جدا ونادمه على الزواج..

وفي يوم جديد كان الجو جميل وفيه غيوم..
بعد الظهور جلست اكلم بنت خالتي منال
العنود : الووووو
منال : هلا عندلين
العنود: وينكم وش فيكم منقرضين ماتكلمون ؟
منال وهي تضحك : والله ماادري انا اظن ان امي تكلمكم وامي تظن اني انا اكلمكم.. ونخربط
العنود: طيب قولي لي وش اخر الاخبار في النت
منال : ماني قايله لك شيء
العنود: ليه ماانتي قايله..؟؟
منال : من شان تشحنون بسرعه وترجعين الى النت
العنود: لا انا تايبه ماراح ادخل النت
منال وهي مو مصدقه : تايبه ؟؟
العنود: المهم ..
تقطعني منال : لامهم ولايحزنون ..انت ماتكفين عن الكذب والسخريه من الناس
العنود: اقول
منال : قولي
طوط طوط اقفلت التلفون في وجها.

ونزلت تحت من شان اشوف امي وش تسوي تحت
لقيت امي جالسه مع ماجد تسأله عن اخبار شغله

العنود: السلام عليكم
امي و ماجد : وعليكم السلام
العنود: وش عندكم جالسين هنا
امي : مافيه شيء جديد
ماجد : المهم يمه انا اليوم ابي اطلع الى المزارع
انا وكنت طايرة من الفرحه : ابي اروح معك
امي : لا لا تروحين
العنود: يمه الله يخليك والله مشتاقه الى القريه الى المزارع من زمان ماشفتها
ماجد : انا ابي اروح الحين وابي ارجع بعد صلاة العشاء يعني ماراح انام هناك
العنود: يمه يمه الله يخليك ابي اروح
امي : خلاص بكيفك بس مااوصيك مو اول ماتجين هناك تصعدين الجبال.
العنود: لا ماراح اصعد
ماجد : يالله بسرعه تجهزي ابي امشي الحين
العنود: اصبر شوي ابي اقول لنجود يمكن تروح معنا
صعدت الى غرفت نجود وابشرها اننا نبي نروح الى القريه
نجود : ماابي اروح معكم
العنود : ليه والله هناك وناسه تعالي معي ياعمري
نجود : ومن يصير عند امي ..
العنود: فيصل وابراهيم ومحمد واكيد راح تجي اليوم هاجر
نجود : بصراحه والله مااحب مشوار الطريق والله طويل
العنود : لا مو طويل كله ميه وعشرين كيلو يعني ساعه ونصف.. والله وناسه تعالي معنا
نجود : ماني رايحه يعني ماني رايحه وبالظهر بعد تبين الشمس تحرقني..
العنود: بكيفك بس اذا جيت لاتقولين وش شفتي هناك وش صار هناك
نجود : ماني ميته عليك
العنود: يالله انا رايحه واذا كلمني احد على تيلفون البيت قولي لهم اني مسافره
نجود : امحق يعني روحتك الى الديرة تعني سفر
العنود: انثبري هنا بس انا رايحه
نزلت مسرعه ولقيت محمد جالس عند امي وماجد..
قلت له : محمد نبي نروح الى الديرة
محمد : ادري انا ابي اروح معكم بعد
انا قلت له ومعصبه : لاتروح
امي : ليه مايروح
العنود: انا ابي اجلس قدام اذا راح معنا راح اجلس وراء.
محمد : اقول انت انثبري في البيت
ماجد : يالله يالله اركبو السيارة .
امي : عندلين مااوصيك لا تصعدين الجبال ولاتلعبين في الماء انتبهي على حالك
العنود : تطمني انا كبيرة اعرف مصلحت نفسي..
تجهزة وركبت السيارة وانطلقن الى الديرة ..
كانت امي خايفه علي لاني اول مرة اروح الى الديرة
من دونها ..وكنت انا سعيدة مرة واحس اني اسعد انسانه
الديرة عندي احسن من كل شيء.. هناك لها ذكريات خاصه
زمان لما كان ابوي حي الله يرحمه ياخذنا كل خميس وجمعه ..
هناك مثل الاستراح نتجمع فيها كل العائله والعوائل اللي تقرب لنا..
انا ماطلعت الى الديرة من سته اشهر من مرضت ابوي .. ولا اعرف ايش صار فيها..
واليوم انا رايحه لها .. كان الجو حر وانا كنت جالسه افكر في الديرة
وماجد و محمد كانو يتكلمو عن النخل والمزروعات..
محمد يقول الي ماجد : والله لو تشوف المزعه راح تنصدم
ماجد : اف ليه ؟
محمد : هناك في الديرة جف الماء كله مافيه ولا نقطه ماء..
ماجد : طيب من وين تسقون النخل
محمد : نشتري ماء ونسقيها
ماجد : ان لله وان اليه راجعون.
محمد : كل الناس هناك تركو الديرة وسافر الى الرياض او اي مكان فيه ماء..
ماجد : يصير خير ان شاء الله
العنود : تدرون وش ابي اقول لكم
محمد : كذبه جديدة
ماجد : قولي وحنا نسمع
العنود: ابي اقول لكم خاطرة بس لاتضحكون علي
محمد : خاطرة !!؟
ماجد : قولي بس اذا صارت طويله الله يخليك اسكتي احسن
محمد وهو يضحك : طيب شوفي الطلح والرمث الى على الطريق وابدع في خاطرتك
العنود: اسمعو مني وعرفو انها من تاليفي بسم الله..
احم .. احم
اخذني العمر وسرت في طريقة .. وتوقفت للحظة ونظرت الى الخلف حيث طريق الماضي.
مقاطعه من محمد : وش طريقه ؟؟
العنود: ياملى الوجع لاتقاطعني ..
محمد : خلاص كملي يام الطرقان بس لايكون في الطريق زحمه وسيارة واجدة..
ماجد : اقول كملي بس ماعليك منه..
العنود: وين وصلت ؟؟ ايه تذكرة

اخذني العمر وسرت في طريقة .. وتوقفت للحظة ونظرت الى الخلف حيث طريق الماضي
ونظرت هناك .. حيث امتداد الطريق قد اختفى ...؟؟
اطلقت خيالي الى ان غاص في العنان ...
... هناك رئيت خلف الجبال قريتي حيث منزلي القديم ...
... هناك قد امتلي بصيحات الصغار قد تحولت الى مواء قطط ...
... هناك حيث صوت ابي الغاضب تحولت الى زفير الرياح ...
... هناك حيث نصائح امي تحولت الى اعشاش عصافير ...
.. هناك حيث الاحلام تسبح في الرمال !!!
... هناك حيث الاحزان تغرق في بحر الرمال !!!
... هناك حيث نامت الضمائر بارتياح ...
... الى هناك احن واشتاق ...
... فقط الى هناك ...


هاه بشرة اعجتكم خاطرتي..!!
بعد ماانتهيت من الخاطرة انتظرة ماجد ومحمد يقولون لي رائهم..
لكن ماقالو لي شىء .. ضلو ساكتين الين وصلنا الى القريه .. تعجبت انا منهم
ليش سكتو .. انا قلت شىء خطاء في الخاطرة
وقلت في نفسي : ياليت اني ماقلت هذة الكلمات اللي ماورها الا وجع راس..
لما وصلت القريه نزلت من السيارة اخذة نفس عميق جداا
كان الجو مرة خيال روعه بمعني الكلمه..
تذكرة ابوي وحزنت .. تذكره يوم كان يجلس هنا ..ويوم يوقف هنا..
ويوم نام هنا.. ويوم تهاوشت معه هنا..
ايام رحلت ولن تعود .. لكن ذكرها سيبقي موجود الى الابد..

فجأة قال ماجد : والله المكان تغير..
محمد : أي والله تغير كثير
ماجد: انا رايح اخذ نظره على المكان
محمد : طيب
ماجد: محمد انتبه لاختك
محمد : لا تخاف انا معها
وهم يتكلمون تركتهم وراحت اخذ نظرة على المكان..
وسمعت صوت محمد يناديني ..
محمد: عندلين وينك؟
العنود: انا هنا..
محمد: عندلين
العنود: هاه وش تبي .. انا هنا ماتسمع
محمد: ونظرت الحزن في عيونه .. لاتبعدين عن المكان خليكي قريبه مني ..
العنود: وش فيك .. اكيد اشتقت لابوي
محمد : ايه اكيد اشتقت له بس..!
العنود: بس ايش؟


بسكوت ابو ولد غير متصل   رد مع اقتباس
قديم 20 - 08 - 2007, 21:27   رقم المشاركة : [8]
..:: من سكان المدينة ::..
 

بسكوت ابو ولد is on a distinguished road
افتراضي

محمد: شفتي الخاطره اللي قلتيها
العنود: ايه وش فيها
محمد : بكت ماجد
العنود: هااه كيف ما لحظة..متى بكى.. و انت بكيت ؟!!.
محمد : ايه وش فيني اكيد ابكي انت لمستي جرح وانت ما حسيتي
وبلحظة انت تقولين الخاطره ماجد جلس يمسح دموعه
العنود: صدق أي جرح .. لكن اسمع يامحمد الدنيا ما تستاهل و.....
محمد: و .. كملي
العنود: ولا شيء
محمد : وش فيك..؟
العنود: روح عن وجهي..
محمد :من جد وش فيك
العنود: ابي ارجع للبيت ..ابي اروح وانادي على ماجد
محمد: وش فيك مستعجله
العنود: ما لك دخل
محمد: انا ما زعلتك..اسمعي... عنايد عنايد وش فيها راحت غريبه

مر بعض من الوقت ..

ماجد : محمد والله المزرعه رايحه عدم
محمد : طيب وشورك
ماجد : لازم نحفر ابار
محمد : خير نشاور امي
ماجد: طيب .. على فكره اختك وينه؟؟
محمد: راحت يمك..ليش ما جتك.!
ماجد: لا ..انت تمزح ما قلت لك لا تتركها
محمد: ايه بس هي طفشت وقلت تبي تروح يمك وتقولك نبي نرجع الى البيت
ماجد: خلك من الاعذار تعال ندورها
محمد : طيب خلينا نروح للاستراحه يمكن تكون هناك
ماجد : طيب
ماجد ومحمد: عندلين عنايد وينك
ماجد: ماهي موجوده داخل
محمد : ولاهي موجوده باي مكان هنا
ماجد : تعال ندورها تحت شجرة السدر عندلين تحب هذا المكان كثير اكيد هي فيه
محمد : ايه صح ..
محمد جالس يفكر وش فيها اول مره تتصرف كذا
ماجد : عنايد انت هنا
العنود: ايه هنا
محمد : انت جالسه تبكين
ماجد : وش فيكم اكيد محمد موذيك
محمد : لا والله ما قلت لها شيء واسألها
ماجد :عندلين فيك شيء؟
العنود: لا ما فيني شيء ابي ارجع للبيت بس
ماجد : بدري .. بس راح نرجع لان المزرعه مافيها شيء يونس
محمد : يالله نرجع

في الطريق صمت رهيب

وصلنا البيت
امي : بدري ليش رجعتو .
ماجد : المزرعه ما فيها شيء يفتح النفس
محمد : جفاف رهيب يايمه
العنود: رايح فوق تبون شيء
نجود : ايه ابي ..سولفي لي
العنود: بعدين..
فيصل : عندلين فيها شيء اليوم مو طبيعيه
ماجد : والله مدري عنها فجاء ....
امي :وش فيها بنتي
محمد : يقول كل السالفه...............
ماجد : ليش كذا !!
محمد : وش عملت
ماجد : انت انت .... والله مدري ايش اقول انا ريح
امي : وين؟
ماجد : أي مكان
محمد : وش فيكم ؟.. ماجد وش فيك انت واختك ؟
ماجد سكت وطلع
نجود: محمد تقول وش السالفه ... جرحت مشاعر الناس وانت ما تدري.
محمد : روحي انتِ الثانيه انا رايح لغرفتي احسن لي .



وفي مكان اخر

عفاف : ابي اروح ازور اهلي
عبدالله : طيب هو اخوك ماجد للحين هنا؟
عفاف : ايه موجود .. ابي اسلم عليه قبل ما يسافر
عبد الله : طيب.جهزي حالك انت والاولاد
عفاف : ترى ابي اتعشى عندهم
عبدالله : خير نشوف


وفي بيتنا

كانت امي ونجود جالسات عند التلفزوين وقالت نجود لامي.
نجود : يمه انا رايحه اشوف عنايد
امي : أي والله شفيه واسأليه وش اللي مضايقه
نجود : طيب

نجود : عنايد ادخل ..
العنود: ادخلي .
نجود : وش فيك ؟
العنود : نجود ابي اقول لك شيء . انتم ما تحسون فيني.
نجود : الا والله نحس فيك وما نستغني عنك
العنود: انا انسانه احس واحب وانا اشتاق كثير لابوي اليوم لاول مره احس اني لحالي بالعالم
نجود : كيف يعني ؟
العنود: المزرعه ذكرتني بابوي كثير..
نجود : ايه
العنود: هناك في كل مكان اسمع صوت ابوي . هناك ..... .. ليت ابوي يرجع
نجود : اسمعي .. لا تحزنين ترى امي تحس فيك وتزعل .. ترضي تغثين امي
العنود: لا
نجود : طيب يالله قومي وانزلي و ونسي امي
واتصلي على ماجد تره منغث مره
العنود: نجود تدرين ان اخواني بكو
نجود: صدق والله
العنود: ايه وهذ حزني كثير
نجود : عادي اذا بكو ايش فيها ..لاتنسين ان ماجد اكثر واحد بكى لما مات ..
طيب يالله قومي ترين اختي عفاف وعيالها يبون يجون
العنود : والله ..غريبه زوجها خلها تجي
نجود : يالله انزلي انا نازله
العنود: طيب



وفي مكان اخر
وبالتحديد بيت امل

امل جالسه عن التلفزيون
زوجة والد امل (سعاد) : قومي جهزي العشاء ترى ابوك جاي
امل : طيب الحين اقوم
سعاد : قومي والله اذا ما قمتي راح تندمين
امل : طيب ماتسمعيني اقول الحين ابي اقوم واجهز العشاء .
و جالسه تفكر في اخوها يوسف.. لان عمتها قالت لها ان يوسف كلم ويسأل عنها

سعاد تمسك شعر امل وتصرخ عليها : ياقليلة الادب تردين علي بطولت لسان .
امل وبغضب : اتركيني
سعاد تعطي امل كف
امل ترد الكف بالمثل

يدخل والد امل وهو يصرخ: وش فيكم
سعاد : شف بنتك ضربتن
والد امل : صحيح يامل ؟
امل : ايه بس هي اللي بدت .
والد امل : ترفعين يدك وتضربين زوجة ابوك
امل : يبه ......
سعاد تقاطع: بنتك ما تربت انا راح اربيها
والد امل : طيب يكفي انا معزوم ابي اروح ياويلكن اذا سمعت صوتكن .. اروح وفتك من وجع الراس
سعاد : انت تامر بس
امل : تبكي وهي مقهوره

بعد خروج والد امل ..
اخذت سعاد تضرب امل بكل قوتها ..


وفي مكان اخر

عفاف : عبدالله هذا ماجد جالس عند الباب
عبدالله : ايه اشوف انا
عفاف : ياترى وش فيه ؟
عبدالله : انزلي وبعدين تدرين ؟
اولاد عفاف يسلمون على ماجد وهم فرحانين لانهم يحبون ماجد كثير
عفاف تسلم على ماجد وتدخل البيت
عبدالله يدخل مع ماجد في المجلس

عفاف : يمه انا جيت..
وتسلم
امي : ياهلا فيك .
عفاف : يمه وش اخباركم . وش عاملين ؟.. ابيك تقولين لي كل شىء صار لكم .
امي: ابد والله اليوم راحو اخوانك للمزرعه ورجعو وهم مغثوثين
عفاف : ليش
امي : والله ما ادري بس المزرعه حالها ما يسر
نجود وعندلين: هلا باختنا ويسلمن عليها
عفاف : وش اخباركم ؟
نجود : والله ملل وطفش انا لازم اعمل شيء.
عفاف : وش تعملين يعني ..وانت عنايد وش اخبارك ؟
العنود : ساكته..
عفاف : وش فيك مو من طبعك
نجود : ما فيها شيء مو صح يا عنايد
العنود : ايه ما فيني شيء بس جوعانه ابي اكل ..
عفاف و امي : ههههههههههههههههههه
نجود : بابتسامه خليك كذا ياعنايد
انا بابتسامه صامته : تطمني انا هي انا يا خبله .
نجود : انا خبله.. يا البايخه
امي : خلاص كفن عن الكلام.


وفي مجلس الرجال

عبدالله : كيف حالك يا ماجد والشغل معك كيفه ؟
ماجد : والله انا تمام والشغل تعب مره بس يالله ننتظر النقل
عبدالله : ليه فيه امل يقربونك ؟
ماجد: قول ان شاء الله ربك كريم ..


بسكوت ابو ولد غير متصل   رد مع اقتباس
قديم 20 - 08 - 2007, 21:29   رقم المشاركة : [9]
..:: من سكان المدينة ::..
 

بسكوت ابو ولد is on a distinguished road
افتراضي

وفي بيت امل
امل مازالت تتوجع من الضرب .
وسعاد لا تهتم بما فعلت
اخوت امل الصغار راحو يلعبون عند عمتهم ( منزل العمه مجاور لبيت امل)
ويقولون لها : عمه امل ماتت
العمه : كيف . وش تقولون ..؟
الاخوه : ضربتها خالتي سعاد وماتت
خافت العمه كثير على امل وماقدرة تصبر.
العمه تقول الى اخوات امل : انا رايحه اشوفها .

راحت العمه مسرعه الى بيت اخوها من شان تطمن على امل
لما شفتها قلبها تقطع على امل المسكينه .
العمه : امل امل سلامتك يا بنتي . قولي لي يوجعك شيء

وحدثت هذة المحاوله بكل عصبيه ونقاش حاد .. وكانت امل تسمع وتتعذب من دخل قلبها.

سعاد: انت وش جايبك ياحبك لشر .. لازم تدخلين راسك في شىء مايخصك .
العمه : وين ابوها عنها لازم يضربك مثل ماضربتيها ياام المشاكل .. لازم الحين نوديها للمستشفى
سعاد: اذبحه هي واخوانه اذا درى ابوها .. وانتِ خليك بعيده عن الموضوع احسن لك.
العمه : طيب وش تبين تعملين تتركين البنت تموت بكل بروده
سعاد: يا ليت تموت وارتاح منها .. بس عند شور وش ريك تاخذينها معك وتريحيني منها ومن واخوانها المجانين
العمه : طيب انا راح اخذها واخذ اخواتها .. والله حرام يعشون معك ..
سعاد : هذا احسن شيء قلتيه والله .. خوذيها وتحملي قرفها .


وفي بيتنا
عبدالله : انا استأذن
ماجد : على وين العشاء جاهز
عبدالله : مشكور مره ثانيه .. انا معزوم
ماجد : خير ان شاء الله عذرك معك بس اختي عشاها عندنا
عبدالله : هههههههههه طيب مثل ما تامر

تجتمع العائله
انا وبكل فرحه : راح الغثه عبدالله
عفاف : وانت للحين ما اخذتي بخاطرك منه
ماجد : وش سالفتك يا عندلين انت وعبدالله .. الى الحين ما تحبينه
العنود : احب ابليس ولا احبه ..
نجود: هيه هذا زوج اختك واختك هذي هي جالسه .
العنود : ويش يعني .. عفاف انت تزعلين اذا سبيته
عفاف : ايه وليش لا .اكيد ازعل ابو عيالي ياحبيبتي .
العنود: ووول عامله تحبه و رمنسيه .. اقول الرمنسيه بعيدة عنك ..
عفاف : ههههههههههههههههههههههههه
العنود: اقول وش رايك نذبحه انا وانت ونخفي اثار الجريمه.؟!
عفاف : بس اقول لك اسكتي .. اذبحك ولا اذبح حبيبي .
العنود: وعععع عليكم . انت وهو وعيالكم بعد. قالت حبيبي خخخخ

تجتمع العائله على العشاء
محمد بلطف يناولني علبة بيبسي .. كان هو يظن انه مزعلني .
انا ماهو معجبن تعامله اللطيف احس اني مريضه ودي اكفخه من شان يتعدل.
ماجد بهدوء وصمت يتعشى كانه يخفي سر .. وبصراحه من لما جاء من السفر احس انه يخفي شيء عنا.
امي وعفاف يسولفن ونجود مشغوله بالصغار
نجود: ماجد متى تتزوج
الكل : ....................صمت
ماجد : من جاب طاري الزواج الحين
نجود : عندلين قالت لي انك راح تتزوج
العنود : يالكذابه انا ما قلت لك شيء
نجود : الا قبل ماجد ما يجي من السفر قلتي لي ان ماجد جاي من شان يخطب
العنود: يوه انتي مصدقه كذبتي للحين
الكل :هههههههههههههههههههههههههه
عفاف : ايه صدق ماجد متى تتزوج
ماجد : بدري على الزواج
امي : أي بدري تدري كم عمرك ؟
ماجد : يمه ماهي على العمر.. وبعدي ابوي توه مات اصبرو شوي
محمد : ايه صدق اصبر شوي من شان نتزوج سواء
العنود: يوه محمد ما صدق على الله
محمد : انت بايخه .
الكل :ههههههههههههههههههههههههههههههه


وفي مكان اخر


نوال : اقول ليش ما نسفر .. كل البنات لما يتزوجن يروحن شهر عسل الا انا
زوجها : تريني ماني متحمل مراهقتك
نوال : حرام عليك انت ليش تزوجتني اذا انت بخيل
زوجها : تزوجتك من شان سمعت العائله
نوال : أي سمعه هذي انت تخرف .
زوجها : تبيني اجلس اتفرج لما يجون الاغراب ويخطبونك .
نوال : وش فيها مو كل الناس سوا
زوجها : لا انا ما ابي بنت عمي تطلع وتتزوج الغريب وانا موجود
نوال : انت متخلف . المساله مو سمعت العائله عنك المساله مااحد رضت تتزوجك برخيص غيري.
زوجها : ليش متخلف هذي جزاتي وانا ابي اصون بنت عمي
نوال : أي بنت عم . بصراحه انا اكره تصرفك السخيف هذا
زوجها : عادي مو كل البنات يقولن كذا
نوال : انت انسان قاسي وما عندك احساس
زوجها : احترميني احسن لك
نوال : انت خليت للاحترام شيء
زوجها :......................سكت
نوال راحت تنام وهي حزينه وتبكي


وفي بيت امل
والد امل: السلام عليكم
سعاد : ياهلا فيك
والد امل : غريبه وش فيك فرحانه تصالحتي انت وامل
سعاد: هههههههههههههههههههههه لا بس امل راحت تنام عند عمتها..والله ماتستحي بنتك
والد امل : من سمح لها ..!!
سعاد : عمتها جت واخذتها .. مو امل زوجة ولدها
والد امل : ما يصير لازم اروح واجيبها
سعاد: لالا خلها الليله وبكرى خير
والد امل : بس...
سعاد تقاطعه : لا عادي خليها عند عمتها .. اصلا خطيب امل زياد ماهو موجود
والد امل : ايه صح بكرى اشوف وش اعمل
سعاد : يالله عاد ارتح الحين..


وفي بيتنا..

انتهينا من العشاء وجلسنا مبسوطين
واختي عفاف جاء زوجها واخذها
امي ونجود راحو ونامو
واخواني بعد..
انا ماجاني النوم جلست افكر احس ان فيه شيء


في اليوم التالي
في بيت عمة امل
العمه : امل انت زينه اليوم
امل : وش صار راسي يوجعني
العمه : لا تخافين.. انا اتصلت على زياد وزياد راح يشوف حل
امل : ابوي وش قال
العمه : والله ما ادري عن ابوك

التلفون يدق.
العمه : الو
......: هلا عمه كيف حالك
العمه : هلا يا وليدي يوسف انا بخير
يوسف : عمه صدق اللي سمعته امل كيف حالها
العمه : بخير .احسن الحين
يوسف : ربع ساعة وانا عندك
العمه : ياهلا فيك .اي والله تعال من شان تاخذ امل للمستشفى
يوسف : مسافة الطريق

العمه: ابشرك يا امل يوسف راح يجي
امل ساكته وهي حاسه بضيقه



في بيت نوال
نوال: انا طفشانه
زوجها : والله انت عله
نوال : ................ساكته
زوجها وهو مو معجب بسكوتها : طيب جهزي حالك العصر راح اوديك لاهلك. وافرحي بعد راح اخليك تنامين عندهم
نوال : صدق والله
زوجها : ايه
نوال فرحانه ومو مصدقه

في بينتا
محمد : عنايد نجود
العنود : ردي نجود اكيد يبي منا نشتغل وانا عجزانه
نجود : وش تقولين
العنود: روحي لاخوك
نجود: طيب اوريك
محمد : وينكم
نجود : نعم هذا انا
محمد : عرض خاص اللي تبي تروح معي للحديقه تتجهز العصر
نجود : ايه ابي اروح بس شكل عندلين ما وده
محمد: ليش
العنود: تكذب انا اول وحده ابي اروح
محمد: هههههههههههه يالله عاد جهزو نفسكم العصر وشوفن امي وخوذن اذنه
ودقن على خواتكن اذا يبن يجن معنا
العنود : أي والله انا رايحه ادق عليهن


وفي بيت عمة امل
يوسف دخل على امل وما اعجبه الحال
يوسف : يالله امل تعالي معي مو معقوله تعيشين كذا
امل : صدق
يوسف :ايه والا الحال اللي انت فيه تعجبك ..!!؟
العمه : شلون يا وليدي ابوك لو يدري كان يذبحك
يوسف : أي اب هذا يشوف هذي الحاله ويسكت
فجأه الباب يدق
العمه تروح وتفتح
العمه : ياهلا فيك يا اخوي
يوسف : ابوي وش يبي الحين
امل : ياويلي
يوسف : لا تخافين
والد امل : يوسف انت هنا ؟
يوسف : ايه شلونك يبه
والد امل : اشوى تدري انه عندك اب
يوسف: انت يبه اللي طردتن
العمه : شلونك ياخوي
والد امل: طيب بس العيال اذوني.. وينه امل ؟


بسكوت ابو ولد غير متصل   رد مع اقتباس
قديم 20 - 08 - 2007, 21:33   رقم المشاركة : [10]
..:: من سكان المدينة ::..
 

بسكوت ابو ولد is on a distinguished road
افتراضي

يوسف: امل راح تروح معي
والد امل : ومن متى انت مسول عن اختك
يوسف : من الحين بعد اللي صار ما راح اسكت
الوالد : هذي بنتي وراح ترجع معي
يوسف : باعلى صوت انت مو اب
الوالد : ياقليل الادب والله انت مو متربي
يوسف : انا تربتك
العمه : يكفي خلاص
يوسف: لا ياعمه لازم ابوي ....
الوالد :لا وقاعد تتامر اطلع من البيت
يوسف: هذا بيت عمتي مو بيت سعاد
العمه : يوسف خلاص ياوليدي
يوسف : ما راح اطلع الا امل معي
الوالد يضرب يوسف :انت وش قاعد تقول .. لا ترفع صوتك علي.
يوسف يطلع من البيت وهو غاضب وعاجز يعمل شيء لاخته امل
امل ترجع مع ابوها اللي ما يدرى عنها بالعكس كان نفسه يضربها

وفي بيت نوال
نوال تتجهز من شان تروح لبيت اهلها
زوجها : يالله بسرعه تعالي ..
نوال : انا جاهزة.
زوجها : اليوم انت حلوة كثير
نوال وهي مو مصدقه : والله
زوجها : ان شاء الله تنبسطين في حياتك .
نوال تعجبت من طريقه كلامه العجيبه.
ركبو السيارة وتوجهو الى بيت اهلها..

وفي بيتنا
انا ونجود تجهزنا من شان نروح الحديقه
اختي عفاف رفض زوجه تروح معنا
اما اختي هاجر قالت انها راح تجلس عند امي



يوسف يدق على زياد ويقول له الحاله وانه لازم يعجل بزواجه قبل ما يصير شيء


نوال وصلت عند باب بيتهم ..
وقال لها زوجها قبل ماتنزل من السيارة : نوال
كانت نوال مبسوطه وقالت : نعم .
زوجها القاسي : انا اسف انتِ طالق.
نوال : ايييييش
زوجها : بصراحه انا ماابيك . تزوجتك بس كذا .. من شان ..
تقاطعه نوال : خلاص لاتبرر موقفك
تنزل نوال من السيارة وهي تبكي ..
الله اعلم أي مستقبل ينظر نوال .. وخاصه ان زوجها لم يستمر الا ايام قليله..

في بيت عمة امل.
زياد : الو... يمه
ام زياد : هلا ياوليدي.
زياد : وش اخبارك ؟
ام زياد : انا والله متضايقه كثير من شان ..
يقطعها زياد : من شان امل واخوانها ؟
ام زياد : ايه والله من شانها .
زياد : يمه انا عندي الحل ..
ام زياد : قول وش تنتظر .
زياد : يمه انا قرارت خلاص اني راح اتزوج امل في ثالث ايام العيد الفطر..
ام زياد : ياوليد لاتستعجل .. اول كون حالك وجمع المتطلبات الزواج .
زياد : يمه امل تعرف ضروفي .. وماراح تطلب كثير راح تعيش معنا في نفس البيت ..
ام زياد : اجل نتوكل على الله ..

في السيارة.
محمد : اسمعن ابي انزلكن في حديقه الامير سلطان وابي اروح اشتري لكن اكل وارجع بسرعه.
اسمعن زين ولاتقولن ماعلمتكن هذة الحديقه كانكن في الخارج الحريم مايعرفن يتسترن وانت لاتصيرن مثلهن وترمن عبيكن مفهوم.
نجود : انت وش تقول ؟
العنود : ياساتر الولد خرف
نجود : بالله العنود فهمتي شىء منه
العنود : لا مافهمت شىء انت فهمتي؟
محمد : بس لاتكثرن كلام..
وصلنا الحديقه وراح محمد . بقيت أنا ونجود في الحديقه نتمشى
نجود : شوفي هناك يبوعون عسكريم. وش ريك نشتري؟
العنود : طيب بس انت تحاسبين . أنا مامعي فلوس
نجود : كذابه معك ميه وخمس واربعين ريال
العنود : وش دراك؟
نجود : امس فتشت درجك
العنود : انت وحدة متمردة . والله اعلم عليك امي.
نجود : كولي تراب انت المتمردة.
العنود : تبين تشترين لي عسكريم او لا.؟
نجود : يالله تعالي نشتري عسكريم
اشترينا العسكريم أنا اخذت عسكريم جاز . ونجود اخذت عسكريم مااعرف اسمه بس حجمه كبير مرة

بعدها رحنا ندور على مكان نجلس فيه..
العنود : وش ريك نجلس هنا؟
نجود : اعتبريني ماسمعتك ..!
العنود : ليه ؟
نجود : بلا سخافه شوفي الحريم اللي هناك جالسات.
العنود : وش فيهن ؟
نجود : شكلهن ساحرات..!
العنود : والله انك صادقه يالله ندور مكان ثاني.
نجود : وش ريك نجلس على الكرسي هذاكي ؟
العنود : اذا انت تبين تجلسين هناك روحي واجلسي أنا ماني جالسه هناك .
نجود : ليه وش فيه .؟
العنود : أنا ابي اجلس على الارض وامط رجليني .
نجود : عز الله عجوز .
العنود : شوفي هناك فيه ولد شكله يضحك .
نجود : وين ؟
العنود : هناك بجنب النافورة
نجود : ههههههههه الله يقطع ابليسك أي بزبوز هذة نافورة .
العنود : صدق << مفتشله
نجود : ههههههههههههههههههه
العنود : اجل شوفي الهندي هناك شوفي معزل شعره.. كانه سري ماء
نجود : الله لايبلانا .. اكيد يستعمل زيت دابر.
العنود : هههههههههههههههههههه
نجود : هناك مكان حلو تعالي نجلس فيه الين يجي محمد .
العنود : يالله
لما وصلنا المكان وجلسنا فيه ..
نجود وبصوت خفيف : العنود
العنود : وجع وش تبين
نجود : شوفي العائله اللي ورانا .
العنود وهي تناظر العائله :ييييييييي عليهم
نجود : والله اشاكهم حركات.
العنود : شوفي كانهن في دبي مو متسترات.
نجود : لا وبعد متسدحات قدام خلق الله .
العنود : الله يخلي ابو متعب.
نجود : انت وش تقولين.
العنود : كولي عسكريمك وانت ساكته .
نجود : لو يجي محمد ويشوفنا جالسات عندهم وش يبي يقول.
العنود : اقول؟
نجود : قولي .
العنود : حطي رجلك ونهرب ونجلس تحت النخله هناك.
نجود : هقوتك المكان هناك مريح.
العنود : ياملى الوجع مايهم مريح او لا.

في البيت ..
امي : هاجر
هاجر : هاااه يمه صوتي
امي : تعالي يابعد حي.
هاجر : سمي يمه.
جت هاجر وجلست عند امي..
هاجر : خير يمه تامرين على شىء.
امي : ليه يابنتي مارحتي مع اخوتك تتونسين
هاجر : لا يمه أنا تعبانه والله ..مااقدر اروح معهن.
امي : لا يكون انت حامل.
هاجر وبخجل : مااعتقد
امي : الله يرزقك بالعيال الصالحين.
هاجر : امين ... بس يمه
امي : ياعيون امك.
هاجر : ليش ماتشترون لنجود و العنود بطاقه دي اس ال
امي : ههههههههههه
هاجر : وش فيك يمه . ليه ضحكتي !!؟
امي : ليه هن مرسلاتك تقولين لي.
هاجر : لا والله ماقالن لي شىء.
امي : والله ودي اشتري لهن واوسع صدورهن بس ابراهيم يقول..
هاجر : وش يقول ..؟
امي : يقول ماابيهن يدمن على النت شهر جلوس على النت واسبوعين او اسبوع بلا نت من شان مايتعودن عليه.
هاجر : والله كلامه صادق..
امي : هاجر يابنيتي هاتي التليفون ابي اكلم جدتك من زمان ماكلمتها..
هاجر : طيب

وفي الحديقه
العنود : نجود شوفي محمد هناك يدورنا. شكله والله يضحك.
نجود : شوفيه مر من عند البنت.
العنود وهي تضحك : مسوي نفسه مستحي منها
نجود وهي تاشر على محمد : الحين يشوفني ويجي.
العنود : يالله ياحظي
نجود : وش فيك؟
العنود : ياكبر الكيس معه . اكيد فيه كنافه.
نجود : انقلعي عني زين.
محمد : السلام عليكم.
نجود والعنود : وعليكم السلام
العنود : هيه وش في الكيس
محمد : فيه نعجه مربطه
العنود : محمد متى شربت ماء
محمد : في البيت شربت . ليه تسالين ؟
العنود : احس ان دمك صاير ثقيل .. انصحك تروح تشرب ماء من النافورة هناك من شان تخفف دمك.
محمد : بايخه
نجود : كلكم بايخين.
العنود : كولي تراب انت من كلمك.
محمد : لو التراب تاكلينه انت مابي بلا.
نجود : العنود مخرفه
العنود: انت حمارة
نجود : اقطعي وخسي
العنود : اذلفي عن وجهي احسن لك
محمد : الكل على راسه بطحى
العنود : كل البطحى انت وجهك كانه براد شاهي
محمد : اف ماادري ليه جبتك معي.
نجود : اقول وش جبت لنا.
العنود : هههههههههههههههههههه
محمد : وش يضحكك
العنود : اضحك عليك.
محمد : ليه أنا عندك مهرج او توم جيري وانا ماادري.
العنود : والله انك احسن من براد الشاهي
محمد : اقول اسكتي بس


بسكوت ابو ولد غير متصل   رد مع اقتباس
قديم 20 - 08 - 2007, 21:35   رقم المشاركة : [11]
..:: من سكان المدينة ::..
 

بسكوت ابو ولد is on a distinguished road
افتراضي

نجود : عنادي . عنادي
العنود : هاااه وش تبين.
نجود وهي تشير يدها إلى مجموعة بنات : شوفي البنات هناك؟
محمد : ياملى الكسر نزلي يدك فضحتي بي.
العنود : وش فيهن .
نجود : هذولا أنا درست معهن في الكليه.. والله عليهن حركات تفشل.
العنود : والله
محمد : حبك ماجد عبدالله.ههههههههههههه

في بيت امل
سعاد : امل يا امل..
امل : نعم خالتي.
سعاد : تخلخلت حنوكك ان شاء الله
امل تسكت وماترد ولا كلمه..
سعاد : اسمعي هناك ملابسي ابيك تغسليها زين
امل وهي متضايقة : ان شاء الله.

يمر الوقت من عاش لحظات سعيدة ومن منا عاش لحظات موسفه الى وقت صلاة العشاء ..
محمد : يالله نرجع إلى البيت
العنود : لا تو الناس
نجود : نبي نجلس شوي هنا
محمد : اقول قومن نبي نرجع إلى البيت أنا مشغول.
بعدها ركبنا السيارة وتوجهنا إلى البيت .
العنود : حمودي
محمد : خير
العنود : شف عيون نجود
نجود وهي خايفه تظن في عيونها شيء : وش فيهن عيوني
محمد وهو مطير عيونه بعيون نجود : وش فيهن
العنود : بالله ماترحم عيونها عيون هندي مضيع اقامته.!
نجود : الله يلعنك خوفتين .. وبعدين من زين عيونك.
محمد : والله ياالعنود انت صادقه عيونها كانهن لستك كفر سيارة منفش.
نجود تزعل وتسكت لانها ماتحب احد يقول على شكلها شيء.
العنود : وش رايك تفرح عيونها.
محمد : شلون افرحهن
العنود : اشتر لهن بطاقة دي اس ال.
محمد : بالله
العنود : او اقول خل عيونها منفشات احسن.
محمد سكت وما قال شيء
نجود زعلت علي .. وشدوقها صارا مثل البلونه

سعاد : امل . امل
امل تسوي نفسها ماتسمع
سعاد : امل ياملى الصقه
امل : أنا هنا
سعاد : تعالي بسرعه.
امل : خير وش تبين
سعاد : روحي وجهزي العشاء.
امل : ليه انت ماتجهزينه يا .. يا .. يازوجة ابوي ..
سعاد : شكل الضرب ماكفاك وماتربيتي.
امل : لا يخاله تطمني أنا متربيه.
سعاد : يصير خير لما يجي ابوك راح اقول له انك قليلة ادب.
امل خافت . لانها تخاف من ابوها لما يعصب. راحت مسرعه وتجهز العشاء.

لما وصلنا البيت قال محمد : أنا ابي اروح اغسل سيارتي واجي.
نزلنا من السيارة ودخلنا البيت .
كانت امي وهاجر يسولفن وكان ماجد عندهم
نجود : يمه
امي : نعم
نجود : اذا ماربيتي العنود أنا اربيها
العنود : افااااا
امي : وش فيها العنود
نجود : وش فيها ؟ ... فيها كل شىء خطا
ماجد : العنود وش قلتي لنجود؟
هاجر عجبها الهواش وجلست تضحك
العنود : والله العظم اني ماقلت لها شىء
نجود : بالله ماقلتي لي شيء..؟ كثري منها
العنود : اقول انقلعي عن وجهي بس.
نجود : أنا اوريك.
قليل من الضرب والمضاربه مع الشتم لولا تدخل ماجد وهاجر لكان تذابحنا.
امي تضايقت كثير.. وارتفع معه السكر..
هاجر تقطعت من الضحك
ماجد مو مستوعب هوشنا.

أنا زعلت ورحت إلى مجلس الرجال ادور عن اخوي فيصل لانه هو الوحيد يفزع معي
لما دخلت المجلس لقيت اخوي ابراهيم يكلم صديقه
ابراهيم لما شافني قال لصديق : اقول يابو الشباب اكلمك بعدين
....... : ........................................
ابراهيم : لا مابي شىء بس أنا الحين مو فاضي لك..
....... : ...........................................
ابراهيم وهو يصحك : الله يسلمك .. يالله مو السلامه

العنود : وين فيصل؟
ابراهيم : وش تبين منه ؟
العنود : ابي اكله . الله يلعنك ويلعن فيصل معك
ابراهيم : هيه هيه انت وش فيك تلعنين بلا سبب
العنود : نجود ضربتني
ابراهيم : هههههههههه صدقك. والله تستاهلين .بس وش تبين في فيصل ؟
العنود : ابيه يضرب نجود.
ابراهيم : والله فاتت على هواش. بس من انتصر
العنود : ابراهيم تعال اضرب نجود
ابراهيم : أنا وش دخلني فيكم .. اذا تبين تتذابحن أنا مستعد اوديكم إلى اقرب شعيب
تتضاربن الين تشبعن...
وقف ابراهيم وطلع من المجلس.. أنا منقهر من برودة.
اخذة الجوال ورحت اكلم فيصل.
فيصل : الو
العنود : فيصل وينك
فيصل : أنا جالس في سيارة ماجد.
العنود : بسرعه تعال
فيصل : ليه؟
العنود : ابي الفزعه منك نجود ضربتني.
فيصل يضحك وقال : أنا مشغول اجيكم بعدين

انا انقهرة اكثر ورحت إلى غرفتي.. جلست افكر وافكر
واقول في نفسي : والله حاله..
جلست اتذكر يوم كنت انا صغيرة
اتذكر اني مرة تهاوشت مع منال بنت خالتي والحين أنا وياها صديقتين..
وجلست اتذكر واتذكر مواقف بعضها مضحكه ..

وبعدها حسيت بطفش ونزلت من الغرفه..
كانت نجود في غرفتها..
وكان محمد خارج البيت وفيصل معه..
امي كانت في سابع نومه..
وكان ابراهيم في غرفت التلفزيون منسدح ورافع رجلينه ويطقطق على الكمبيوتر..
بعدها سمعت صوت ماجد في المجلس الرجال وتوجهت إلى مجلس الرجال .. كان ماجد يكلم
قبل ماادخل سمعت يقول كلمه انصدمت كثير ومااستوعبت..
رجعت الين وصلت إلى الدرج وقلت في نفسي لازم اتاكد..
ورجعت اتسمع وياليت اني ماسمعت كلامه ..انصدمت نزلت دمعتي على خدي..
ماقدرت اتحمل .. وقعت على الارض لان رجلين ماقدرت تتحملني
سحبت نفسي الين الدرج وشفت ابراهيم..
ابراهيم تبسم لي .. وكانت ابتسامته بمعني اهلا وسهلا بك في عالم الهم والاسرار وتعالي وشاركيني همومي.

.................................................. ........................................


بسكوت ابو ولد غير متصل   رد مع اقتباس
قديم 20 - 08 - 2007, 21:40   رقم المشاركة : [12]
..:: من سكان المدينة ::..
 

بسكوت ابو ولد is on a distinguished road
افتراضي

وينتهي الجزء الاول من القصه أنا ادري ان القصه مو طويله << ؟؟

توقعاااااتكم..

* وش يصير في عائلة العنود ؟
* ماذا سمعت العنود من مكالمة ماجد؟؟
* العنود هل ستخبر احد في ذالك السر؟ وما علاقه ابراهيم؟؟ وهل ستتغير نظرة العنود لماجد ؟؟
* ماذا يخفي القدر لنوال ؟؟ وماذا يحدث لها ؟؟ وهل ستعيش سعيدة ام لا ؟؟
* ماذا سيحدث للعجوز المسكينه ؟؟ وكيف تكون علاقه بيني وبين العجوز؟؟
* ماذا يحدث لامل ؟ وهل ينجح زوجها مع زياد ؟
* وهل امل ستعيش حياة سعيدة؟؟ وهل من الممكن ان تكون العنود وامل صديقات؟؟
* هل من الممكن ان تجتمع شخصيات القصه ؟؟




انتظر توقعتكم وانتقدتكم؟؟



#
امضاء نيرجا
#
<<< انا نيرجا ترو هذا اسمي المتداول في عالم النت..


بسكوت ابو ولد غير متصل   رد مع اقتباس
قديم 26 - 08 - 2007, 15:27   رقم المشاركة : [13]
..:: مشرف قسم القصص و الروايات ::..
الصورة الرمزية الحزين و المجروح
 

الحزين و المجروح is on a distinguished road
افتراضي

بالتوفيق والى الامام , بس ياخي ارفقي علينا عويناتي طا حت على الكيبورد من القراءه


الحزين و المجروح غير متصل   رد مع اقتباس
قديم 27 - 08 - 2007, 23:13   رقم المشاركة : [14]
..:: من سكان المدينة ::..
 

تغريبة حجازية . is on a distinguished road
افتراضي

القصة روعة وتجنن .. تسلم يدك يا بسكوته ماركة الولد .


مسلسل عربي فعلا .. صح طويل حبتين وثلاثة واربعة .. بس ممتع .. وما ليت من القراءة .


اتوقع انه ماجد قاعد يغازل او متزوج في السر ..


وما اعتقد ان عنود تفضح سره ..


و ( نوال ) اكيد راح تعاني جدا .. لانها تطلقت بدري .. ومو بعيد ان سمعتها تسوء بين اقاربها .


اما امل .. اكيد راح تكون سعيدة في زواجها .. وخاصة ان عمتها هي حماتها .. وتحبها كثير ..


تسلم مرة ثانية يا بسكوته على هذه القصة الروعة .. وكمليها بسرعة الله يخليك .


تغريبة حجازية . غير متصل   رد مع اقتباس
قديم 31 - 08 - 2007, 02:18   رقم المشاركة : [15]
..:: من سكان المدينة ::..
 

بسكوت ابو ولد is on a distinguished road
افتراضي

ياهلا فيك حزين والمجررروح

على مرورك الرائع..

ان شاء الله ماتشووف شر..

تسلم على الطله الحلوة...


بسكوت ابو ولد غير متصل   رد مع اقتباس
قديم 31 - 08 - 2007, 02:24   رقم المشاركة : [16]
..:: من سكان المدينة ::..
 

بسكوت ابو ولد is on a distinguished road
افتراضي

تغربيه حجازيه الارووووووع هو مرورك الاكثر من الرائع..

توقعاتك جميله جدااااااااا.. وترقبي الجزاء الثاني من شان تعرفي اللي صار..
وهذة القصه 90% من الواقع .. انا انتظر الاحداث وراح اكتبها واجيبها لكم..

الله لايحرمني من طلتك ..

ان شاء الله اكملهاااااا .. وان شاء الله اكون عند حسن ظنك..

تحياااااتي الحاااارة لك..


بسكوت ابو ولد غير متصل   رد مع اقتباس
قديم 31 - 08 - 2007, 06:45   رقم المشاركة : [17]
..:: من سكان المدينة ::..
 

مترجم المدينه is on a distinguished road
افتراضي

بارك الله فيك اخي
والله يوفقك والى لامام ان شاء الله


مترجم المدينه غير متصل   رد مع اقتباس
قديم 01 - 09 - 2007, 17:51   رقم المشاركة : [18]
..:: من سكان المدينة ::..
 

بسكوت ابو ولد is on a distinguished road
افتراضي

مشكووووووووووووووور مترجم المدينه على مرورك
بس وين توقعاتك
خخخخخخخخخخخخخخخخخخخخ

الله يعطيك العاافيه على الطله


بسكوت ابو ولد غير متصل   رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 15:11.

    Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير: مجموعة الدعم العربى
  

SEO by vBSEO