قصيده للعراق الحدمـــن يا وطن نايم على الغيض وعـــمـر الغيـض مـانام بثنيـــــــتك اسمك صبح مابيـــن الوفيــــــــــات وحكام العصر باكـــو هويتـــــــــك عدمن تشتكي وكلـــه تماثيــــــــــل يا تمثال يهـــتم بقضيتـــــــــــــــــك جم حاكم اجاك وشبعك مـــــــــوت ضل ياهو اليجي يطب بخطيــــتـك حاير ياوطن متكلــي شبيـــــــــــك من يوم الصرت حاير لكيـــــــــتك ليش بكل وكـت مـذبوحـه النــــاس وعلى الموت الغصب فاتح شهيتـك تمنيتك تفز مـن نومـتك هـــــــــــاي وتشوف شلون حالك تمنيـــــــــــتك الاف الجناسي ستوطنو بـــــــــــيك غافل لحدمن اتضل بغفيـــــــــــــتك اصحه ياوطن تاريخك نبـــــــــــاك وناطورك الباكك من اهل بيـــــــتك كلي يطيب جرحك ياوطن بيـــــش وعزرائيل هـل غافي بريــــــــــتك اعرفك ماتعرف الخوف فديــــــوم ومعروف بالشدات صيـــــــــــــتك يابيرغ كرم ياهيبت الكــــــــــــون الدنيه تصيح بالشده بحميــــــــتك يا دله ومضيف وعالي الشـــــــان وبالطيبات ماتغفل لكيــــــــــــــتك نسيت الاهل بالغربه والحبـــــــاب صدك ياوطن بس مانسيـــــــــــتك http://www.albasrah.net/images/iraqi.../Iraq1_jpg.jpg صديقكم المخلص للمنتدى علي العاني .. عراقي مغترب .. اللهم احفظ تراب العراق واهله الصابر .. امين |
السلام عليكم ورحمه الله اعرفك ماتعرف الخوف فد يوم ومعروف بالشدات صيتك يا بيرغ كرم ياهيبه الكون يادله ومضيف وغالي الشان ما اجمل هذه الكلمات العذبه والرقيقه والتي توصف العراق بابداع ورقي تسلم اناملك الذهبيه يا بغداد لاتتألمي . النخيل المتحد |
اطريتنا وابدعتنا واخلصت لبلادك احييك اخوي بغداد ننتظر جديدك اخوي بفارغ الصبر تحياتي امير الشعراء |
الرائع العـــــــــاني وهذا القلم الذى ينطق بملامح الابداع وسطور التألق دمت متميز لهذه الصفحات وادام الله مداد حرفك الرائع همسات قلب |
مشكور لله ولكم على ردكم الجميل .. ودوما الى الامام لصالح المنتدى .. مع التقدير صديقكم المخلص للمنتدى علي العاني .. عراقي مغترب .. اللهم احفظ العراق وبغداد .. امين |
العزيز بغداد مشكور اخي الغالي على هذه الكلمات الرائعة التي لايستغرب على امثالها قلمك فقلمك رائع بكل ماينقله مشكور على اهتمامك |
هي تستحق كل هذا البوح وكل هذه الكلمات يابغداد لك قد كتب الشعراء وتغنوا تعبيرا عن حبهم الجم لك بغداد لاتتالمي مشكور اخي العزيز على هذه الكلمات ودمت بكل ود |
الف شكر اخي علي العاني على هذه الكلمات وعلى الثورة المتفجره دوما منها يسلموووووووو |
مشكور لله ولكم على مروركم وردكم الجميل .. واهتمامكم على الموضوع .. ودما الى الامام لصالح المنتدى .. مع التقدير صديقكم المخلص للمنتدى علي العاني .. عراقي مغترب .. اللهم احفظ تراب العراق وبغداد .. امين |
الساعة الآن 18:43. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير:
مجموعة الدعم العربى
جميع الحقوق محفوظه لمدينة الاحلام ©