منتديات مدينة الاحلام - حركااااااات بنات!!!

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم ,
واللي تبي ترفع ضغط وسكر اخوها او الشباب الي في بيتهم ، تتبع هالخطوات والله يساعدكم ...

*** عند التلفزيون ***
لا صارت فيه مباراة, والاخ متحمس اقطعي هالحماس وشلون؟!
انا اقولك ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم , هنا بس تقومين بشغلك.. وتسوين نفسك بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه
ولا تعطينه فرصه يشوف زين , واذا قال: ابعدي. قولي ماني بفاضيتلك بنظف وامسح ، وبعدين روحي جيبي المكنسه
واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد.. واذا قال: ابعدي لااصقعك على وجهك بالكاس قولي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق وانقزي لين توصلين للفيش ودوسيه برجلك ولا تلتفتين وراكِ..

*** عند النوم ***

لا صار التمساح يشخر.. نكدي عليه نومه وشلون؟! دخلي عليه اطفالكم على اطفال جيرانكم سكي الباب عليهم وخليهم يلعبون بغرفته ويناقزون على راسه ..تعرفي اطفالنا احباب الله ولا ايش ...ههههه
والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نروح للسوق ..

*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على جلسته والا على لبسه .. هو بيقول ترى ماني بــ رايق وضفي وجهك, انتي لا تسكتي قوليله واذا ماضفيت وجهي وش بيصير عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك

عادي .. عادي ولا صرتي بيبي وش فيها اهم شيء تحقيق الغايه اللي هي (( تفجير الامبير ))

*** وقت الخناق ***

لا جاء يوم وبراسك حرش وتبين تطاقين انتي والتمساح لازم تجهزين نفسك من كل ناحيه:

1/ اللبس: لازم تلبسين ترنق خخخخخخخخخ علشان يسهل الركض وتهربي من يده بسهوله

2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك وياليت يكون ذاك اليوم حاطه براسك صبغة علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه بجيبك الاحتياط واجب

4/ جمعي لك كم غرض وخليها جنبك

اذا بدت المعركه حطي راسك براسه ولا تبينين له انك خايفه وبققي عينك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه , لا تستسلمين عطيه بوكس على عيونه الثنتين علشان مايشوف الدرب وحطي رجلك ومن عند الدرابزين طلي عليه وقوليله ان كان فيك خير قابلني هو بيستشيط وبيجي التمساح يقابلك مايدري انك اذكى منه , هالحين جاء دور الاغراض اللي جمعتيها وبدووون رحمه .. واضربي فيه ليييين تضربين الارض من تحته . وعلى طووووووووول لغرفتك اللي مجهزةمفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في عز الظهر

واتمنى تطبيق هالتعليمات وهذا وجهي ان تحداك اي احد على وجهه الارض ومالي دخل
لو طلعلك قمة براسك والا طلع بعيونك الوان الطيف والا ماسلم فيك ضلع
منقووووووول للوناسة