منتديات مدينة الاحلام - حروف الهجاء في طلبات الحريم

السلام عليكم ورحمة الله وبركاته

هذي طلبات الحريم حسب ترتيب حروف الهجاء
الله يعين التماسيح عليهن,,,,

الالف :ابي فلوس بروح معزومة على شاى ضحى

الباء :بكره ابيك توديني لبيت اهلي عندهم عزيمة

التاء :ترى اليوم انا ماني مسويه عشاء روح للمطعم جيب عشاء

الثاء :ثلاث اسابيع ما طلعنا للملاهي يالله ودنا اليوم

الجيم :جيب خدامه تساعدني بشغل البيت.........(والبيت نص شقة) قهر

الحاء :حبيبى..ودى بساعة شوبارد ,مليت من ساعتى الاوميغا

الخاء :خل الشله اليوم..انا عازمتك نتعشى بره, بس على حسابك

الدال :دور لنا فله على 3 شوارع وفيها سرداب (الراتب 3000 ريال من وين ياحسرة)

الذال :ذيك السنة (قبل 10 سنوات) قلت لك اشتري لي الفستان الأحمر وما شريته

الراء :روح قدم على اجازة خلنا نسافر لاوروبا ,,اووف حر

الزاء :زيد مصروف البيت هذا ما يكفي اغراض البيت (ومعظم البيزات عليها وعلى خرابيطها)

السين :سجاد البيت صار قديم ....غيره يا اخي (السجاد ما كمل له سنتين)

الشين :شيل ولدك شوفه يصيح هناك,انا تعبت من العيال..

الصاد :صفف الملابس هناك منثرة,مليت وانا القط وراك

الضاد :ضبط اوضاعك..ترى كبرت المسؤولية..(توها والدة)

الطاء :طالع السيارة سكراب تفشل قديمة, نبي شبح

الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)

العين :عيوني..اليوم شفت فستان عند زوجة اخوي يجنن خاطري بواحد مثله

الغين :غير يا اخي اسلوبك معاي...كله برود

الفاء :فديتك يا بعد قلبي ... يا عمري .. يا حياتي ..وين تبينا نسافر هالصيف؟

القاف :قدر يا اخي شوي...كل شغل البيت على راسي...تكرم وساعدني شوي

الكاف :كفاية ملينا من هالبيت متى راح تسوى لنا بيت اكبر من هذا

اللام :لي متى ,وحنا محبوسين في هالبيت لا نطلع مثل الخلق ولا غيره (زنة وحنة)

الميم :متى بتوديني لبنان مثل ما وعدتني قبل؟؟؟؟

النون :نبى نحجز شاليه شرم الشيخ طول الصيف ..لا تنسى! (إيه هيّن)

الهاء :ها عاد..ترى اروح بيت اهلى! اذا مو قد الزواج وتكاليفه ليش تزوجت؟؟ <<< منانة

الواو :ورني شطارتك رح عند اخوك خذ منه الورث( راعية مشاكل)

الياء :يالله ايدك على 2000ريال رضاوة..لانك زعلتني و**رت خاطري قبل 3 أيام