منتديات مدينة الاحلام

منتديات مدينة الاحلام (http://m.dreamscity.net/)
-   قسم إبداعات الأعضاء (http://m.dreamscity.net/f37.html)
-   -   لعُيـــــون العراقيـــة ..من، حكمت البيداري (http://m.dreamscity.net/t6584.html)

حكمت البيداري 19 - 11 - 2007 21:04

لعُيـــــون العراقيـــة ..من، حكمت البيداري
 
http://www.openiu.com/upload/071107/...1fd19318c4.jpg

لعُيـــــون العراقيـــة

لعُيـــــون العراقيـــة، الميّهــا زُلال
طعـم العسل واطيب، شَــهدَه حَلال
لوضـحكت أدمّـر، أتفلـــش جبـــال
ويـله ياويـله، من يگــرب الخیــال
لو صوبته بنظـره، ينچتل بالحـــال

بعُيون العراقية ..

چفـــوف العراقيــــة، يـادوا المعــلول
لمســـتها علويــه، أطــيب المشـــــلول
واللي گعـد فيها، أمراضـه كلها أتزول
واللي سكن عشها، ويّاها عمره يطـول
نـور الحيــاة هيَّ، بـدر وگمـر وهــلال

منوره العراقية ..

هنيـــال عاشـــگهـا، هنيـــــاله هنيـــال
يامســعده الحبهـا، والگلبــه الهــا مـال
نعمـة الوفى بالحب، بيها الحمـل مامال
نشــــميه هـل خيّــا، لو ربـت اجيـــــال
صگور وأسود سباع، ابطال ولد ابطال

ولد العراقية ..

بطبــع العراقيـة، معروفـه الخصال
تنصــاغ بس الهـا، تنـگال الأمثــال
باگــت ورد حلــوه، رقـــه وجمـــال
والعقـــــل زينـــــه، والحســـن دلال
عفه وكرامه وشرف، وغيرة رجـال

والنعم عراقية ..

حكمت البيداري
7.11.2007


الساعة الآن 04:29.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير: مجموعة الدعم العربى
جميع الحقوق محفوظه لمدينة الاحلام ©


SEO by vBSEO