صينية الخضار بالبشاميل واللحمه المفرومه صينية الخضار بالبشاميل واللحمه المفرومه http://www.boswtol.com/sites/default...9yo7zrdomf.jpg رصّي الخضار في الصينية بعد ما تدهنيها بالسمنة صينية الخضار بالبشاميل المقادير: كيلو لحمة مفرومة معصّجة كوب كوسة مقطعة شرائح 2 كوب بطاطس مكعبات 2 كوب طماطم مكعبات 2 ملعقة كبيرة بقدونس مفروم 2 ثمرة بصل مقطّعة شرائح ملح وفلفل بهارات مقادير البشاميل: 3 ملعقة كبيرة زبدة 3 ملعقة كبيرة دقيق 2 كوب لبن ملح وفلفل بيضة الطريقة: 1- اسلقي البطاطس والكوسة نصف سوى؛ لأنهم لسه هيدخلوا الفرن علشان يكملوا سواهم. 2- شوّحي الطماطم وشرائح البصل مع الملح والفلفل والبهارات في الزبدة. 3- رصّي الخضار (البطاطس والكوسة والطماطم والبصل) في الصينية بعد ما تدهنيها بالسمنة، وبعد كده ضيفي عليهم اللحمة المفرومة المعصّجة. 4- لتحضير البشاميل؛ سخّني الزبدة في طاسة على نار متوسطة، وبعد كده ضيفي عليها الدقيق مع التقليب لمدة 3 دقائق. 5- ضيفي اللبن مع الاستمرار في التقليب (تفاديا لتكوّن أي كُتل) لغاية ما الدقيق يتجانس مع اللبن، ويبقى البشاميل كثيف ويوصل للسُمك اللي إنتي عايزاه. 6- افصلي مقدار ربع كوب من البشاميل، وصبّي الباقي على الصينية، واخلطي الكمية اللي فصلتيها مع بيضة، وقلّبيهم مع بعض كويس، ووزّعيهم على وش الصينية علشان تحمرّ لما تدخّليها الفرن. 7- دخّلي الصينية في الفرن على درجة حرارة متوسطة، وسيبيها لمدة 10 دقائق أو لغاية ما الوش يحمرّ، وبعد كده طلّعيها وقدّميها.. وبالهنا والشفا. |
الساعة الآن 07:23. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير:
مجموعة الدعم العربى
جميع الحقوق محفوظه لمدينة الاحلام ©