منتديات مدينة الاحلام - اخطاء يقترفها الاباء عندما يسألهم الابناء

السلام عليكم ورحمة الله وبركاته

http://iraqnaa.com/ico/image/062.gif
طفل اربع سنوات
كان يلعب فى البيت زى ماكل الأطفال بتحب اللعب
كسر فاسة اتخضت مامتو وجريت عليه وقعدت تضرب فيه وتقولو : "عارف اللى كسرتها دى بكام؟"
وفى يوم تانى كسر زجاج النيش
نفس الخضة من مامتو وقالتلو "انت عارف ده يساوى كام دلوقت"
وطبعا أخد علقة سخنة
الكوباية وهوا بيشرب العصير وقعت منو اتكسرت
اتضرب واتقالو نفس الكلام

ماما

هوا انتو جبتونى منين؟

من السوبر ماركت ياحبيبى
(وتحكى الأم لصحابها وتضحك)
والولد بيصدق
ماما .. عايز أروح النادى عشان ألعب براحتى ومكسرش حاجاتك الغالية ياماما
مينفعش دلوقت
أومال امتى بس ياماما؟
بعدين بعدين
وبعدين ده مش بييجى الا نادرا
ماما .. ممكن أرسم فى كراسة الرسم ؟
لأ توسخ هدومك بالألوان
ماما.. ممكن أستغل اللعب المكسرة واصنع بيها حاجات؟
لأ هاتكركب الدنيا
http://dc05.arabsh.com/i/01651/fr4wk5kn2wrc.gif

تعالى هنا بقة ياماما أنا بكام؟
لما اشترتونى اشترتونى بكام؟
أنا ممكن أحوش وادفعلكم اللى دفعتوه فيا وتسيبونى أعمل اللى أنا عازو
ااااااااااااااااااااااااا ااااااااااااااااه
هنا المشكلة

للأسف الولد اقتنع داخليا انو عبد أو ملك خاص لأبوه وأمو
ومش حاسس أو عارف أو مدرك ان ربنا خلقو حر
شخصية كاملة متكاملة مش ملك حد

فى الدول الأوروبية وأمريكا

الطفل بيوصل لمرحلة معينة وسن معين وبيقلولو انت حر تقدر تستقل بذاتكhttp://files.fatakat.com/bigsmilies/mood11.gif
هما كدة فاهمين موضوع ان الولد أو البنت دى مش ملك خاص ليهم
لكن بصراحة هما كدة مزودينها قوى http://files.fatakat.com/bigsmilies/mood21.gif وبيأدو الى انحرافات وتطرفات كثير
بس احنا كمان منقصينها قوى http://files.fatakat.com/bigsmilies/mood10.gif عندنا فى مصر والدول العربية بصفة عامة
وبما إن إسلامنا بيدعو للوسطية
فياريت نطبقها مع ولادنا
اننا منتحكمش فيهم قوى على انهم ملك خاص لينا
وبرضو منفرطش فيهم قوى ونسيبهم يواجهو حياتهم لوحدهم
علينا التوجيه من غير تعنيف
احنا كنا زيهم مش جايين من كوكب تانى
نتعلم من أخطاء أباءنا
وناخد الصح من أباءنا وننتهجو

ايه يعنى لما ابنك يلعب ويكسر حاجة فى البيت
أى حاجة تقدرى تشتريها وتعوضيها
لكن صحة ابنك لا تقدر بثمن
يرسم ويوسخ هودمو
اغسليها أو حتى ارميها
نقدر نجيب كام هدوم غيرها فى السنة؟
لكن تقدرى تطلعى كام فنان ومبدع كل كام سنة؟

يبتكر ويصنع من لعبو المكسرة
البيت هايتكركب؟
فى خمس دقايق أو ربع ساعة بالكثير قوى تلمى كل الكراكيب
لكن تقدرى فى كام سنة تطلعى مبتكر؟

http://dc05.arabsh.com/i/01651/4e286kgx9im0.gif

http://i6.glitter-graphics.org/pub/4...o16s682hlc.gif