منتديات مدينة الاحلام - كلمات اغنية يسقط حكم العسكر الفنان احمد روك

بسم الله الرحمن الرحيم

كان ياما كان .. في يوم من الايام
شباب اتقال عليه .. انو كان عايش جيان !
فقام وسط الغيوم .. وفي 18 يوم
قرر يفوق من النوم .. ويكسر الجدران
ثورة ضد الطغيان .. اسقط فيها النظام
ثبت كل الحرامية .. فقرروا الانتقام !
أصل أبوهم الروحي غار .. هتبان كل الاسرار
لازم تلخم الناس !! هدد الاستقرار !!
سيادة المشير .. هاقولك كلمة واحدة
عمرك ما هتبقي سلطة .. طول ما احنا ايدنا واحده
زود تسليح الشرطة .. قطع وزع في التورتة
كتر في المحاكمات .. شوه صورة اللي مات
احبس كل الفايقين .. دي عيال عميلة وكفرة
والمصلحجية ياماا .. بيجروا ورا الجزرة
انتخابات فكسانة .. سياسة بلطجية
اللي بيتكلم يلبس وقتي محاكمة عسكرية
شكلهم نسيوا احنا مين !! فاكرينااا لسه خايفين
أحنا شوفنا الموت قدمنا وكنا واقفين مبتسمين
هنفكرهم لو ناسيين .. أحنا جيل الثوريين
مهما زاد القهر علينا هنكسر كل الزنازين
اللي يوق طعم الحرية حتي لو وهم في خيالة
عمره ما هيسيبه تاني .. لو مين وقف قدامه
حاول تحبس اصواتنا ارميني ورا القضبان
كلمة الحق هتطلع لو عليها مليون سجان !!
محدش فوق القانون كله هيخضع للرقابة !!
دستور .. وبرلمان .. وحكومة حاسة بالغلابة
اتعلمنا خلاص الدرس .. مش حاسيين بالتغيير
حوارات العسكر تاني .. مش عايزين يحكمنا مشير
عمال يقول في وعود كذابة .. كل كلمة بكذا مدلول
عمري ما هلحس البيادة .. عمري ما هكون دلدول
مش هتحول واحد سلبي مصلحتي تفصيل وأيافة
ولما يجي الدور عليا هيحطوا في بوقي لفافة
خليك مسخر الدخلية .. مستنقع امراض نفسية
تبقي خلي الثورة تنفعكوا .. والشعب هو الضحية
عمري ما هرجع تاني اعاني .. ولا في يوم هرجع جبان
عمري ما نسيت عنواني .. انا راجع تاني الميدان
شكلهم نسيوا احنا مين !! فاكرينااا لسه خايفين
أحنا شوفنا الموت قدمنا وكنا واقفين مبتسمين
هنفكرهم لو ناسيين .. أحنا جيل الثوريين
مهما زاد القهر علينا هنكسر كل الزنازين
المجلس العسكر فقد رصيدة
يسقط حكم العسكر