|
في الخامس من جويلية 1962 ...استقلت الجزائر ....لكن.. الخامس من جويلية صفحة بيضاء نقية من تاريخ الجزائر الطاهر ....... اليوم ماراح اسرد عليكم لا تاريخ الجزائر ولا اسماء المعارك والحروب ولا حتى اهم احداث الثورة ...... (يعني راح تسردنا تاريخ صحابك مثلا :confused:؟؟؟ يلا ابدا ... ) موضوعي اليوم بعيد عن المواضيع الرتيبة .... والطويلة واللي غالبا تكون مكتوبة بخط اريال بمقاس 3 ولون اسود :( .... وتكون من شاكلة مواضيع ( نسخ لصق )..... واللي في الغالب المتصفحين للنت ما يقراوهاش ومباشرة تلقى اصابعهم راحت للماوس ويلا ع اخر الموضوع مباشرة .... على العموم انا حطيت ملخص لكل المغزى من المقال ....خصيصا لهذا النوع من الناس من سطريين فقط ..تلقاه مكتوب باللون الاسود في نهاية الموضوع ... اذا كنت منهم انزل مباشرة ليه :cool:.... ......... موضوعي عن استقلال الجزائر اليوم شكل تاني :).... اصلي وفريد ;)...ومن صنع ايدي :p.... هو عبارة عن اربع نقاط بسيطة من زمان وانا حابب نقولها لكل الناس ....:) (اووووووووف :mad: .... الان صار موضوع مشاعر ..ادخل فالموضوع وقول واش عندك وهنينا) ...... النقطة واحد............... من المفارقات العجيبة والتي لا يعلمها الكثير من غير الجزائريين .... أن تاريخ استقلال الجزائر هو نفسو تاريخ استعمار الجزائر... ( واش هذي الفلسفة :confused:؟؟؟....... وضح اكثر يعطيك روينة .....) تاريخ استعمار الجزائر كان في الخامس من جويلية من سنة 1830 وتاريخ استقلال الجزائر كان في الخامس من جويلية من سنة 1962 .......... هذي عبرة لكل مستعمر .... وكأن التاريخ يخاطب البشر على مقولة (ما أشبه اليوم بالبارحة ) ...... والاستعمار الفرنسي فرح لاكتر من ماية سنة بهذا التاريخ واحنا اليوم فرحانين الدهر كلو بنفس التاريخ وعلى الباغي تدور الدوائر ....... النقطة اثنين............. (واش يوصلنا للنقطة اربعة ....على قول اهل الشام ....الله يجيبك يا طولت البال ...) معروف انو الاحتلال الفرنسي للجزائر دام اكثر من مائة عام ...... من سنة 1830 الى سنة 1962 ...... ( مائة عام ..... على اساس انو 32 عام حاجة بسيطة ؟؟؟ ...قل 132 عام..... 1962-1830=132 يا فالح ) ........ لكن الناس تاخذ حكاية هذا العدد من الاعوام بكل بساطة .... ياناس عارفين واش معناها 132 عام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني تعاقب 13 جيل و6 انسال...... مثال لتقريب الصورة ...... الفرنسي اللي خرج من الجزائر في سنة 1962 ...كان على الاقل جد ابيه قد ولد ( وحط سطرين تحت ولد ) في الجزائر :eek:.... وكل واحد فيكم يعمل مقارنة مع الوقت اللي راه عايش فيه و الفترة اللي ولد فيها جد ابيه ...... يعني ما تستغربش لما تدخل على منتديات وتلقى فرنسيين يبكو ع الجزائر بكاء المغترب المشتاق الى وطنه ...... ( او او او .... بكاء ؟؟؟ مغترب ؟؟؟ مشتاق ؟؟؟ ....يلا كل واحد يروح يشوف شغلو ...البكا عند راس الميت ...) النقطة ثلاثة ............ في هذي النقطة اعلان للمستعجلين ... وهي انها النقطة ماقبل الاخيرة .... يعني خفف السرعة والتزم اقصى اليمين :cool:... الكل يعلم ان عدد الشهداء في ثورة التحرير هو اكثر من مليون ونصف المليون شهيد.... ( معروووووووفة :rolleyes:.....فرحان بعمرك ...جاي وجايب الصيد من وذنو ) ........ انا جيت نقولكم انو شهداء ثورة الجزائر اكبر بكثير من هذا العدد ... في دراسة احصائية بينت ان عدد سكان الجزائر في سنة 1830 -اي قبيل دخول الاستعمار - كان يقارب عشرة ملايين نسمة ..... فكم كان عدد سكان الجزائر غداة خروج المستعمر في سنة 1962 ؟؟؟؟؟؟ ( وانا راح نعرف منين ؟؟؟ :mad:ما اكونش عامل في الوكالة الوطنية للاحصاء وانا غافل متلا ؟؟؟؟) الغريب ان عدد السكان كان نفسو ...يعني عشرة ملايين نسمة ...... والمفاجأة انو دراسات اجتماعية بينت انو .... شعب في مثل الظروف اللي كان يعيشها الشعب الجزائري من رخاء وفخفخة في العهد العثماني كان سيقدر عدده في سنة 1962 بعشرين مليون نسمة :(.........يعني ضعف السكان ...... النتيجة ......استعمار كلفنا فقد عشرة ملايين شخص ... ...... . النقطة اربعة .....والاخيرة.... ( الحمد لله ...... بالعافية ) وهي ما اسمعه مرارا وتكرارا عن بعض المزايدات عن اللهجة الجزائرية العامية .... من انها تتخللها الكثير من الكلمات الفرنسية ;)....... (c'est pas vrai.........اول مرة نسمع هذا الكلام ) راح نجاوب لكن بطريقة حسابية فقط ...... يعني انا نحط معادلة والقارئ مطالب بايجاد الحل .... ( زيدلنا همك .... ماكفاش موضوع طول وعرض وزيد معادلة رياضية .....) الطرف الاول من المعادلة فيه :) .... شعب جذورو امازيغية وعندو بعد افريقي ....اعتنق الاسلام و واعتنق معاه لغة القرءان واهل الجنة ...اللغة العربية ... عندو ارث ثقافي عريق ... و تاريخ اسلامي مجيد من عهد الدولة الاموية الى الرستمية مرورا بالدولة الزيانية ثم الحكم العثماني ..... تاريخ خالطه عبق الاندلس وامتدت انواره لتشع على البحر الابيض ...... بحر ابيض و تقابله ضفة سوداء من الجهة الاخرى ........ (في بالي راح يرجع موضوعك يشبه المواضيع الرتيبة اللي تكلمت عليها في الاعلى ...لا ؟؟؟ :confused: ) الطرف الثاني من المعادلة فيه :( .... مائة سنة من محاولة لتنصير لهذا الشعب بكل الوسائل... الترهيب تارة والاغراء تارة اخرى ...... مائة سنة من محاولة لطمس الهوية العربية والاسلامية لهذا الشعب .... مائة سنة من محاولة سلخ لهذا الشعب من عاداتو وتقاليدو وحتى لباسو ... مائة سنة من تعليم فرنسي محض في المدارس ومعامالات ادارية فرنسية اجبارية ..... مائة سنة من غلق كتاتيب تحفيظ القرءان و منع لتعليم اللغة العربية ... مائة سنة من اعلام فرنسي محض واصحاب الجرائد العربية يعتقلون ويعذبون .... مائة سنة والجزائري تكتب على بطاقة هويته ( الجنسية – فرنسي مسلم )...... (مائة مرة وانا نقولك انها ليست مائة بل مائة واثنين وثلاثين عاااااااااااااااااااااااااااااام :mad:) الحل المتوقع للمعادلة ؟؟؟؟؟؟ (معروفة :rolleyes: ....شعب صورة طبق الاصل عن الشعب الفرنسي ...يعني اللي ماتحولش بالقمع ...يتحول بالاغراء) الحل كان مخالفا تماما للمنطق هذي المرة...... حفاظ على الدين الاسلامي كدين رسمي للدولة .....ومأذننا عادت تصدح بالنداء خمس مرات في اليوم كما كانت قبل مائة عام والقانون الجزايري يجرم منتهك حرمة رمضان ويمنع التنصير والتهويد ..... وبعدما كانت لغة الضاد تمنع من التدريس ....صارت هي اللغة الرسمية والادارية الاولى ...... حفظ الموروث الثقافي بتنوعه و تفاصيله ....من عادات وتقاليد جزائرية ... محفوظة ابا عن جد .....و اللباس التقليدي والطبخ التقليدي الجزائري خير دليل ... ( في هذي عندك الحق .... الواحد يسافر يومين لندن ....يرجع في فمو غير كلمة "بليز" و"نيفر " :D) وصلنا.......انتهى موضوعي ...... سررت بصحبتكم ....كل سنة والشعب الجزايري بالف خير ..كل سنة والشعوب العربية حرة ابية ..:) نتلاقو في مواضيع اخرى ..... الاستعمار الصهيوني..... لما لا ؟؟؟؟ .................................................. .................................................. ................... ملخص : والله غير عيب عليك....:mad:....انا من الصباح خليت المذاكرة تاعي وكل شي وقعدت نكتب ونفكر ونصحح ....وانت سيدي مستخسر فيا حتى القراءة ؟؟؟؟ :mad: يعني لو طلبت منك تحط تعليق كنت راح تقوم عليا القيامة .......يلا وريني عرض كتافك وعاود اطلع اقرا الموضوع كلو ....... |
رد: في الخامس من جويلية 1962 ...استقلت الجزائر ....لكن.. لا والله اخي الغالي الزين موضوع مثل هذا يستحق ان يقرأ اكثر من مرة ووالله انني لمست الروعة في موضوعك وشعرت بشعور رائع وغريب انفجر بدون مقدمات عندما توقفت عند بعض السطور ولكنني لم استغرب هذه الروعة منك اخي الكريم |
رد: في الخامس من جويلية 1962 ...استقلت الجزائر ....لكن.. ردك في حد ذاته ابهى من ماية موضوع خويا سامي ......... ربي يخليك ويحفظك ويعينك على الاشراف على سير المنتدى ...... تقبل كل الود والتحايا مني |
رد: في الخامس من جويلية 1962 ...استقلت الجزائر ....لكن.. 100عام استعمار و لكن الشعب الجزائري علي حسب علمي انهم مثقفين و في الاخير الشعب الحر لا يعيش الا علي الحر الحرة عاشت الجزائر حرة و عاش شعبها احرار مشكور جدا اخي الزين طرحك كان مميز جدا |
رد: في الخامس من جويلية 1962 ...استقلت الجزائر ....لكن.. جزاك الله خيرا و بارك الله فيك عرض رائع و تسلسل تاريخي واضح من السنوات. رحم الله الشهداء و حفظ الله الجزائر وجميع البلاد الإسلامية تقبل مروري |
رد: في الخامس من جويلية 1962 ...استقلت الجزائر ....لكن.. يعطيك العافية اخي الزين كما عودتنا بكل ابداع وجديد تاتينا |
رد: في الخامس من جويلية 1962 ...استقلت الجزائر ....لكن.. يعطيك العافيييييييية موضوع جدا جيد |
رد: في الخامس من جويلية 1962 ...استقلت الجزائر ....لكن.. بصراحة أنا قرأت الموضوع ثلاث مرات بعض الكلمات مافهمتها لانها جزائرية بس الكلمات اللي باللون الاحمر وكنت اركز فيها اكثر من مرة لانها مونسه كانت بتموتني ضحك وحتى وصلت للاخير وقرأت يالله اطلع وعيد الموضوع من جديد قراته من جديد وغصبا علي كل عام والشعب الجزائري حر والشعوب العربية والاسلامية في خير الزين لقد ابدعت في موضوعك من بدايته لانهايته مزيدا من التقدم والابداع تقبل مروري |
رد: في الخامس من جويلية 1962 ...استقلت الجزائر ....لكن.. اقتباس:
ربي يخليك خويا البرق ... (ماتنساش انك اول شخص عرفتو فالمنتدى :)) |
رد: في الخامس من جويلية 1962 ...استقلت الجزائر ....لكن.. اقتباس:
|
رد: في الخامس من جويلية 1962 ...استقلت الجزائر ....لكن.. اقتباس:
|
رد: في الخامس من جويلية 1962 ...استقلت الجزائر ....لكن.. اقتباس:
|
رد: في الخامس من جويلية 1962 ...استقلت الجزائر ....لكن.. اقتباس:
ربي يوصل اليمن الى بر الامان عاجلا غير آجل........ خويا لعزيز الكلمات الصعبة قلي عليهم وانا نوضحهملك ... واذا حبيت نخليك تتكلم كل اللهجة الجزايرية ماكان حتى مشكل ... المهم ترضى برك :) |
رد: في الخامس من جويلية 1962 ...استقلت الجزائر ....لكن.. مشكور اخي الزين علي هذا الموضوع و يعطيك ربي الف عافية وكل عام وانت والشعب الجزائر بالف خير |
رد: في الخامس من جويلية 1962 ...استقلت الجزائر ....لكن.. اقتباس:
وان شاء الله اليمن السعيد يخرج من عنق الزجاجة ...... ويوصل الى بر الامان عن قريب مرورك اسعدني جدا .. وتوقيعك يضحكني فعلا هههههههه |
| الساعة الآن 06:35. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير:
مجموعة الدعم العربى
جميع الحقوق محفوظه لمدينة الاحلام ©