|
عدوك من خويك مستفادُ ..هع والباقي كوكتيل السلام عليكم مسائكم جح باااارد^_^ كيفكم وشخباركم عساكم طيبين وصدووقين مدري وش ابدا فيه بس والله لقيت نفسي فاضيه وطفشانه و وااااصله حدي قلت اجي ابطحلكم موضوووع هووون واللي مايعجبه الموضوع لايدخل من الحين اقولكم لانه ماراح يعجب احد بس انا عاد فاضيه وجيت اسدحه المووووهم عن وشووو كنا نتكلم؟؟ عن الموضوووووع والمووووضوع عن وشو يتكلم؟؟عن ام الركب خخخخخخخخخخ الموضوع للحين مابدا يتكلم بس باقي والله افكر وش اكتب لاني مشتتتتتتتتتتتتته وقاعده حاول اتجمع واكتب ^_^ طيب نبدا اول شي بالسداكه<<الصداقه يقولون صديقك من عدوك مستفاد<<امحق بدايه عن الصداقه لا كذا ظنتي عدوك من صديقك مستفاد فلا تستكثرنَّ من الصِّحابِ<<هذا الصح الموووهم بما اني ما اعرف اجيب مقدمات واسمع عنها في نشرات الغسيل خخخ اقصد نشرات الاخبار فــ قلت ادخل دووووغري بدون لف ودوران الا مسموح الف يمين بس يسار مايصلح بس اذا كانت الاشاره حمرا اقدر الف يمين عادي بس اليسار هو اللي مابعد سمحولنا نلف مدري متى بيخلون اليسار مثل اليمين بس اليسار ممنوعه من اللف لانها مو مثل اليمين في المرتبه اليمين منزهه عن كلش<< اما اليسار لا عشان كذا ممنوعه من اللف^_^ الموووهم نرجع لموضوعنا اللي هو عن الصداقه يقولون الصديق وقت الضيق بس للاسف اغلب الاوقات صرنا نشوف الصديق وقت الوناسه و وقت الضيق ماحولك غير ظلك حتى هو احيانا ماتلاقيه بس بعد يظل الصديق وقت الضيق تدرون ليه لانك لاضقت ذرعا<<متعوب عليها اذا ضاقت بك الدنيا على طول يجي بالك صديقك عشان كذا يقولون الصديق وقت الضيق مو معناه انه يلتقي لك وقت الضيق لااااااا معناها انك انت تفكر فيه وقت الضيق بس هو احيانا بس يسمع انك في ضيق يبدا يتهرب وماتشوف رقعة وجهه الا في النادر (والنادر تراه مايجي الا بعد مايروح الضيق عشان يضيق عليك من جديدخخخ) او انك تلاقي صديق مجامل ماتدري متى يكون صادق معك يعني لاجيت تاخذ رايه بشغله ماتدري هو الحين عطاك الراي الزين ولا مجامله<<ذابحه بعض الناس او ((وهي اشين شي))صديق يكون اخس من العدو او بالاصح ((مسخ)) صديق يعني تلاقيه قدامك صديق ومن وراك يحشك حش حش الله لسانه خخخخخخخخخخخخخخ يعني مثلا تجي تتكلم مع شخص ومع السوالف ومن غير قصد ذا الشخص يجيب لك طري واحد من اصدقائك بس هو يكون مايدري انه صديقك ويقولك والله قال كذا وكذا<<ش8 <<للي يعرفونها كذا وكذا=كلام عنك بس على هيئة قصه يعني تلاقيه يستخدم تايد عند خلق الله<<ينشر الغسيل:D انت تسكت تقول يمتسن غلط وقال كذا او من غير قصد يومين يجيك الشخص اللي قبل شوي ويقولك فلان قال عنك وقال وقال ادري بتقولون من نقل اليك نقل عنك بس هذي مو محور حديثنا الحين خلوها للجزء الثاني يوم تجي تواجه صديقك يقول لك والله مادريت انه بيصير كذا انا قلتها بحسن نيه:o <وينها فيه حسن النيه:sm36[1]: وانت تكب العشا عند اللي يسوى واللي في الحظيظ <<اقصد اللي مايسوى عموما نرجع للمحور وحده تقول قصة خويتها من البدايه قالت والله خويتي الروح بالروح شوي قانتقل الحديث في الجلسه عن المياعه قالت والله فلانه مااااايعه((يازبده اجمدي شوي خخخ ))<<طبعا فلانه=البنت للي تقول انها خويتها الروح بالروح الموووهم شوي انتقل الحوار في نفس القعده عن الخراب الشامل<<اها بس قالت والله اللي قلتلكم عليها قبل شوي عند امها دمار شامل<<امحق صداقه والبنات خربانات طالعين على امهم ماتعرف للادب طري<<قوود باي يالصداقه المووهم اول شي تبادر للحاضرين هو((قل لي من خليلك..اقول لك من انت))<<الكل يعرفها طبعا دامها خويتك الروح بالروح وشوله تكبين عشاها هنا؟؟؟وعند مين؟؟ومنهو سالك عنها اصلا عشان تقولين كذا؟؟ وبعدين دامكم خويات انتي وهي او((صديقات))<<قسم انكم اهنتم الصداقه دامكم الروح بالروح مثل ماتقولين وش اللي يدرينا انك تختلفين عنها؟؟ طبعا هنا تغير الكلام اللي بداية القعده وقالت لا حنا مو الروح بالروح بيننا معرفه سطحيه بسهي فضفضتلي<فيس مطير عيونه بالله في وحده بتعرفك معرفه سطحيه بتحكيلك كل الحكايات الآنفة الذكر خخخخ بالله بعد الكلام اللي فوق تتوقعون فيه صديق صادق؟؟؟؟؟؟؟؟؟؟؟؟*_* يقول الشاعر سلام على الدنيا اذا لم يكن بها,,صديق صدوووق صادق الوعد منصفا وانا اقول انه مافي صديق بهالصفات للاسف فــ سلام الله على دنيتي*_* لاني ماشاء الله لقيت اصدقاء يهاااابلووون ماغير ((ينقلووون))<<كلمه عامه تعني لي وعني ولقيت ان اللي ينتقل عني اكثر من اللي ينتقل لي بـ 3 ارباع بس ابشركم اللي انتقل عني اغلبه كذذذذب بس باقي سؤال اذا اكتشفت ان صديقك ينقل عنك ومقلل قدرك قدام ربعكم*_* وشلون تواجهه بالموضوع لاني والله عجزت كل ما اجي بواجه اشوف ملامح وجهه بريئه قدامي وارجع انطم*_* يعني اي افضل اواجهه بقلة حياه<<ياعيني عالاخلاق ولا اتركه وماعاد احتك فيه خير شر؟؟<<الوسيله المتبعه حالياً والله مدري وين طلعت في موضوعي اللي مافيه جملتين مفيده بس الخلاصه يعني لاصرت مانتب كفو صداقه خل عنك التظاهر بالصداقه والصدق مو شرط تقول انا فلان صديقي والمعنى جد مختلف في نفسك يعني بس تكشخ فيه وقت يجيبون طاري الصداقه و وقت يبدا الحش انت اول واحد تتعشا على صديق عمرك ياعمري خخخخخخخخخ المووووهم انا تعبت من الكتابه وضيعت الفكره المقصوده ترون الموضوع اصلا مو مقصود كذا بس انا بديت اكتب واهلي كنهم ماعرفوني الا يوم بدات اكتب الموضوع كل شوي احد يناديني لين طارت فكرة الموضوع لاني من جد ما ادري الحين انا وصلت اللي ابيه ولا راح الموضوع كله مقدمه*_* عموما الحلقه الجايه بتكون افضل من ناحية الطرح والفكره واهلي ان شاء الله احجرهم ماحد يناديني لين اخلص كتابه وبجدعها فيذا هذا اذا شفتوا رقعة وجهي مره ثانيه يالله صييييييييييي يووووووووووو على خييييير |
مشكوره اختي بس مش فاهمه اشي |
بنت فلسطين*_* توقعت انك ماتفهمين بس خلي عنك الفهم اهم شي الاخلاق خخخخخخخخخ نورتي الصفحه خيتووو وان شاء الله تفهمين مع الوقت^_^ |
إذا المرء لايرعاك الا تكلفا فدعه ولا تُكثر عليه التأسفا . . ســلامٌ على الدنيا إذا لم يكن بها صديق صدوق صادق الوعد منصفا هنا سأعقب على تساؤلاتكـ فقط وليس على موضوعــك اقتباس:
ولكن بوجه عام وبنظرة عامه فلابد ان تجدي الصديق بل واصدقاء وحتى لو مالقيت صديق للحين بالنسبة لي مثلا ماراح ايأس وراح انتظر لين القى الصديق الصدوق . اقتباس:
المرحلة الاولى انه جاني الخبر من احد بس احب اذكرك ماقاله الله تعالى ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) فما يدريك ان ماقيل حقيق ام زيف ومادمت تذكري الصديق والصداقه والاخلاص والوفاء فانت تنفين كل هذا اذا اخذت الموضوع مباشرة بجدية دون أن تتأكدي فصداقة لاصراحة فيها لاتعتبر صداقة ابدا المرحلة الثانية إنه تأكدت ان هذا الصديق صار منه هالشي كما قلنا مافيه اجمل من الصراحة والمواجهه علشان اقل قليل الانسان يطلع اللي بقلبه وبعدين كل واحد يعرف طريقه ويروح بسبيل حاله فالانسان اللي ينقل الكلام ويقول فلان قال قد لايكون صادقا بقدر يجعل كلامه قاتلا لمعنى الصداقة في اعماقك ولكن بعد أن تتأكدي لك القرار الراقيه لي عودة بعد أن يعقب البعض ليثار النقاش بشكل اجمل والى أن اعود تقبلي ودي |
كنت ابحث عنه *_* من زمن بعيد كنت اسمع فيه وبأنه يأتي وقت الضيق كنت انتظر موعدآ بلقائة عله يريح جسدآ عليل لكن انتظاري طال ولحظات الترقب اصابها الملل وعلمت بأني ابحث عن شئ نادر وإن وجد فقد اصابه الزيف في زمن الكم والكيف لاشك بأن الصديق لم يعد كما سمعنا او قرأنا وكتبنا إنه السراب اللذي كلما إقتربنا نجده أبعد مما كان إنه الاسطورة والحروف المنثورة على صفحات مبعثرة الصديـــق حلم راودني ومازال يراودني واترقب اليوم اللذي اجد فيه يومآ من يفهمني من القى على عاتقه أحمال السنين وهمومآ لازمتني أن اقول له عن شئ اخفيه حتى عن نفسي وانا مطمئنة بأني ادفن سري واوارية الثرى حتى لااصدم يومآ بان هذا الصديق قد افشى سري ونشر خبرآ كنت اخجل من ان يعلم به احد أن يبادلني همه ويشاركني فرحه فأكون له ويكون لي روح بجسدين نلتقى ونفترق لكن شيئآ لايغير مابنفوسنا ولايعكر صفونا .,.,. ^ - ^ الراقــيــة كتبتي وصوبتي قلمكـ بالصميم نزفت مع حروفكـ أماني قد توارت وختفت واصبحت ذكريات .,.,. والله اعلم اني لم اكتب رد يناسب موزوعكـ * _^ لكن اعتبرها مشاركة وجدانيه لانكـ آثرتي موزوع مهم ياليت الكل يتناولة بالعافية مع شوي مقبلات :p متمنية أن لايصابوا بالتخمة وإن كنا من زمن ننادي بتعلم اللغة العربية ونقول دعونا نتعلم العربية هنا نقول دعونا نتعلم الصداقة وبحـــــــق ســلامٌ على الدنيا إذا لم يكن بها صديق صدوق صادق الوعد منصفا .,.,. محبتكـ صمت الج ـــروح |
في الحقيقه ننصدم عندما نقترب من واقعنا وحقائقنا اختي الكريمه الراقيه موضوع جميل الف شكر لك على هذا التميز وعلى هذا الحضور وبالنسبة للتساؤلات أنا مقتنع بما كتبته الاخ سامي والف شكر لكم جميعا على الاهتمام |
وهاأنا اعود لاننـي أحسست أنني بحاجة إلى أن اتواجد مجددا لانفض عن كاهلي عبئ الترحال في طريق اسمه صداقه الذي حملت فيه الكثير وتحملت منه الكثير ولعلي حملت غيري ايضا الكثيـــر لسنا معصومون عن الخطأ وقد ننتقد الشي فنقع فيــه كطابع البشرية الكثيرة الاخطاء فترحال الحياة جعلنا نلتقي بكثييير ونشاهد اكثر ونحتك بالاكثرية وهؤلاء الكثير اخترنا من بينهم اشخاص قربناهم الى قلوبنا احببناهم اسكناهم الاعماق اعتبرناهم اصدقاء ولكن سرعان مانرى أن ظهورنا تقطر دما بغرابة نلتفت واذا بنا نرى سكين الصداقه انغرز بلا اي تواني انغرز بعمق ليخلف جرحا لاتدمله الايام والسنين يستخدم البعض الصداقة كسكين ينبش ظهرك نبشا لاإنسانية فيــه نبشا لاتندمل جراحه ولكنـــي بت مقتنعا عن الاسباب التي جعلت ذلك الصديق يفعل بي ذلك بل سبب واحد لاأرى غيره لأننا مااتخذنا اي صديق لاننا رأيناه قريبا من الله ولاننا لم نترك اي صديق لاننا رأيناه ابتعد عن الله لم نحب لله ونبغض له فرسبنا في مستنقع تمر من عليه مياه النهر فلم نعرف ان نفصل احدهما عن الاخر لنستسيغ احدها ونتخلص من الآخر اختي الراقيــه إن ماذكرت سابقا من صفات من يتصف بها لايحق له ان يقتني ولو مجرد اقتناء لثواني كلمة صديق وصداقه الراقية اكتب وانا على عجلة من امري ولكن الموضوع يشدني اكثر لاكتب اكثر فلي عودة اخرى ان لم تكن عودات فكوني على استعداد لاستقبالي ودمت |
أختي آلعًٍزٍُيَزٍُهٍَ آلرٌٍآقٌٍيَهٍَ بصراحه أسلوبج رووعه وصياغتج للموضوع أرووع أنا ماعندي رد على الموضوع ولكن تقريبا فهمت قصدج ولو أكو بعض الكلمات ماني عارف معناتها:) ولكن أخوي السٌِِّآمًيَ كفى ووفى بالرد بس بصرااحه الحجي العامي إلي بالموضوع فضيـــع وموضوعج يحمس الواحد أنه يرد عليه على العموم يزاج الله خير أختي آلعـًٍـزٍُيـَـزٍُهـٍَ آلـرٌٍآقـٌٍيـَهـٍَ وأنا متابع للموضوع وليتج المره اليايه تصيغينه بأسلوب ثاني اوضح لأن الموضوع مهم واايد وبودي أرد عليه تُِِّْقٌٍبٌَِليَ تُِِّْحٍّيَآتُِِّْيَ وٍدًٍمًتُِِّْ |
اقتباس:
بالنسبه للكلام السابق كييييد ولايختلف عاقلين انه لايمت للصداقه بصله ولكن هذا مارايته بام عيني وانا اقول انه لايسمى صداقه ولاكنه مسخ صدقه انتماء للصداقه دون العلم بمفاهيمها واكيد احد مهما طال الوقت اكيد بيلاقي صديق صدووووق ولو كان من اهل بيته وصديق واحد صدوق يكفي عن مية صديق ^_^ اقتباس:
اقتباس:
انا قلت قبل ان من نقل اليك نقل عنك<<هذيتكفي للتشكيك في مصداقية من قالت الخبر ثانيا انا لا انفي مبدا المواجهه ولكن ارى فيها بعض الاحراج للطرفين خاصة اذا كان الطرفان من صديقاتي فانا عن نفسي افضل مواجهة الشخص القائل مو الناقل<<يعني صديقتي اللي تكلمت عني اواجهها بيني وبينها سواء كانت قالته او لم تقله لانها لو كانت لم تقل عندها سوف ارتاح نفسيا ولي تصرف اخر مع الثانيه<<اووخس ياكونان اما اذا كانت قالت فمواجهتي لها سوف تعرفهابقدر نفسها وانها ليست كفؤ للصداقه مشكووور اخوي على مرورك الرائع والذي زاد صفحتي روعة |
اقتباس:
نداء اتمنى ان يصل الى الكل قبل ان تطلقوا مسمى (اصدقاء) على انفسكم تعلموا معنى الصداقة الحقيقيهوعلى اساسها كونوا اصدقاء واختاروا اصدقاء مشكوره يالغلا على مرورك الرائع لكِ كل الود ولا عدمت تواجدك |
نضبت ينابيع الصداقة وجفت اختي وماتبقى منها اصبح لايروي ولا يغني ولكن هو ايضا حالنا مع اصدقائنا لم يجدونا في وقت المضيق ولم يجدونا بصراحتنا ووضوحنا مشكوره اختي الغاليه على هذا الطرح الجميل والاسلوب المستساغ رغم ان بعض الكلمات لم اكن على معرفة بها ولكنها جميله |
اقتباس:
وانا لا انكر تقصيري تجاه بعض صديقاتي ولكن ان لم اكن له عونا فلا داعي ان اكون عدواً اي انه حتى ان لم تجدني وقت الضيق وكنت مقصره معها هذا لايمنع ان تحفظ اسراري واحفظ اسرارها سواء بوجودها او بغيابها وان اكون صدوقه معها مشكور اخوي على مرور لك كل الشكر ولا عدمناك |
لا تعليق عندي على الموضوع بارك الله فيج أختي الكريمه الراقيه موضوع جميل والأجمل منه الأسلوب العفوي وطريقة الطرح تقبلي مروري المتواضع |
يزاج الله كل خير اختي الراقيه <<<<<<<<<<<<<<<<< ماني فاهمه:o |
اهلييين ابو دلال يكفي مرورك اخوي ولو كان بدون تعليق مجرد تواجدك شرف لي دمت بود : بنت الكويت مشكوره عالمرور قلبووو لاعدمتك*_* |
باااااارك الله فيك ... تقبل مروري |
بغداد الله يسعدك ويجزاك خير مشكور عالمرور |
| الساعة الآن 12:03. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير:
مجموعة الدعم العربى
جميع الحقوق محفوظه لمدينة الاحلام ©