منتديات مدينة الاحلام

بسم الله والحمد لله إن شاء الله سوف نبدأ دورتنا بخصوص الفوتوشوب سآلين سالين المولي ان يوفقنا في الاستفاده منها

الجزء الاول

ماهو الفوتوشوب؟
هو برنامج تحرير رسومي يمتاز بالإمكانيات والخدمات التي لا تخطر علي بآل فيه كثير من الاصدارات ولكن معضمها كان لا يدعم اللغه العربية إلا بواسطت الاستعانه ببرامج اخري (كالرسام) ولكن اخيراً ظهرت نسخه من البرنامج تدعم اللغة العربيه وهي نسخه الشرق الاوسط
(دي معلومات بسيطه وعشان ما ابراكم نبدأ عملي طوالي)

دي صورة واجهه البرنامج الرئسية (ماتخافوا وتقولوا فاضية) بعض المرات لما تنزل البرنامج بتلقي القوائم جاهزه .
اذا ما لقيتا اعمل شنو؟
اوريك تمشي
من الشريط الظاهر تفتح ويندوذ ذي ما ظاهر في الصورة التحت دي وتخط صاح بواسطة كلك علي الحاجات المعلمه في الصورة

بعد ده البرنامج ظهرت واجهته زي الناس واول حاجه ح ندرسه ان شاء الله هي شريط الادوات ونعرف الفايده من كل حاجاته
والصوره التحت دي بتوريك شريط المهام

المجموعه A
1- تحديد مستطيل
2- تحديد بيضاوي
3- تحديد صف واحد
4- تحديد عمود واحد
5- اداة القطع او الاقتصاص (ومرات تلقاها ما تبع المجموعه يعني تلقاها براها)
المجموعة B
1- تحديد حر وهي من اسمها واضح
2- تحديد مضلع وبرضوا دي
3- تحديد مغناطيسي وهي بيكون اذا عندك شكل معين فالتحديد يكون ملتصق مع هذا الشكل او اللون
المجموعة C
1- الختم المطاطي
2- ختم النقش
المجموعة D
1- فرشاة المحفوظات
2- فرشاة النقش
المجموعة E
1- ممحاة
2- ممحاة بدون لون
3- ممحاة من لون معين

المجموعة F
1- قلم الرصاص
2- الخط
المجموعة G
1- تنعيم
2- توضيح
3- اصبع
المجموعة H
1- انقاص الكثافة
2- الحرق
3- الاسفنجة
المجموعة I
1- القلم
2- قلم مغناطيسي
3- قلم حر
4- اضافة نقطة ارساء (+)
5- حذف نقطة ارساء (-)
6- تحديد مباشر
7- تحويل نقطة
المجموعة J
1- النص
2- قناع النص
3- نص رأسي
4- قناع النص الرأسي
المجموعة K
1- التدرج الخطي
2- التدرج القطري
3- التدرج الزاوي
4- التدرج الماسي
5-التدرج العكسي
المجموعة L
1- القطارة او الشافطة
2- تحليل الالوان

هذه هي قائمة الادوات وانا في اعتفادي التحديد والفرش والعصا السحرية في هذه الفترة هي المهمه
والجانب الشمال للشاشة البرنامج نجد ثلاثة نوافذ

في النافذة العليا نجد Navigator

وهي تعرض لنا الصورة الشغالين فيها وممكن من خلالها تكبر الصورة او تصغرة ((حسب الروية يعني ممكن تشتغل علي الابعاد الحقيقيه100% او تقللا 65% او تكبرة 145%
وجنبها طوالي بنلقي Info

وهي بتدينا معلومات حول لون وموقع احداثيات نقطة معينه
واخر واحده هي Histogram

وهي تحسب تدرج واختلاط الالوان يعني بتاعه محترفين كباااااااااااااااااااااااار

تحتها مباشره وفي الوسط نجد نافذه تحتوي علي ثلاثة اجزاء الاول color

وفيه ميزة جميله وهي تفيدك في تركيب الوان بواسط الكود او الرقم الخاص بها كما موضح في الاماكن المعلمة
حيث تكتب قيمة الاحمر وقيمه الاخضر وقيمة الازرق ((وهي الالوان الرئسية في النظام الرقمي ومنها يتم تكوين مختلف الالوان))
وبعدها نجد swatches

وفيها نجد مجموعه من الالوان الجاهزة نختار منها المناسب
واخر شي Styles

وفيها قوائم تختار منها مجموعه محدده او المجموعه المختارة وذلك بواسطة الرمز اعلي النافذه كما موضح هنا وهذه الخاصية موجوده في الالوان ايضاً

اسفلها مباشرة نجد النافذة

Layers
وهي من اهم الالنوافذ حيث يتم الشغل فيها هي يعني هي ساحه العمل ولير او الطبقات هي اللي بتخليك تسرح وتمرح ومثال علي كده اذا عنك كتابة عاوز تعل فيه حركات وابدع وهي في صورة وانت عاو تعمل للكتابة بس لازم تكون في طبقه براها عشان التاثيرات او الفلاتتر تكون ليها بس وباقي الطبقات ما تتأثر ((عارفكم زهجتو من البري بتاعي لكن لما نجي نطبق عملي ح تكون جميله
في الاسفل في شريط صغييير

من الشمال الي اليمين نمرة واحده دي فيها تأثيرات ممكن تعملها من ظل وتجسيم وغيرو........
نمره اتنين دي اداه الماسك وهي البتساعدنا في اننا ندمج صورتين مع بعض ونعمل ليهم تدرج وغيرو يعني رائعه جداً
نمره تلاته دي خلوها نمشي لي نمرة اربعه وهي خاصه بمعالجه الالوان
نمره خمسه وهي اضافه طبقه جديده لما تدوسه تجيك طبقه جديده
نمرة سته دي تمسح لينا الطبقه المظظله او العليها شغل
ما عليك إلا تنشط الطبقه وتدوسا تمسحها ليك (شغل سااااااااهل مش)

النافذه دي بتحتوي علي نوافذ كتيرة لكن انا اخترت المهمات منهم لينا حسي نلقي طبقه اسمها History

وهي بتساعدنا علي التراجع عن فلتر او حركه عملناها وما عجبتنا ما علينا إلا نشوف الحركه العاوزين لقيها ونرجع للخطوة القبلها لكن فيها ميزة انو ذي بنرجع للماضي كل الشغل العملناه بعد الحركه العاوزين نلغيها حيكون مافي
>>"c

بسم الله الرحمن الرحيم فالبدأ اعتذر اخوتي علي الانقطاع ونواصل موضوعنا عن الفوتو شوب
بعد أن عرفنا كل النوافذ الفاتحة في الفتوشوب نتوجه الآن إلى القوائم وح نتناول منها الجزء المهم في هذه المرحلة
نبدأ من البداية والقائمة file

كما ملاحظين أي أمر مقابل له الاختصار بتاعو من لوحة المفاتيح
ونبدأها بي
New
Open فتح
Browse معاينة موقع الملف المراض فتحة
Open As افتح علي صيغة
Open Recent افتح ملف سابق تم العمل به ماخراً
Edit in Image Ready أضف الملف إلى اميج ردي وهو برنامج لعمل الصور المتحركة يأتي مع الفوتو شوب
Close اغلق العمل
Close all اغلق جميع الأعمال المفتوحة
Save حفظ وهو يحفظ علي امتدادpsd وpdd (ماتسألأوني من معناها شنو بس ما من النوع البنحتاج ليهو في الشغل J )
وبستخدم تاني في حفظ تغير في عمل محفوظ مسبقاً
Save As هي للحفظ ولكن تتيح لينا الحفظ علي عدة صيغ للصور بتاعتنا والمهم منها الامتدادات التالية
Bmpو gifو jpg أنا بعتقد أنها المهمة لينا دلوقت
Save for web وهي حفظ الصور لاعمال النت من تصميم مواقع وغيرها ونري امتداد الgifهو أساسها وذلك لانك ممكن تصنع مثلاً كلمة وعاوزا تظهر ليك إذا حفظتها بامتداد jpg bmpحتكون خلفيتا بيضاء ولكن gif بتكون شفافة J
Revert وهي بتعمل ليك تراجع عن التعديلات الدخلتها في الملف الأصلي
Place برضو زيها بتعمل تراجع
Importو Export وهي تهتم بتصدير الصور لملفات الPDF والتانية لبرنامج اسمه illustrator
Automate فيها حاجات سمحة نعرفا إن شاء الله مستقبلاً
Scriptsهي لاستيراد لير من ملف أو بي دي اف والخ
File info معلومات العمل
Page setup إعدادات الصفحة
Print with preview الطباعة مع المعاينة
Print one copy طباعة نسخة واحدة
Exit خروج

بعدا طوالي نلقي
قائمة تحمل اسم Edit

1 تراجع عن الشغل في الطبقه المحددة
2 خطوه للأمام
2 خطوه للخلف
4 تحتوي لينا علي أوامر النسخ واللصق المعهودة والمعروفة
5 وهي لتفحص الأخطاء الإملائية
6 للبحث عن كلمة ووضع كلمه بديله لها وفي صندوق حوارا في حتة تدخل فيها الكلمه العاوز تلقاها وخانة تحتا تكتب فيها الكلمة الجديدة ( وكلام ده بيكون في طور العمل يعني قبال ما نحفظ الشغل بتاعنا إذا مثلاً عندنا كميه الكلمات في لوحه إعلانيه وعاوين نعدل فيها قبل ما نحفظه ونقفل شغلنا
7 هي تعبئة تحدد بأي أداة تحديد وتعبي بيها اللون العاوزو وهو البيكون اللون ( الفوق) في شريط الاداوت
8 هي أداة جميلة تتيح ليك انك تعمل إطار للصورة وتحدد عرضوا فيها شغل جميل لما نجيها
9 أداة التحويل الحر
10اداة التحويل ( وبها خيارات لنوع تحويل وتحريك العمل المراد تحويلة)
11اضافة الشكل المحدد كفرشة
12اضافة الشكل المحدد كنمط والأنماط نستفيد منها في التعبئة المتقدمة ( لاحقاً )
13 أضف كشكل من الأشكال الموجودة أصلاً في الفتوشوب

وبعدها بنلقي layer

New وهي عبارة عن طبقة لير جديدة وممكن نستغني عن هذه الخطوة بواسطة الضغط علي رمز طبقة جديد في النافذة لير كما زكرنا مسبقاً
Duplicate layer وبتقوم بعمل نسخة من الطبقة المحددة وجعلها طبقتين
Delete وبتقوم بالمسح وفيها خيارت منها مسح لير أو مسح خط ظاهر أو خط مخفي
Layer properties وهي خصائص الطبقه وفيها خانتين الأولي بتوريك اسم اللير وتانية لو داير تحد اللير بلون في نافذة اللير ودي بتنفع في الشرح
Layer style وهي فيها خواص جميلة منها نظام الألوان والظل الخ حاجات جميلة نعرفا قدام
New fill layer وهي لير جديدة ولكن تكون معبأة أما بلون أو بنمط (path) موجود
New adjustment layer وهي تختص بالون وخصائص وصفات اللير وفيها حاجات جميلة جدا جداً
Add layer mask
وهي تقوم بإضافة طبقة القناع لللير وتتيح لينا نعمل تداخل وتدرج الصور

وفي آخر القائمة نلقي كلمة flatten Image وهي خاصة بقفل الصورة حتى لا يستطيع أحد يعدل فيها

وفي قائمة أنا نسيتا وهي قائمة image
وهي كما توضحها الصورة

1 وهي خاصة بنظام اللون من رمادي إلى أحادي اللون إلى اخرة
2 برضوا مختصة بتغيير الألوان في اللوحة وهي أداة متمكنة جداً
3 ودي بتعمل دبل لللوحة اللانتا شغال فيها كلها ماذي دبل لير بتعمل لللير بس
4و5 برضو مختصات بحساب اللتلوين في العمل مع إخلاف بينهما لايذكر
6 وهي خاصة بتغير الحجم تصغير أو تكبير
7 وهي خاصة بتغير جزء معين من العمل أو اتجاه معين
8 نسبة الطول للعرض نقطةِ شاشة
9 وهي لتدوير العمل وممكن تكون بالزاوية الموجودة وممكن تكون عن طريق إدخال زاوية معينه
10 إذا حددنا جزء معين من العمل وضغطنا عليها يظهر لينا بس المحدد

ونلقي بعدها النافذة select

1وهي لتحديد جميع طبقات العمل
2 لإلغاء التحديد
3 لتراجع عن إلغاء التحديد
4 وهي أداة رائعة بتخلينا الحاجه المحددنها لما ندوس عليها ما يحص فيها تأثير وانما يحصل لباقي اللوحة

وعندنا في القائمة دي أيضا حاجه جميلة أداة اسمها modify
وهي أداة جميلة بمعني الكلمة فيها حاجه بتخلينا نحدد ونعمل تحديد تاني يبعد عن داك بمسافة العاوزينها نحني تحديد مربع تعمل ليك فيهو تنيات في الأطراف تكبر قيمة تحديد عملناها مسبقاً تقلل قيمة تحديد برضو عملناهو مسبقاً أداة رائعة

ونلقي بعدها النافذة select

1وهي لتحديد جميع طبقات العمل
2 لإلغاء التحديد
3 لتراجع عن إلغاء التحديد
4 وهي أداة رائعة بتخلينا الحاجه المحددنها لما ندوس عليها ما يحص فيها تأثير وانما يحصل لباقي اللوحة

وعندنا في القائمة دي أيضا حاجه جميلة أداة اسمها modify
وهي أداة جميلة بمعني الكلمة فيها حاجه بتخلينا نحدد ونعمل تحديد تاني يبعد عن داك بمسافة العاوزينها نحني تحديد مربع تعمل ليك فيهو تنيات في الأطراف تكبر قيمة تحديد عملناها مسبقاً تقلل قيمة تحديد برضو عملناهو مسبقاً أداة رائعة

وبعدها طوالي بنلقي قائمة filter
سيدة أدوات الفتوشوب وملكة الإبداع وهذه القائمة من خلالها تعمل معظم التأثيرات جميلة علي الصور

1 بتلقي فيو آخر فلتر استخدمتو
2 فلتر جميل فيهو حركات جميلة
3 عبارة عن فلتر يضع ليك جميع الفلاتر الاساسية في صفحه واحده مع امكانية مشاهدة التأثيرات علي العمل
4 و5 فلاتر كويسة لكن استعمالا ماكتير لكنها برضو مفيدة
6 وهي مجموعه الفلاتر الأساسية للفتوشوب وكل واحد منها بيحتوي علي قائمة فرعية
7 وهنا بتكون الفلاتر المتقدمة يعني اللي انتا بتركبا بي نفسك

بعدها طوالي بنلقي view
وهي للتحكم بالعرض وكده يعني ولو خليناها بالخصائص الافتراضية احسن لانو والله انا لحدي حسي ما هبشتها

بعدها بنلقي window

الجزء الأول وبياخد اللون الأحمر عبارة عن طريقة رص وعرض الشرائح العمل في الواجهة البرنامج
والتاني لتصغيرها

الجزء الثاني والملون بالخط الأصفر وهو خاص بإعدادات البرنامج والنوافذ المراض إظهارها وإخفائها

الجزء التالت وهو خاص بالصور المفتوحة الآن في واجهه البرنامج

بعدها مباشرة نلقي help وللأسف ما بنلقي زول بستخدما أو يلجا ليها لأنها بالانقليزي J
لحدي هنا نكون عملنا تغطية مختصرة للبرنامج نوافذه وقوائمو وان شاء الله بعد كده ح نبدي التصميم من الألف للياء بواسطة المكونات الأساسية للفتوشوب
وما التوفيق إلا من عند الله وإذا أخطأت من نفسي والشيطان فأسلكم صالح