منتديات مدينة الاحلام - امرأة تبيع زوجها ..!!

قصة حقيقية

زوجه باعت زوجها ب10 آلاف دينار كويتي

السلام عليكم ورحمة الله وبركاته

في وحده بالكويت

بنت خير ونعمة ومو متزوجة وبغت العفة والستر وبالحلال>
فقالت لرفيجاتها

اللي تزوجني والله أعطيها 10 الاف دينار كويتي

قاموا البنات يدللون على أخوانهم وعيال عمهم

وما صار نصيب

فكرت وحده من البنات بفكرة

راحت لزوجها وقالت له شرايك تتزوجها وتطلقها بعد فترة
وآخذ انا 5 آلاف وأنت 5 آلاف ؟؟

طبعا زوجها رفض رفضاً باااااااااااتاً

وضحك عليها وعلى خبالها

لكنها أصرت عليه

والسبب إنها واثقة جداً من جمالها وحب زوجها لها

وما تظن أن ممكن وحده تصك عليها

المهم صارت تحن وتحن على زوجها

لما قال لها انه فكرت ولقيت فكرتج مقبولة

وخطب البنت

والبنت وافقت

وتمت الملكة

فجاء الزوج

وأعطى زوجته المبلغ الكامل

قالت له : لا حبيبي بالنصيفه

رد عليها : خليهم لج شبعي فيهم

أنتي بعتيني وهي شرتني

روحي وأنتي طالق