منتديات مدينة الاحلام - تعديل الpsp في 8 خطوات بسيطة

سلاموا عليكوا

طبق اليوم عبارة عن كيفية تعديل جهاز الPSP سواء كان Fat أو Slim و بغض النظر عن إصدار الفيرموير بتاع الجهاز

الطريقة مجربة و شغالة مليون في المية و أنا مجربها علي جهازي الSlim و كان عندي أحدث فيرموير وقتها 3.93

التعديل يتم عن طريق حاجتين ، كرت ميموري عادي نقوم بتحويله لMagic Memory Stick
و بطارية بتاعت الجهاز القديم (Fat) نقوم بتحويلها لما يسمي ب Pandora Battery ، لاااااااااااا تستعمل بطارية Slim حيث إني علمت إن إحتمال بعضها يكون عليه حماية ضد التعديل .

الكارت سهل تحويله و كل المشكلة في البطارية

يوجد طريقتين لتحويل البطارية إلي Pandora

Hard Modding حيث تقوم بفتح البطارية و كسر Pin معينة فيها لتحويلها

أو

Soft Modding حيث تستعمل جهاز Fat معدل لصنع ال Pandora ، للأمانة لم أجرب هل ينفع جهاز Slim معدل أم لا ، خلينا في اللي نعرفه أحسن http://dvd4arab.maktoob.com/smile1/smile.gif

في هذا الموضوع سأستعمل الطريقة الثانية أو ال Soft Modding حيث أن الHard Modding غير آمن و لا أنصح به لأن إحتمال كبير البطارية تبوظ

يعني من الآخر هات جهاز Fat متعدل عشان تستعمله في صنع الPandora

و للي عايز طريقة الHard Modding بحث بسيط عاليوتيوب هيجيب فيديوهات كتير بتشرحها

بسم الله نبدأ ،

تنبيه : إستعمل ويندوز اكس بي و ليس فيستا حيث أن فيستا لا ينفع أحياناً لصنع الMagic Memory Stick و التي سنحتاجها لاحقاً

المطلوب :

1 - كابل الUSB

2 - جهاز PSP Fat معدل

3 - كارت ميموري مساحته مش أقل من 512 ميجا

4 - بطارية Fat مشحوووووووووووووووونة علي الآخر بدل ما تفصل في النص و الحوارات دي

5 - الشاحن

يلا نبدأ

أولاً : حمل الملف ده

ثانياً : بعد التحميل فك الضغط

ثالثاً : حط كارت الميموري في الجهاز المعدل و فرمته

رابعاً : إفتح ملف Autorun.exe اللي في المجلد اللي لسه فاكين ضغطه ، هما أربع خطوات سهلين أوتوماتيك مش محتاجين شرح لما يقولك دوس ok دوس ، و لما يطلب منك تدوس Y في نافذة الدوس اللي هتطلع دوس Y و Enter

بكده إحنا حولنا كرت الميموري إلي Magic Memory Stick يعني خلصنا نص الشغلانة

خامساً : إعمل رستارت للجهاز (المعدل طبعاً اللي شغالين عليه)

سادساً : بعد ما الجهاز يفتح روح علي قائمة Games هتلاقي Pandora's Battery إختارها ، بعد التحميل دوس مثلث عشان نعمل نسخة من الملفات اللي عالبطارية (أيوة فيه ملفات عالبطارية صدق أو لا تصدق........)

بعد كده البرنامج هيقفل ، إفتحه تاني و دوس X المرة دي ، كده هيحول البطارية إلي Pandora ، كده بقي معانا كل أدوات التعديل (بطارية Pandora + كرت ميموري Magic)

سابعاً : خد الكرت و البطارية و حطهم في جهازك اللي عايز تعدله ، في بعض الأحيان الجهاز ممكن يفتح لوحده ، علي العموم لو مفتحش إفتحه إنت ، هتلاقي قائمة ظهرت ............دوس X عشان يبتدي يحمل فيرموير 3.71M33

ملفات كتييييييير هتجري عالشاشة بعدين هيقولك Installation Complete Press X ، دوس X و بكده الجهاز هيطفي ، شيل البطارية و الكرت ، حط الشاحن و إفتح الجهاز و مبروووووووووووووووووك تم تعديل جهازك ، كده إنت علي فيرموير 3.71 كاستم أو M33

ملحوظة : أحدث إصدار هو 3.90 الإصدار الثالث أو M33-3

لازم الأول نحمل الإصدار الأصلي من هنا

بعدين فك الضغط هتلاقي مجلد إسمه Update حطه جوه مجلد Psp/game داخل كرت الميموري

إفتح الجهاز و في قائمة Games هتلاقي برنامج التحديث شغله ، الجهاز هيطلب منك الفيرموير الأصلي 3.90 بتاع سوني ، دور عليه عالجوجل أو ممكن البرنامج يحملهولك بنفسه عن طريق الوايرلس بدل وجع القلب ، بعد ما يخلص إبتدي التحديث ، لما يخلص كده إنت بقيت علي فيرموير 3.90 M33

ممكن تجيب آخر فيرموير بعد كده عن طريق الوايرلس عادي من الجهاز من قائمة Network Update هيحملك آخر إصدار من الفيرموير المعدل و ليس الأصلي

ثامناً : بكده مش ناقص غير حاجة واحدة إننا نرجع البطارية تاني بطارية عادية مش Pandora

حط الشاحن في الجهاز اللي كان متعدل أصلاً مش إللي إحنا عدلناه ، و إفتح الجهاز ، بعد ما يفتح حط البطارية الPandora و الكارت , شغل نفس البرنامج اللي كنا شغلناه عشان نعمل Pandora بس المرة دي إختار Return battery Back To Normal ، لما يخلص كده البطارية بقت بطارية عادية ممكن تستعملها عادي تاني ، إعمل رستارت للجهاز و فرمت كرت الميموري عشان يرجع عادي مش Magic

يا رب أكون أفدنكم ، و مش مهمممممممم عندي الردود ، المهم محدش يستغلك و يقولك أعدله ب 200 و 100 جنيه و الكلام الفاضي ده http://dvd4arab.maktoob.com/smile1/ange.gif