|
غلطــــــــــــــــــــــــــــه غلطه!!!!! والله إني كنت ألوم اللي يضيق إن غاب خلّه ...................................لين جرّبت المحبه والفراق وقلت توبه!! لعنبو . جد المفارق فيه هم . وفيه ذلّه ....................................أثر كل الحب لذه والفراق أكبر عيوبه أمس . فارقت الغلا ومفارق الخلان علّه .................................. والعلاج الوصل لاتبلش طبيب ولا حبوبه الزعل هو سبّة الفرقا يهّز الحب كلّه ..................................... ليتني طولّت بالي قبل لا يعلن غروبه واهني اللي وسيع الصدر صدره وسع فلّه ............................ غلطة الصاحب تجي وتروح ماهي بمحسوبه عارفٍ قدره وقدر اللي يحبه في محلّه ........................... ذاك نفسه لا حشا ماهي علي الحب مغصوبه سامح الله طبعي اللي للتغيّر يالعلّه! .............................. قاضبٍ خلك عزيز . ولين صارت لي عقوبه ليش تحسب غلطة الصاحب علي الصاحب مذلّه !؟ ............................... ليش ماتحسب ميانه لوتجي عشرين نوبه ؟؟ لا وربي كنت أحبه حيل مادوّرت زلّه ................................... لا تشكك في غلاه . ولا تساعد في هروبه لايمي . قبلك تعبت ألوم شعار المجلّه ................................. وكنت مؤمن في مقولة أعذب الشعر الكذوبه وأثر كّلٍ في حياته له تجارب مستقلّه ................................... وأنت لا تشره علي . مثلي . وتبلا لك بحوبه كان جابتك الحميّه روح له تكفا وقلّه ............................................... لا يخليني وإذا ودّه يخفف من ذنوبه يستخير وله غلا قلبٍ صدوقٍ ما يملّه ........................................... فدوةٍ له كل قلبي من شماله لي جنوبه يوم قفـّا والخفوق يفوح عقبه فوح دلّه .......................................... وسط وقدة واحدٍ عزّ الشتا والسهر دوبه لاتقهوى . بارده من برد فنجاله وزلّه .............................................. ثم قرّبها علي جال الجمر وأرهى شبوبه وين يدله هالخفوق وكل مايدله يتلّه .............................................طاري اللي ياكثر ما أتعبت رجلي في دروبه لاطرى . جريت ونـّة من بلاده مستحلّه ............................................... مثل ماراحت بلادي مع شعارات العروبه كل هاجوسٍ يجيبه جعل شعري فدوةٍ لّه ................................................. وأعذابي . كل ما جابت لي الجبله هبوبه مشغلٍ قلبي بحبه دون خلق الله . من الله .......................................... هيه . ياللي ممتلكني حسن وأسلوب وعذوبه ماسمعت إن الخوي له بالخوي تسعين زلّه .................................................. . وأنت طوّف زلتي ياعل تفداك اللعوبه صاحبي سيف الهجر . لاصرت تقدر لاتسلّه .............................................. ماتظن العفو عند المقدره أفضل عقوبه ؟؟ أيه أنا اللي كنت ألوم اللي يضيق إن غاب خلّه .................................................. لين . جرّبت المحبه والفراق وقلت توبه تحياتي بنت المدينة |
جميل يا بنت المدينة كلمات رائعة يسلمو علي القصيدة تقديري و احترامي |
مااصعب الفراق يجعل السعادة تختفي والابتسامةُ تتلاشى والصدر يضيق وتفيض العيون باعذب دمعتها وابرأها بنت المدينة اينما وليت بنظري في ارجاء هذه المدينة الا واجد لك معلم ابداع وبصمة تميز اشكرك على حضورك الراقي وعلى روحك العذبة التي تمتعنا وتثرينا بكل جديد تقبلي مني فائق التقدير والتحية السامي |
الله يعطيك العافيـــة أختي الكريمــة بنت المدينة على القصيـــدة الجميل في أبياتها وكلماتها الرائعه ونتطلع إلى المزيد من الابداع |
بنت المدينة ياعذبة صاغت بالكلمات لحنا جميلا طربت به مسامع الجميع لاعدمنا هذه الابداع ونتمنى ان لاتحرمينا اياه دمت وبارك الله خطاك |
اخواااااني القعقااااع الاستااااذ الساااامي وادااارتي المميزة مدينة الاحلام تسلموووو على مروركم الجميل بل وردودكك الاغلى ومع اطيب الاماني لكم اختكم بنت المدينة |
تسملي بنت المدينة كم اذهلني وادهشني حضورك الرائع وانتقائك الكلمات العذبة دمت بكل ود |
| الساعة الآن 08:44. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
ترقية وتطوير:
مجموعة الدعم العربى
جميع الحقوق محفوظه لمدينة الاحلام ©